1 Ma sa oo ina latou o atu, ma amata ona tala’i atu o le afioga a le Atua i le nuu, i le ulu atu i o latou sunako, ma o latou fale; ioe, ma e oo lava ina sa latou tala’i atu le upu i o latou auala.

2 Ma sa oo ina ua mavae galuega e tele i totonu o i latou, sa amata ona latou maua o le manuia i totonu o le ^avasega o tagata matitiva; aua faauta, sa tutuli i latou i fafo mai sunako ona o le mafiafia o o latou ofu—

3 O lea sa le faatagaina i latou e ulu atu i o latou sunako e tapuai i le Atua, ona sa manatu o latou uso e faapea ua latou eleelea; o lea sa latou matitiva; ioe, sa manatu o latou uso ia te i latou o ni otaota; o lea sa latou ^amatitiva e faatatau i mea o le lalolagi; ma sa latou matitiva foi i le loto.

4 O lenei, a’o a’oa’o ma tautala atu Alema i tagata i luga o le maupuepue o Onaeta, sa o ane ia te ia se motu toatele o tagata, o i latou ia o e ua matou tautatala atu ai, o e ua ^amatitiva i le loto, ona o lo latou matitiva e faatatau i mea o le lalolagi.

5 Ma sa latou o ane ia Alema; ma sa fai mai ia te ia le sa taimua ia i latou: Faauta, ^ao le a se mea a fai e o’u uso nei, ona ua inosia i latou i tagata uma ona o lo latou matitiva, ioe, ma aemaise lava e o matou faitaulaga; ona ua latou ^etutuli i matou i fafo mai i o matou sunako ia sa matou galulue malosi e fausia i o matou lava lima; ma ua latou tutuli i matou i fafo ona o lo matou matitiva tele; ma ua leai se mea matou te tapuai ai i lo matou Atua; ma faauta, ⁱo le a se mea a matou faia?

6 Ma o lenei ina ua faalogo atu Alema i nei upu, sa liliu atu o ia, ua faasaga sa’o atu ona fofoga ia te ia, ma vaai atu o ia ma le olioli tele; ona ua ia vaai atu ua ^afaalotomaualaloina lava i latou e o latou ^epuapuaga, ma ua latou ⁱsaunia e faalogo i le upu.

7 O lea sa ia le toe fai atu ai ni isi mea i le isi motu o tagata; ae sa ia faaloaloa atu lona lima, ma alaga atu ia te i latou o e na ia vaai atu i ai, o e ua salamo moni, ma fai atu ia te i latou:

8 Ua ou vaai atu ua outou loto ^amaualalalo; ma afai o lea, amuia outou.

9 Faauta ua fai mai lo outou uso, O le a se mea a matou faia?—ona ua tutuli i matou i fafo mai i o matou sunako, ua le mafai ai ona matou tapuai atu i lo matou Atua.

10 Faauta ou te fai atu ia te outou, tou te manatu ea ua le mafai ona outou ^atapuai atu i le Atua se’i vagana ai ua na’o totonu o o outou sunako?

11 Ma e le gata i lea, ou te fesili atu, tou te manatu ea ua le tatau ona outou tapuai atu i le Atua ae na’o le faatasi i se vaiaso?

12 Ou te fai atu ia te outou, o se mea lelei le tutuli o outou i fafo mai i o outou sunako, ina ia mafai ona outou lotomaualalalo ai, ma ina ia mafai ona outou a’oa’oina ai le ^apoto; aua e tatau ona outou a’oa’oina le poto; ona o le tutuli o outou i fafo, i le inosia o outou e o outou uso ona o lo outou ^ematitiva tele, ua aumai ai outou i le maualalo o le loto; ona ua tatau ai ona aumai o outou ia faalotomaualalaloina.

13 Ma o lenei, ona ua faamalolosia outou ia outou lotomaualalalo, amuia outou; ona o le tagata i ni isi taimi, afai e faamalosi o ia ia lotomaualalo, e saili o ia ia salamo; ma o lenei e moni lava, ai se e salamo e maua e ia le alofa mutimutivale; ma o ia na te maua le alofa mutimutivale ma ^atumau e oo i le iuga, o ia lava lea o le a faaolaina.

14 Ma o lenei, e pei ona ou fai atu ia te outou, talu ai ona ua faamalosia outou ia outou lotomaualalo ua outou manuia ai, pe tou te le manatu ea ua sili atu le manuia o i latou o e ua latou faalotomaualaloina i latou lava ona o ana afioga?

15 Ioe, o ia o le ua ia faalotomaualaloina o ia lava, ma salamo i ana agasala, ma tumau e oo i le iuga, o ia lava lea o le a faamanuiaina—ioe, e sili atu ona faamanuiaina nai lo i latou o e ua faamalosia ia lotomaualalo ona o lo latou matitiva tele.

16 O lea, amuia i latou o e latou te ^afaalotomaualalaloina i latou lava e aunoa ma le faamalosia ia lotomaualalalo; po o, i ni isi upu, amuia o ia o le e talitonu i le afioga a le Atua, ma ua papatiso e aunoa ma le maaa o le loto, ioe, e aunoa ma le tau aumai ia ona iloaina le upu, pe faamalosia ia ona iloaina, faatoa o latou talitonu ai.

17 Ioe, ua i ai se toatele o e ua fai mai: Afai e te faaali mai ia te i matou se ^afaailoga mai le lagi, ona matou iloa ai lea ma le mautinoa, ona matou talitonu ai lea.

18 O lenei ou te fesili atu, o le faatuatua ea lea? Faauta, ou te fai atu ia te outou, E leai; ona afai ua iloa e se tagata se mea, ua leai se pogai ia te ia e ^afaatuatua ai, ona ua ia iloaina.

19 Ma o lenei, ua le sili atu ea le fetuuina o ia o le ua ia ^ailoaina le finagalo o le Atua ae ua ia le faia, nai lo o ia o le ua na o na talitonu, pe ua i ai na o se pogai e talitonu ai, ma pa’ū atu i le solitulafono?

20 O lenei e ao ina outou faamasino e faatatau i lenei mea. Faauta, ou te fai atu ia te outou, e pei ona i ai i le tasi itu ua faapea foi ona faia i le isi itu; ma o le a faia i tagata taitoatasi e tusa ma ana galuega.

21 Ma o lenei e pei ona ou fai atu e uiga i le faatuatua—o le ^afaatuatua e le o le maua lea o se malamalama atoatoa i mea; o lea afai ua ia te outou le faatuatua ua outou ^efaamoemoe mo mea e ⁱle vaaia, a e moni.

22 Ma o lenei, faauta, ou te fai atu ia te outou, ma ou te manao ia outou manatua, e alofa mutimutivale le Atua i tagata uma o e e talitonu i lona suafa; o lea ua ia finagalo ai, i le tulaga muamua lava, ia outou talitonu, ioe, i lana afioga lava.

23 Ma o lenei, e faaali mai e ia lana afioga i tagata e ala mai i agelu, ioe, e ^ale i na o tane ae i fafine foi. O lenei ua le ona pau lea; o ^etamaiti laiti e i ai upu e tuuina mai ia te i latou i le tele o taimi, e faamaasiasia ai e popoto ma e ua a’oa’oina.

24 Ma o lenei, o’u uso pele e, ona ua outou fia iloa mai ia te a’u le mea ia outou faia ona ua outou puapuagatia ma tutulia i fafo—o lenei ou te le manao ia outou manatu e faapea ua ou faamasino ia te outou vagana ua tusa ai ma mea ua moni—

25 Ona ou te le faapea atu sa faamalolosia outou uma ia outou faalotomaualalaloina outou lava; ona ou te talitonu moni lava e i ai ni isi i totonu o outou o e latou te faalotomaualalaloina i latou lava, e tusa lava po o a tulaga atonu latou te i ai.

26 O lenei, e pei ona ou fai atu e uiga i le faatuatua—e faapea e le o se malamalama ua atoatoa—ua faapea foi i a’u upu. E le mafai ona outou iloa i le amataga lo latou mautinoa, i le atoatoa, e sili atu nai lo le faapea o le faatuatua o se malamalama ua atoatoa.

27 Ae faauta, afai tou te ala mai ma fafagu o outou mafaufau, e oo i le tofotofo i a’u upu, ma faatino sina vaega itiiti o le faatuatua, ioe, e tusa pe ua le mafai ona e faia o se isi lava mea nai lo le ^afia talitonu, ia tuu lea manao e galue i totonu ia te oe, seia oo lava ina ia e talitonu ai i se ala e mafai ai ona e tuu ane o se avanoa mo se vaega o a’u upu.

28 O lenei, o le a tatou faatusaina le upu i se ^afatu. O lenei, afai e te tuu ane se avanoa, e mafai ona totō ai o se ^efatu i lou ⁱloto, faauta, afai o se fatu moni, po o se fatu lelei, afai e te le tia’ia i fafo i lou ^ole talitonu, e te tetee ai le Agaga o le Alii, faauta, o le a amata ona malena a’e i totonu o lou fatafata; ma pe a e lagona ia faalogona o le malena a’e, o le a amata ona e fai ifo ia te oe lava—Ua tatau ona lelei lenei fatu, pe ua lelei le upu, ona ua amata ona faalauteleina ai lo’u agaga; ioe, ua amata ona faamalamalama ai lo’u ^umalamalamaaga, ioe, ua amata ona suamalie ia te au.

29 O lenei faauta, pe le faateleina ea i lenei mea lou faatuatua? Ou te fai atu ia te outou, Ioe; ae ui i lea e le’i tupu ae i se malamalama ua atoatoa.

30 Peitai faauta, a’o malena a’e le fatu, ma totogo mai, ma amata ona ola, ona tatau lea ona e faapea ane ua lelei le fatu; aua faauta ua malena a’e, ma totogo mai, ma ua amata ona ola. Ma o lenei, faauta, pe le faamalosia ea i lenei mea lou faatuatua? Ioe, o le a faamalosia ai lou faatuatua: ona o le a e faapea ane ua ou iloa o se fatu lelei lenei; auā faauta ua totogo a’e ma amata ona ola.

31 Ma o lenei, faauta, ua e mautinoa ea o lenei fatu o se fatu ua lelei? Ou te fai atu ia te outou, Ioe; ona e fua mai fatu taitasi i ona lava ^afoliga.

32 O lea, afai e ola se fatu, o se fatu lelei, ae afai e le ola, faauta ua le lelei, o lea e tia’i ese ai.

33 Ma o lenei, faauta, ona sa e faia le faataitaiga, ma totō le fatu, ma ua tuputupu a’e ma totogo mai, ma ua amata ona ola, e tatau ai ona e iloa ua lelei le fatu.

34 Ma o lenei, faauta, pe ua atoatoa ea lou ^amalamalama? Ioe, ua atoatoa lou malamalama i lena mea, ma ua moe lou ^efaatuatua; ma o le pogai ona ua e iloa, ona ua outou iloa ua malena a’e le upu i o outou agaga, ma ua outou iloa foi ua totogo a’e, ona ua amata ona faamalamalamaina o lou malamalamaaga, ma ua amata ona faalauteleina o lou ⁱmafaufau.

35 O lea la, pe ua le moni ea lenei mea? Ou te fai atu ia te outou, Ioe, aua o le ^amalamalama lea; ma o soo se mea ua malamalama, ua lelei, aua ua iloatino, o lea e tatau ona e iloa ai ua lelei; ma o lenei faauta, ina ua uma ona e tofo i lenei malamalama pe ua atoatoa ea lou malamalama?

36 Faauta ou te fai atu ia te outou, E leai; pe tatau foi ona e tuu ese lou faatuatua, ona sa na o lou faatinoina o lou faatuatua e totō ai le fatu ina ia mafai ona e taumafaia le faataitaiga e iloa ai pe ua lelei le fatu.

37 Ma faauta, pe a amata ona tupu o le laau, o le a outou faapea ane: Se’i o tatou tausia ma le faaeteete tele, ina ia mafai ona mauaa, ina ia mafai ona tupu ae, ma fua mai ni fua mo i tatou. Ma o lenei faauta, afai tou te tausi i ai ma le faaeteete tele o le a mauaa, ma tupu ae, ma fua mai.

38 Ae afai e te ^atuulafoai i le laau, ma lē manatu i ai mo lona tausiga, faauta o le a le mauaa o ia; ma pe a oo mai le vevela o le la ma mu ai, talu ai ona ua leai ni ona aa, o le a mamae, ma o le a e liaina i luga ma lafoaiina i fafo.

39 O lenei, sa le’i tupu mai lenei mea ona e faapea sa le lelei le fatu, pe faapea foi ona sa le manaomia ona fua; ae ua tupu mai ona ua naumati lou ^aeleele, ma sa e le fia tausia le laau, o lea ua le mafai ai ona e maua o ona fua.

40 Ma o lea, afai tou te le tausia le upu, ma tepa taulai i luma ma le mata o le faatuatua i lona fua, e le mafai lava ona outou tauina le fua o le ^alaau o le ola.

41 Ae afai tou te tausia le upu, ioe, tausi le laau ina ua amata ona ola mai, i lo outou faatuatua ma le filigā tele, ma le ^aonosai, ma tepa taulai i luma i lona fua mai, o le a mauaa; ma faauta o le a avea ma laau e ^etotogo ae i le ola tumau e faavavau.

42 Ma ona o lou ^afiligā ma lou faatuatua ma lou onosai i ana afioga i lona tausiga, ina ia mafai ona maua’a i totonu ia te oe, faauta, e le pine o le a e tauina ai lona ^efua, lea ua sili ona pele, lea ua sili ona suamalie i mea uma ua suamalie, ma lea ua sili ona paepae i lo mea uma ua papae, ioe, ma mamā i lo mea uma ua mamā; ma o le a outou taumamafa fiafia i lenei fua seia oo lava ina outou maoona, o le a outou le fia aai, pe fia feinu foi.

43 O le taimi lea, o’u uso e, o le a outou selesele ai taui o lo outou faatuatua, ma lo outou filigā, ma le onosai, ma le tali-tiga, ma faatalitali mo le laau e fua mai fua mo outou.