1 Pitit gason m nan, koute pawòl mwen yo, paske, m di w, menm jan m te di Elaman, toutotan ou respekte kòmandman Bondye yo, w ap pwospere nan peyi a; epi tout otan ou pa respekte kòmandman Bondye yo, l ap chase w nan prezans li.

2 Kounyeya, pitit gason m nan, m kwè m ap gen anpil lajwa nan ou poutèt dwati w ak lafwa w nan Bondye, paske jan ou te kòmanse chèche Senyè Bondye w la pandan ou jèn nan, se konsa, m espere w ap ^akontinye respekte kòmandman yo, paske, moun ki ^bpèsevere jiska lafen ap beni.

3 M di w, pitit gason m nan, m deja gen anpil lajwa nan ou poutèt lafwa w ak dilijans ou, ak pasyans ou, ak rezistans ou nan pami pèp ^aZoramit la.

4 Paske, m konnen w te nan esklavaj; wi, m konnen tou, yo te voye wòch dèyè w poutèt pawòl la; epi w te sipòte tout bagay sa yo avèk ^apasyans, paske Senyè a te ^bavèk ou; kounyeya, ou konnen Senyè a te delivre ou.

5 Kounyeya, pitit gason m nan, Chiblon, m ta vle pou w sonje, toutotan ou mete ^akonfyans ou nan Bondye, se otan w ap ^bdelivre anba traka w yo, ak ^cpwoblèm ou yo, ak afliksyon ou yo, epi w ap leve nan dènye jou a.

6 Kounyeya, pitit gason m nan, m pa ta vle pou w panse, m konnen bagay sa yo pou kont pa m, men, se Lespri Bondye nan mwen ki fè m konnen bagay sa yo; paske, si m pa t ^afèt nan Bondye, m pa t ap konnen bagay sa yo.

7 Men, Senyè a, nan gwo mizèrikòd li, li te voye ^azanj li pou deklare m, m dwe mete fren nan travay ^bdestriksyon k ap fèt nan pami pèp sa a; wi, epi m te wè yon zanj fasafas, li te pale avèk mwen, vwa l te tankou loray epi li te souke tout tè a.

8 Epi, se te konsa, m te pase twa jou ak twa nuit nan lapenn ak angwas ki pi anmè nanm mwen te kapab santi, epi m pa t janm resevwa ^apadon pou peche m yo, jistan m te kriye nan pye Senyè a, Jezikri pou mizèrikòd. M te kriye nan pye l, epi m te jwenn lapè pou nanm mwen.

9 Kounyeya, pitit gason m nan, m di w sa, pou w kapab aprann sajès, pou kapab aprann nan men m, pa gen ^aokenn lòt chemen oubyen mwayen ki kapab sove lèzòm, sèlman nan Kris la. Gade li se lavi ak ^blimyè mond lan. Li se pawòl verite ak lajistis.

10 Jan ou te kòmanse preche pawòl la, konsa m ta vle w kontinye preche; epi m ta vle pou w gen tanperans nan tout bagay.

11 Pa gonfle kò w avèk lògèy; wi, pa fè ^alwanj pou lasajès pa w, ni pou pakèt fòs ou.

12 Pale kare, men pa depase limit ou, epi bride pasyon ou yo pou w kapab chaje avèk lanmou; pa fè parès.

13 Pa priye tankou Zoramit yo, paske w wè yo priye pou moun kapab tande yo, epi pou moun kapab louwe lasajès yo.

14 Pa di: O, Bondye, m remèsye w poutèt nou ^api bon pase frè nou yo; men, di pito: O, Senyè a, padone ^bendiyite m, epi gen mizèrikòd pou frè m yo—wi, rekonèt endiyite w devan Bondye tout tan.

15 M mande Senyè a pou l beni nanm w, epi pou l resevwa ou nan wayòm li nan dènye jou a, pou w chita nan lapè. Kounyeya, ale, pitit gason m nan, epi preche pèp sa a pawòl la. Kite panse w klè, pitit gason m nan, orevwa.