Ol Skripja
Alma 38


Ol komanmen blong Alma i go long boe blong hem Siblon.

I stap long japta 38 nomo.

Japta 38

Ol Man blong Soram oli bin givim hadtaem long Siblon from hem i gat stret mo gud fasin—Fasin blong sevem man i stap long Kraes, we i laef mo laet blong wol—Kontrolem ol strong filing blong yu. Raonabaot 74 B.K.B.

1 Boe blong mi, harem ol toktok blong mi, from we mi talem long yu, olsem we mi bin talem long Hileman, se folem hamas we bae yu obei ol komanmen blong God, bae yu kam antap gud long graon ia; mo folem hamas we bae yu no obei ol komanmen blong God bae hem i katemaot yu long fes blong hem.

2 Mo naoia, boe blong mi, mi trastem se bae mi gat bigfala glad long yu, from we yu stanap strong mo from yu fetful long God; from olsem we yu stat long yangfala laef blong yu blong luk long Lod, God blong yu, long sem fasin mi hop se bae yu agohed blong obei ol komanmen blong hem; from we man we i bstap strong kasem en i kasem blesing.

3 Mi talem long yu, boe blong mi, se mi gat bigfala glad long yu finis, from yu fetful mo yu wok strong, mo yu save wet longtaem, mo yu stap gotru long hadtaem wetem longfala tingting long medel blong ol pipol blong Ol aMan blong Soram.

4 From mi save se oli bin fasem yu; yes, mo tu, mi save se oli bin stonem yu from trutok ia; mo yu bin stap strong long ol samting ia wetem afasin blong save wet longtaem from we Lod i bin stap bwetem yu; mo nao yu save se Lod i mekem yu kam fri.

5 Mo nao boe blong mi, Siblon, mi wantem se bae yu tingbaot, se taem bae yu putum atras blong yu long God bae hem i mekem yu bkam fri long ol tes blong yu, mo ol dtrabol blong yu, mo ol hadtaem blong yu, mo bae God i leftemap yu long las dei.

6 Nao, boe blong mi, mi no wantem se bae yu ting se mi save ol samting ia long save blong miwan nomo, be hem i Spirit blong God we i stap long mi we i soem ol samting ia long mi; from we sapos mi no bin abon long God, bae mi no save ol samting ia.

7 Be luk, long bigfala sore blong hem, Lod i bin sendem aenjel blong hem blong i talemaot long mi se mi mas stopem wok blong bprapa spolem gud samting, long medel blong ol pipol blong hem; yes, mo mi bin luk wan enjel we mi fesem hem, mo hem i toktok wetem mi, mo voes blong hem i olsem tanda, mo i mekem evri graon i seksek.

8 Mo i bin hapen se long tri dei mo tri naet mi filim bigfala konkon soa blong bodi mo gat trabol long sol blong mi; mo, kasem taem we mi prea long Lod Jisas Kraes from sore, neva mi bin akam klin aot long ol sin blong mi olsem ia. Be luk, mi prea long hem mo mi faenem pis long sol blong mi.

9 Mo nao, boe blong mi, mi talem samting ia long yu blong yu save lanem waes tingting, blong yu save lanem, aot long mi, se i ano gat narafala rod o wei we bae God i sevem man, be nomo, long mo tru long Kraes. Luk, hem i laef mo blaet blong wol. Luk, hem i toktok blong trutok mo stret mo gud fasin.

10 Mo nao, olsem we yu bin stat blong tijim trutok ia, olsem ia nao mi wantem se yu mas gohed blong tij; mo mi wantem se yu stap wok strong wetem strong tingting mo kontrolem yu long evri samting.

11 Meksua se yu no kam antap long hae tingting; yes, meksua se yu no atokflas from waes tingting blong yu, o long plante paoa blong yu.

12 Yusum fasin blong toktok strong, be i no fasin blong fos; mo tu, meksua se yu kontrolem ol strong filing blong yu, blong mekem se yu save fulap wetem lav; meksua se yu no stap les.

13 Yu no prea olsem we Ol Man blong Soram oli stap prea, from we yu luk we oli stap prea blong mekem se ol man oli harem olgeta; mo blong mekem se ol man oli presem olgeta from waes tingting blong olgeta.

14 Yu no talem: “O God, mi talem tangkyu long yu se mifala i amoa gud bitim ol brata blong mifala;” be yu talem: “O Lod, fogivim laef blong mi bwe i no klin inaf, mo tingbaot ol brata blong mi long sore—yes, luksave laef blong yu we i no klin inaf long fored blong God long evri taem.”

15 Mo Lod bae i blesem sol blong yu, mo tekem yu long las dei insaed long kingdom blong hem, blong sidaon long pis. Nao go, boe blong mi, mo tijim trutok long ol pipol ia. Stap tru. Boe blong mi, gudbae.