1 Me chelecha e rungalek, ngarngii a lmuut el betok el bo kulekoi er kau, el bla kdung el mo er obekum; le kau ng dirrkak mosang a klisiichel obekum, me a klaumerang er ngii, me a blak el reng er ngii loltirakl a llechul a Dios? Ng dirkak lochotii a ungil teletael el mo er kau?

2 Le kau a dimlak bo motirakl a tekingek el uai obekum, er a delongelir a rechedal a Zoram. Chelechang e tia ikid a ultekengek el kirem; kau a mlong el mo olecholt a klisiichem me a llemesem.

3 E diak di le tiang e le merekong e rungalk. Kau a mlo e rullii sel kot el mlo obraod el mer ngak; le kau a chilitii osisechakl, e mlo er a beluu er a Siron er bita er a oleochel er a re rechedal a Laman, el mlo osiik er a mengol dil el Isabel.

4 Oi, ngii a ngilai a rengrir a rebetok; engdi tia diak lungil luchul e rungalk. Ng mle kirem el di omtebechel er a osisechakl el mloterkokl er kau.

5 Ke medengei ng diak e rungalk el kmo, a ikang el tekoi a mengelengalk er medal a Rubak? Oi, ngelmuut el mengelengalk er a rokui el klengit, el di mo ongerung er a omengoit el resechel a klikiid el chad me a lechub eng otngeklel a Edaol Reng.

6 Le chelechang e kau a omtok er a Edaol Reng e ruriul er a bla le be le kiei er a rengum, me ke medengei el kmo komtok er ngii, olekoi, tia ikid el klengit a diak le mengubet; oi, me ngikei lomekeuad lomtok er a llomes me a klemedengei er a Dios, ng diak di bo le beot e le mengubet. Choi, ak melekoi er kau el ngelekek el sechal, ng diak dil beot er ngii el musubes.

7 Me chelechang e rungalk, ea kuureng er a Dios me le mlak bom temellii a kmal klou el klengit. Ng diak bo kulemolm el omasch a telemellem, el mo omekringel er a delbengem, alsekum eng diak bo luuchul a klungiolem.

8 Endi kamosang, ng diak el sebechem el mart a telemellem er a Dios; me a lsekum eng diak bo le mekngit a rengum el kirel a kngtim, eng mo mekiis el mo sioning lomtok er kau er a uriul klebesei.

9 Chelechae rungalek eng soak chobo mnguu a uuchel reng e bom cheroid er a kngtim, e lako mluut el mo oltirakl er a laok reng er a medam, e mokemetii a rengum el kirel cho uaikang el tekoi, le lako bom uaisei eng diak el sebechem el mo soiseb er a rengedel a Dios. Me bo molatk, dile kau el lorkedii a rengum el kirel a ika el tekoi.

10 Mak mellach er kau me di le kau el mo mengedecheduch er a rubekum el kirel chobo moruul, le kau a dirke kekerei me kousbech a ngeseu er a rubekum. Me bo morrenges a tikingir.

11 Lako bechikau me mechetakl er a bachachau e klebelung el tekoi; lako becherei a diablong me le nguu a rengum le lmuut e mor tir kel dengerenger el mengol. Ka morenges e rungalk, ngua klungel a ngerang el klengit chom ngiluu el mo er a rechedal a Zoram; leng sera loues omerellem eng mlo diak loumerang a tikingek.

12 E chelechang ea Reng er a Rubak a melekoi er ngak: Mollach er a re ngelekem me bo eloruul a ungil, le lak e te chotakl a rengrir a re betok el chad el mo er a klou el tellemall; me ak mellach er kau e rungalk, er a dakt er a Dios, me bom cheroid er a kngtim;

13 E mobult el mo er a Dios er a uldesuem er rokir, el mor sel ngarbab el sebechem, me a klisiichem, meng diak bo mongetakl a rengrir a ngii dile chad el mo meruul a mekngit; e bai mluut el mo er tir, e mkengei er a chelitechetum me a mekngit el mriruul.

14 Lako mosiik a ilteet me a bechachau el tekoi er a beluulechad; le kau morrenges, ng diak el sebechem el ng mai el obengkem.

15 E chelechang e rungalk, eng soak el mo melekoi er kau el kirel a le mei a Kristo. Ka morrenges e kuchais er kau, Ngii ngikei el kmal mei el mo melubet a kngtil a bluulechad; oi, ng mei el mo ouchais a ungil chais el kirel a rolel a mo suobel el mo er a re chedal.

16 Me chelechae rungalk, tia ikid sel losisechakl el okedong a mler kau, el mo ouchais a ika el ungil chais el mo er tir kal chad, el mo mengedmokl a uldesuir; me a lechub e bol sebechel a rolel osobel el mer tir, me bo longedmokl a uldesuir a rengelekir el mo orrenges er a tekoi er sei el temel mei.

17 Me chelechang ea kmo dmedesii a uldesuem el kirel tia el tekoi. Kau tiang el kor oker er a rengum el kmo, ngera belkul meng dirke cheroid ea rechad a mo medengei a ika el tekoi. Ka morrenges e kulekoi, a delbengel a chad er chelechang el taem ngdiak le klou a ultutelel mo er a Dios el di uaia delbengel a chad er sel taem el le mei?

18 Ng diak le klou a ultutelel me a rolel a mo suobel boel mo mocholt er tir kal chad el di uaia mo mocholt er a re ngelekir?

19 Ng diak di losisiu el di beot er a Rubak el mo oldurch er a re anghel er ngii, el me ouchais a ikal ungil chais el mer kid me a re ngeleked, me a lechub eng mo uriul er a le mei?