O Le Tusi a Alema O Le Atalii o Alema

O poloaiga a Alema i lona atalii o Korianetona.

Mataupu 39

O le agasala o le feuiai o se mea inosia—O agasala a Korianetona ua taofia ai sa Soramā mai le taliaina o le afioga—O le togiola a Keriso e alu i tua i le faaolaina o e faamaoni na muamua mai ai. E tusa o le 74 T.L.M.

 Ma o lenei, loʼu atalii e, e i ai ni mea e tele atu ou te fia fai atu ai ia te oe nai lo mea na ou fai atu ai i lou uso; aua faauta, e te lei vaai ea i le maumaututu o lou uso, lona faamaoni, ma lona filiga i le tausiga o poloaiga a le Atua? Faauta, sa ia lei faia ea mo oe se faataitaiga lelei?

 Ona sa e le uai tele mai i au upu e pei ona sa faia e lou uso, i totonu o tagata asa Soramā. O lenei, o le mea lenei ua ia te au e faasaga ia te oe; sa e alu atu i le mitamitavale i lou malosi ma lou poto.

 Ma ua le ona pau lea, loʼu atalii e. Sa e faia se mea sa sili ona mamafa ia te au; ona sa e tuu le galuega, ma e alu atu i le laueleele o Sairona e i totonu o tuaoi o sa Lamanā, i le afafine talitane o Isapela.

 Ioe, sa ia afaatosina ese loto o le toatele; peitai, loʼu atalii e, sa le o se ʼalofaga tatau lea mo oe. Sa tatau ona e tausi i le galuega na faatuatuaina ai oe.

 Ua e le iloa ea, loʼu atalii e, o anei mea o ni mea inosia i le silafaga a le Alii; ioe, ua silisili ona inosia i lo o agasala uma vagana ai le faamasaaina o le toto le sala po o le faafitia o le Agaga Paia?

 Aua faauta, afai e te afaafitia le Agaga Paia ina ua uma ona mau ia te oe, ma ua e iloa ua e faafitia o ia, faauta, o se agasala lenei e le emafaamagaloina; ioe, ma o soo se tasi e fasioti tagata e faasaga i le malamalama ma le iloa o le Atua, e le faigofie ia te ia ona maua o le ifaamagaloga; ioe, ou te fai atu ia te oe, loʼu atalii e, e le faigofie ia te ia ona maua o se faamagaloga.

 Ma o lenei, loʼu atalii e, ou te moomoo i le Atua maʼumau pe a na e le asala i se solitulafono tele faapea. Ou te le fia taua pea au solitulafono, e laga ai i luga lou agaga, pe a na ua le mo lou lelei.

 Ae faauta, e le mafai ona e natia au solitulafono mai le Atua; ma e vagana ai ua e salamo, o le a tutu o se molimau e faasaga ia te oe i le aso gataaga.

 O lenei, loʼu atalii e, ou te manao ia e salamo ma lafoai au agasala, ma aua e te toe alu e tusa ma atuinanau o ou mata, ae ia e efaafiti oe lava i nei mea uma; ona e vagana ai ua e faia lenei mea, e le mafai lava ona e mautofi i le malo o le Atua. E, ia e manatua, ma ia e ave i ou luga, ma faafiti oe lava i nei mea.

 10 Ma ou te poloai atu ia te oe ia e ave i ou luga e filifili faatasi ma ou uso matutua i au mea e fai; aua faauta, o loo e i lou talavou, ma ua e manaomia ona tausia oe e ou uso. Ma uai atu ia laua fautuaga.

 11 Aua e te tuu atu oe lava, ia taitai ese e soo se mea ua le aoga pe ua faavalevalea; aua e te tuu atu i le tiapolo na te toe taitai ese atu lou loto i na fafine talitane amioleaga. Faauta, loʼu atalii e, sa matua tele lava le amioletonu na e aumai i luga o asa Soramā; aua ina ua latou vaai i lau eamio, sa latou le fia talitonu i aʼu upu.

 12 Ma o lenei ua fetalai mai le Agaga o le Alii ia te au: Ia afaatonu lau fanau ia latou faia mea lelei, neʼi o latou taitai ese atu loto o tagata e toatele i le faafanoga; o lea ou te poloai atu ai ia te oe, loʼu atalii e, i le matau i le Atua, ia e taofi mai au amioletonu;

 13 Ma ia e liliu atu i le Alii ma lou manatu atoa, mafaufau atoa, ma lou malosi atoa; ina ia leai ni isi tagata e te toe taitaia ese o latou loto e fai le amioleaga; ae ia e toe foi atu ia te i latou, ma atautino atu ou ʼaleu ma lena sese na e faia.

 14 Aua e te asaili i oa po o mea le aoga a lenei lalolagi; aua faauta, e le mafai ona e avea i latou faatasi ma oe.

 15 Ma o lenei, loʼu atalii e, ou te fia fai atu teisi ia te oe e uiga i le afio mai o Keriso. Faauta, ou te fai atu ia te oe, o ia lava lea ua mautinoa o le a afio mai e aveese agasala a le lalolagi; ioe, e afio mai o ia e tau mai tala fiafia o le olataga i ona tagata.

 16 Ma o lenei, loʼu atalii e, o le galuega lenei na valaauina i ai oe, e tau atu nei tala fiafia i lenei nuu, e saunia ai o latou mafaufau; pe ina ia mafai ona oo mai o le olataga ia te i latou, ina ia mafai ona latou saunia mafaufau o a latou afanau ia faalogo i le afioga i le taimi o lona afio mai.

 17 Ma o lenei o le a ou faafilemuina teisi lou mafaufau e uiga i lenei mataupu. Faauta, ua e ofo pe aisea ua tatau ai ona mamao ona iloa muamua o nei mea ae lei oo mai. Faauta, ou te fai atu ia te oe, ua le tusa ea le pele i le Atua o se agaga i le taimi nei e pei o se agaga i le taimi o lona afio mai?

 18 Pe ua le tutusa ea le tatau ai ona faaali mai o le fuafuaga o le togiola i lenei nuu e pei ona tatau ai foi ia latou fanau?

 19 Pe ua le tutusa ea le faigofie i le Alii le auina mai i le taimi nei o lana agelu e tau mai nei tala fiafia ia te i tatou e pei o a tatou fanau, pe e pei o le taimi pe a mavae le taimi o lona afio mai?