Jeje Ko Rekwojarjar
Alma 4


Jebta 4

Alma ej peptaiji to̧ujin riukeļo̧k—Nana ej deļo̧n̄ ilo Kabun̄ eo, im wōnm̧aanļo̧k an Kabun̄ eo ej apan̄—Nipaia kar jitōn̄e riekajet eutiejtata—Alma, āinwōt pris eo eutiej, ej wūjlepeļo̧k e n̄an jerbal in. Iturinļo̧k 86–83 M.K.

1 Kiiō ālikin men kein ilo iiō eo kein kajiljino in iien tōl an riekajet ro ioon armej in Nipai, eaar ejjeļo̧k aitwerōk ko ak tariņae ko ilo aāneen Zaraemla;

2 A armej ro raar metak, aaet kanooj metak kōn ajako an ro jeir im jatier, im barāinwōt kōn jako an kidu ko reļļap im ko reddik aer, im barāinwōt kōn jako an meļaaj in kallib ko aer, ko kar jujuri ium̧win ne im ko̧kkure jān riLeman ro.

3 Im jon̄an ļap in en̄taan ko aer aolep armej kar kōm̧m̧an bwe en būrom̧ōj; im raar tōmak bwe eaar ekajet ko an Anij jilkintok ioer kōnke aer nana im kajjojo ko aer; kōn menin kar karuj er n̄an juon ememļo̧kjeņ kōn kuņaer.

4 Im raar jino kajutak kabun̄ eo ilo likiio; aaet, im elōn̄ raar apeptaij ilo dān ko in Sidon im kar kobaļo̧k ilo kabun̄ eo an Anij; aaet, raar peptaij jān pein Alma, eo kar kapit e bpris eo eutiej ioon armej in kabun̄ eo, jān pein jemān Alma.

5 Im ālikin men kein ilo iiō eo kein kajiljilimjuon in iien tōl an riekajet ro eaar wōr enan̄in jilu to̧ujin limabukwi armej raar kobatok ippān akabun̄ eo an Anij im kar peptaij. Im āindein eaar jem̧ļo̧k iiō eo kein kajiljilimjuon in iien tōl an riekajet ro ioon armej in Nipai; im eaar wōr aenōm̧m̧an ilo aolepān iien eo.

6 Im ālikin men kein ilo iiō eo kein karuwalitōk in iien tōl an riekajet ro, armej ro ilo kabun̄ eo raar jino kanooj utiej burueer, kōnke raar kanooj am̧weie, im kōn bsilk aidik iden ko aer, im kōn nuknuk aidik iden ko aer, im kōn kidu ko rellōn̄ im ko reddik aer, im aer gold im aer silver, im aolep mennin aorōk otemjeļo̧k, ko raar būki jān aer owan; im ilo aolep men kein raar utiej ilo juwa in mejaer, bwe raar jino kōņak nuknuk ko eļap wōņāer.

7 Kiiō men in eaar unjān eļap en̄taan n̄an Alma, aaet, im n̄an elōn̄ iaan armej ro Alma eaar akapit er bwe ren rikaki, im pris ro, im elder ro ioon kabun̄ eo; aaet, elōn̄ iaer raar kanooj būrom̧ōj kōn nana eo raar lo eaar jino pād ilubwiljin armej ro aer.

8 Bwe raar mejōk im lo kōn eļap būrom̧ōj bwe armej ro ilo kabun̄ eo raar jino utiejļo̧k ilo ajuwa in mejaer make, im likūt burueer ioon m̧weiuk ko im ioon men ko rewaan an laļ, bwe raar jino illulu, juon n̄an bar juon, im raar jino matōrtōre ro raar bjab tōmak ekkar n̄an ankilaer make im aer kōņaan.

9 Im āindein, ilo iiō in kein karuwalitōk in iien tōl an riekajet ro, eaar jino wōr aaitwerōk ko ilubwiljin armej in kabun̄ eo; aaet, eaar wōr bjuunm̧aad ko, im akwāālel, im dike doon, im matōrtōr ko, im juwa, em̧ool eļapļo̧k jān juwa eo an ro raar jab kobaļo̧k ilo kabun̄ eo an Anij.

10 Im āindein eaar jem̧ļo̧k iiō eo kein karuwalitōk in iien tōl an riekajet ro; im jero̧wiwi an kabun̄ eo eaar juon ļatipn̄ōl n̄an ro raar jab kobaļo̧k ilo kabun̄ eo; im āindein kabun̄ eo eaar jino bōjrak ilo eddek eo an.

11 Im ālikin men kein ilo jino in iiō eo kein karuwatimjuon, Alma eaar lo jero̧wiwi eo an kabun̄ eo, im eaar barāinwōt lo bwe awaanjon̄ok eo an kabun̄ eo eaar jino tōlļo̧k ro raar jab tōmak jān juon m̧ōttan nana n̄an bar juon, im āindein bōktok ko̧kkure an armej ro.

12 Aaet, eaar lo eļap kalijekļo̧k ilubwiljin armej ro, jet kautiej er make kōn juwa eo aer, im dike ro jet, im ālikurkur jān ro rej aaikuj im keelwaan im ro raar bkwōle, im ro raar maro, im ro raar nan̄inmej im ban.

13 Kiiō men in eaar unjān liaajlo̧ļ ko ilubwiljin armej ro, a ro raar kōttāik er make, jipan̄e ro rej pād ilo aikuji aer rijipan̄, āinwōt aajeļo̧k m̧weieer n̄an rijeram̧ōl im riaikuj, im naajdik rikwōle, im en̄taan aolep mennin ben̄taan otemjeļo̧k, cn̄an Kraist, eo eaikuj itok ekkar n̄an jitōbōn kanaan;

14 Reim̧aanļo̧k n̄an raan eo, āindein adāpij jeorļo̧k in jero̧wiwi ko aer; im obrak kōn eļap blan̄lōn̄ kōnke jerkakpeje an ro remej, ekkar n̄an ankilaan im kajoor im lo̧mo̧o̧ren an Jisōs Kraist jān to ko an mej.

15 Im kiiō ālikin men kein Alma, kōnke eaar lo en̄taan ko an ro rettā an Anij, im matōrtōr ko raar ejoujik ioer jān bwe in armej ro an, im kōnke eaar lo aolep akalijekļo̧k eo aer, eaar jino lukkuun būrom̧ōj; mekarta Jetōb an Irooj eaar jab bōjrak jān e.

16 Im eaar kāālet juon em̧m̧aan emālōtlōt eo eaar pād ilubwiljin elder ro an kabun̄ eo, im leļo̧k n̄an e kajoor ekkar n̄an aainikien armej ro, bwe en maron̄ kōm̧m̧an bkien ko ekkar n̄an kien ko kar liļo̧k, im n̄an kōmaron̄ er ekkar n̄an jero̧wiwi ko im nana ko an armej ro.

17 Kiiō etan ļein eaar Nipaia, im kar jitōn̄e n̄an ariekajet eutiejtata; im eaar jijet ilo jea in ekajet n̄an ekajet im n̄an lale armej ro.

18 Kiiō Alma eaar jab leļo̧k n̄an e ijo jikin eo eutiej an pris eo eutiej ioon kabun̄ eo, a eaar likūt wōt ioon jikin pris eo eutiej n̄an e make; a eaar leļo̧k jea in ekajet eo n̄an Nipaia.

19 Im men in eaar kōm̧m̧ane bwe e amake en maron̄ ilo̧k ilubwiljin armej ro an, ak ilubwiljin armej in Nipai, bwe en maron̄ kwaļo̧k bnaan in Anij n̄an er, n̄an ckōketak er ilo dememej ijo kuņaer, im bwe en maron̄ kanōk laļtak, kōn naan in Anij, aolep juwa im etao im aolep aitwerōk ko raar pād ilubwiljin armej ro an, bwe eaar lo ejjeļo̧k iaļ emaron̄ bar kōro̧o̧ltok er ijello̧kun wōt iuun er kōn lukkuun enaan in kam̧ool ņae er.

20 Im āindein ilo jino in iiō eo kein karuwatimjuon in iien tōl an riekajet ro ioon armej in Nipai, Alma eaar leļo̧k jea in ekajet eo n̄an aNipaia, im wūjlep e make wōt n̄an bpriesthood eo eutiej in laajrak ekwōjarjar an Anij, n̄an naan in kam̧ool an naan eo, ekkar n̄an jitōbōn mōdānļo̧k im kanaan.