O Le Tusi a Alema O Le Atalii o Alema

Mataupu 4

Ua papatiso e Alema le afe ma afe o tagata liliu mai—Ua ulu mai le amioletonu i le Ekalesia, ma ua taofia ai le alualu i luma o le Ekalesia—Ua tofia Nifaea e avea ma faamasino sili—O Alema, o ia o le faitaulaga sili, ua tuuina atu o ia lava i le auaunaga. E tusa o le 86–83 T.L.M.

 O lenei sa oo i le lona ono o tausaga o le nofoaiga a faamasino i le nuu o Nifae, sa lē i ai ni finauga po o ni taua i le anuu o Saraʼemila.

 Peitai sa puapuagatia le nuu, ioe, puapuagatia tele lava i le atoesea o o latou uso, ma le toesea foi o a latou lafu ma fagaga, ma le faatamaia foi o a latou faatoaga saito, ia na soli i lalo e vae ma lepeti e sa Lamanā.

 Ma sa tetele naua o latou puapuagatia sa i ai i tagata taitoatasi se pogai na faanoanoa ai; ma sa latou talitonu o ia mea o faamasinoga ia a le Atua ua auina mai i o latou luga ona o lo latou amioleaga ma a latou mea inosia; o lea na fagua ai i latou i le manatuaina o lo latou tiute.

 Ma sa amata ona latou faatu atoatoa atili le ekalesia; ioe, ma e toatele sa apapatisoina i vai o Saitonu ma faaauai i le ekalesia a le Atua; ioe, sa papatisoina i latou i le lima o Alema, o lē na faapaia o le efaitaulaga sili i luga o tagata o le ekalesia, e le lima o lona tamā o Alema.

 Ma sa oo i le lona fitu o tausaga o le nofoaiga a faamasino, sa i ai e tusa o le tolu afe lima selau agaga sa faatasi atu i latou lava i le aekalesia a le Atua ma papatisoina. Ma sa faapea ona iu o le lona fitu o tausaga o le nofoaiga a faamasino i le nuu o Nifae, ma sa i ai le filemu faaauau pea i lena taimi atoa.

 Ma sa oo i le lona valu o tausaga o le nofoaiga a faamasino, sa amata ona faasolo faamaualuluga tagata o le ekalesia, ona o lo latou amauoa tele, ma a latou esilika lelei, ma a latou ie lino miloa lelei, ma ona o le tele o a latou lafu ma fagaga, ma a latou auro ma a latou ario, ma ituaiga uma o mea taua eseese, ia sa latou maua e ala i lo latou toaaga; ma o nei mea uma sa faafefeteina ai i latou i le faamaualuluga o o latou mata, ona sa amata ona latou ofu o ofu taugata tele.

 O lenei sa avea lenei mea ma pogai o le puapuaga tele o Alema, ioe, ma le toatele o tagata o e na afaauu e Alema e avea ma aoao, ma faitaulaga, ma toeaina i luga o le ekalesia; ioe, o le toatele o i latou sa faanoanoa tele i le amioleaga sa latou vaai ua amata ona i ai i totonu o o latou tagata.

 Ona sa latou iloa ma vaai atu ma le faanoanoa tele i le amata ona fefete i luga o tagata o le ekalesia i le afaamaualuluga o o latou mata, ma tuu atu o latou loto i luga o oa ma luga o mea lē aoga o le lalolagi, sa amata ai ona latou inoino, o le tasi i le tasi, ma amata ona latou sauaina ai i latou o e sa e talitonu e tusa ma o latou lava loto ma filifiliga.

 Ma sa faapea, i le lona valu o tausaga o le nofoaiga a faamasino, ona amata ona i ai o afinauga tetele i totonu o tagata o le ekalesia; ioe, sa i ai elosilosivalega, ma finauga, ma le lotoleaga, ma sauaga, ma le faamaualuga, sa sili atu i le faamaualuluga o i latou o e sa lē auai i le ekalesia a le Atua.

 10 Ma sa faapea ona iu o le lona valu o tausaga o le nofoaiga a faamasino; ma o le amioleaga o le ekalesia, sa avea o se maa tuʼia tele ia te i latou o e sa lē auai i le ekalesia; ma sa faapea ona amata ona vaivai o le ekalesia i lona alualu i luma.

 11 Ma sa oo i le amataga o le lona iva o tausaga, sa vaaia ai e Alema le amioleaga o le ekalesia, ma sa ia vaai atu foi ua amata ona taitai atu e afaataitaiga a tagata o le ekalesia, i latou o e sa lē talitonu, mai sia fasi amioletonu i sia fasi amioletonu, ma faapea ona aumai ai o le faafanoga o le nuu.

 12 Ioe, sa ia vaaia le lē tutusa tele i totonu o tagata, o ni isi ua latou faafefete aʼe i latou lava i lo latou faamaualuluga, ua inoino i isi, ua fuli atu o latou tua i e ua a tagolima ma e ua lē lavalavā, ma i latou o e ua efia aai, ma i latou o e ua fia feinu, ma i latou o e ua mamai ma puapuagatia.

 13 O lenei sa avea lenei mea ma pogai o auega i totonu o le nuu, aʼo isi sa latou faalotomaualalaloina i latou lava, i le fesoasoani atu lea ia te i latou o e na manaomia la latou fesoasoani, e pei o le afaasoa atu o a latou mea i e ua matitiva ma e ua lē tagolima, ma fafaga i e sa fia aai, ma mafatia i ituaiga o epuapuaga uma, imo Keriso, o lē o le a afio mai e tusa ma le agaga o valoaga;

 14 Ma tulimatai i luma i lena aso, ma faapea ona afaatumauina ai le faamagaloina o a latou agasala; ua faatumuina i le eolioli tele ona o le toetutū mai o e ua oti, e tusa ma le finagalo ma le mana ma le laveaiga a Iesu Keriso mai fusi o le oti.

 15 Ma o lenei sa oo ina ua vaai atu Alema i puapuaga o soo lotomaualalalo o le Atua, ma sauaga sa faafaulalai i o latou luga e le vaega na totoe o ona tagata, ma vaai i mea uma sa latou ale tutusa ai, sa amata ona faanoanoa tele o ia; e ui i lea sa lē tuulafoaiina o ia e le Agaga o le Alii.

 16 Ma sa ia filifilia se tagata poto sa i ai i totonu o toeaina o le ekalesia, ma tuu atu ia te ia le pule e tusa ma le aleo o le nuu, ina ia mafai e ia ona maua o le pule e fai ai etulafono e tusa ma tulafono na tuuina mai, ma faamalolosi ia tulafono e tusa ma amioleaga ma solitulafono a tagata.

 17 O lenei o le igoa o lenei tagata o Nifaea, ma sa tofia o ia e avea ma afaamasino sili; ma sa nofo o ia i le nofoa-faamasino e faamasino ma pulea le nuu.

 18 O lenei sa lē tuuina atu e Alema ia te ia le tofiga o le avea ma faitaulaga sili i le ekalesia, ae sa ia taofi pea le tofiga o le faitaulaga sili ia te ia lava; ae sa ia tuuina atu le nofoa-faamasino ia Nifaea.

 19 Ma sa ia faia lenei mea ina ia mafai e aia lava ona alu atu i totonu o ona tagata, po o tagata o Nifae, ina ia mafai ona ia talai atu le eafioga a le Atua ia te i latou, e iuunai ai i latou, ia latou omanatua lo latou tiute, ma ina ia mafai ona ia toso i lalo, e ala i le afioga a le Atua, le faamaualuga uma ma le pepelo ma finauga uma sa i ai i totonu o lona nuu, i le vaai atu ua leai se auala e mafai ai ona ia toe aumai o i latou, vagana ai le faamamafa malosi atu, e ala atu i le umolimau manino e faasaga ia te i latou.

 20 Ma sa faapea i le amataga o le lona iva o tausaga o le nofoaiga a faamasino i le nuu o Nifae, ona tuuina atu e Alema o le nofoa-faamasino ia aNifaea, ma tuu atu atoatoa o ia lava i le eperisitua maualuga o le faatulagaga paia a le Atua, i le molimau o le afioga, e tusa ai ma le agaga o faaaliga ma valoaga.