1 Sikawa mwana mobali wa ngai, awa ezali mwa moke lisusu nalingi koloba epai ya yo; mpo nasosoli ete mayele ma yo mazali kotungisama etali bosekwi bwa bakufi.

2 Tala, nalobi epai ya yo, ete ezali te bosekwi—to, nalingi koloba, na maloba masusu, ete kufa eye ekolata te bozangi bokufi, bopoli boye bokolata te bozangi bopoli—kina nsima ya boyei bwa Klisto.

3 Tala, akomeme esalema bosekwi bwa bakufi. Kasi tala, mwana mobali wa ngai bosekwi bozali naino te. Sikawa, nakobombola epai ya yo mobombamo moko; nzokande, ezali mibombamo mingi, miye mibombami, ete moko te ayebi myango longola se Nzambe yemei. Kasi nalakisi epai ya yo likambo lyoko liye nasengaki na etingia na Nzambe ete nakoka koyeba—lina litali bosekwi.

4 Tala, ezali ntango yoko elakelama ete banso bakoya uta o bakufi. Sikawa ntango ekoya eye moko te ayebi; kasi Nzambe ayebi ntango eye elakelama.

5 Sikawa, soko ekozala ntango yoko, to ntango ya ibale, to ntango ya isato, ete bato bakoya uta na bakufi, ezali likambo te; mpo Nzambe ayebi makambo maye manso; ekoki na ngai koyeba ete eye ezali likambo—ete ntango yoko elakelama ete bato banso bakosekwa uta na bakufi.

6 Sikawa esengeli mpenza ezala ntaka yoko katikati ya ntango ya liwa mpe ntango ya bosekwi.

7 Mpe sikawa nalingi natuna nini ekokoma na bozo bwa bato uta ntango eye ya liwa na ntango elakelama mpo ya bosekwi?

8 Sikawa soko ezali koleka ntango yoko elakelama mpo ya bato kosekwa ezali likambo te; mpo bato banso bakokufa te mbala yoko, mpe eye ezali likambo te; enso ezali lokola mokolo moko na Nzambe, mpe ntango emekami bobele mpo ya bato.

9 Yango wana, ezali ntango yoko elakelama epai ya bato ete bakosekwa uta na bakufi; mpe ezali ntaka yoko o kati ya ntango ya liwa mpe bosekwi. Mpe sikawa, etali ntaka ya ntango, nini ekokoma na bozo bwa bato ezali likambo liye natunaki na etingia na Nkolo mpo ya koyeba; mpe eye ezali likambo liye nayebi.

10 Mpe ekoya ntango banso bakosekwa, nde ekoyeba bango ete Nzambe ayebi ntango inso iye alakelaki mpo ya moto.

11 Sikawa, etali bozali bwa bozo o kati ya liwa mpe bosekwi—tala, eyebisamaki epai ya ngai na anzelu moko, ete milimo mya bato banso, sasaipi lokola milongwi uta o nzoto eye ya kufa, iyo, milimo mya bato banso, soko bazalaki balamu to babe, bazongisami na Nzambe oyo apesaki bango bomoi.

12 Mpe nde ekosalema ete, milimo mya bango baye bazali sembo bakoyambama o bozali bwa esengo, boye bobiangemi paradizu, bozali boko bwa bopemi, bozali boko bwa kimia, wapi bakopema uta o mobulu monso mwa bango mpe uta o libungisi linso, mpe mawa.

13 Mpe nde ekosalema, ete milimo mya nkuna, iyo, baye bazali babe—mpo tala, bazali te na eteni ndambo ya Molimo mwa Nkolo; mpo tala, bango baponoki misala mibe esika ya milamu; yango wana molimo mwa zabulu akotaki o kati ya bango, mpe azwi ndako ya bango—mpe baye bakobwakama libanda lya molili. Kuna ekozala boleli, mpe biyelela, mpe bolei mino, mpe eye na ntina ya bobe bwa bangomei, kokambemaka na bakangemi na bolingi bwa zabulu.

14 Sikawa eye ezali bozali bwa bozo bwa nkuna, iyo, o molili, mpe o bozali boko bwa nsomo, bwa bobangi kotalelaka mpo ya nkele ya moto ya nkanda ya Nzambe likolo lya bango; boye batikali na bozali boye, lokola basembo na paradizu, kina o ntango ya bosekwi bwa bango.

15 Sikawa, izali boko baye basosoli ete bozali boye bwa esengo mpe bozali boye bwa bobola bwa bozo, yambo ya bosekwi, bozalaki bosekwi boko bwa yambo. Iyo, nandimi ekoki kobiangema bosekwi boko, bosekwi bwa molimo to bozo mpe bofandi bwa bango na esengo to mawa, engebene na maloba maye malobami.

16 Mpe tala, lisusu elobami, ete ezali bosekwi boko bwa yambo, bosekwi boko bwa bato banso bazalaki, to baye bazali, to baye bakozala, kina o bosekwi bwa Klisto uta na bakufi.

17 Sikawa, tobanza te ete bosekwi boye bwa yambo, boye bolobami na lolenge loye, ekoki kozala bosekwi bwa bozo mpe bofandisi bwa bango o esengo to bobola. Okoki te kobanza ete eye ezali nini elingi koloba.

18 Tala, nalobi epai ya yo, Te; kasi elingi koloba bosangani lisusu bwa bozo na nzoto, ya bango baye uta o mikolo mya Adama kina o bosekwi bwa Klisto.

19 Sikawa, soko bozo mpe nzoto ya bango baye balobami ikosangana na mbala yoko, bato ba nkuna lokola basembo, nalobi te; ekoki, ete nalobi ete banso bakoya; to na maloba masusu, bosekwi bwa bango bokomememe bosalema yambo ya bosekwi bwa bango baye bakokufa nsima ya bosekwi bwa Klisto.

20 Sikawa, mwana mobali wa ngai, nalobi te ete bosekwi bwa bango bokoya o bosekwi bwa Klisto; kasi tala, napesi likanisi lya ngai, ete bozo mpe nzoto ikosangana, iye ya basembo, o bosekwi bwa Klisto, mpe bomati bwa ye o lola.

21 Kasi soko ezali o bosekwi bwa ye to nsima, nalobi te; kasi eye nalobi mpenza, ete ezali ntaka yoko o kati ya liwa mpe bosekwi bwa nzoto, mpe bozali bwa bozo na esengo to bobola kina o ntango elakelama na Nzambe ete bakufi bakoya, mpe bakosangisama, bozo mpe nzoto lokola, mpe komememe mpo ya koteleme liboso lya Nzambe, mpe basambisama engebene na misala mya bango.

22 Iyo, eye ememi mpembeni bozongisi bwa biloko biye bilobelami na minoko mya baprofeta.

23 Bozo bokozongisama na nzoto, mpe nzoto na bozo; iyo, mpe enama na enama mpe ekangisele na ekangisele ekozongisama na nzoto ya yango; iyo, kutu nsuki yoko ya moto ekobunga te; kasi biloko binso bikozongisama na lolenge la byango lolamu mpe lobongo nie.

24 Mpe sikawa, mwana mobali wa ngai, eye ezali bozongisi boye bolobelami na minoko mya baprofeta—

25 Mpe nde basembo bakongenge o bokonzi bwa Nzambe.

26 Kasi tala, liwa lya nsomo likoya epai ya bato ba nkuna; mpo bakokufa mpo ya makambo matali makambo ma bosembo; mpo bazali na mbindo, mpe eloko te ya mbindo ekoki kosangola bokonzi bwa Nzambe; kasi babwakami libanda, mpe bafandisami mpo ya kolia mbuma ya mikumba mya bango to misala mya bango, miye mizali mibe; mpe bakomele mbondo ya nkeni yoko ya bololo.