O Le Tusi a Alema O Le Atalii o Alema

Mataupu 40

Ua aumai e Keriso le toetutu o tagata uma—O tagata amiotonu ua oti e o i le parataiso ae o e ua amioleaga e o i le pogisa i fafo e faatalitali ai le aso o lo latou toetutu—O le a toefuatai mea uma lava i o latou tino tatau ai ma atoatoa i le Toetutu. E tusa o le 74 T.L.M.

 O lenei, loʼu atalii e, o ni isi nei o mea tele teisi atu ou te fia fai atu ai ia te oe; ona ua ou vaai ua popole lou mafaufau e uiga i le toetutu mai o e ua oti.

 Faauta, ou te fai atu ia te oe, e leai se toetutu—pe, ou te faapea atu, i ni isi upu, o lenei tino faaletino e le faaofuina i le aola pea, o lenei tino le atoatoa e le efaaofuina i le tino atoatoa—iseia mavae le afio mai o Keriso.

 Faauta, e faataunuu e ia le atoetutu mai o e ua oti. Peitai faauta, loʼu atalii e, e lei oo mai le toetutu. O lenei, ou te fofola atu ia te oe se mealilo; e ui i lea, e tele emealilo ua itaofia, e leai se tasi na te iloaina vagana ai le Atua lava ia. Ae ou te faailoa atu ia te oe se mea e tasi sa ou ole atu ai ma le filiga i le Atua, ina ia mafai ona ou iloaina—o lena mea e faatatau i le toetutu.

 Faauta, e i ai se taimi ua tuupoina o le a atutulai mai ai tagata uma mai le oti. O lenei o afea e oo mai ai lenei taimi e leai se tasi na te iloa; peitai ua silafia e le Atua le taimi ua tuupoina.

 O lenei, pe o le a i ai se taimi e tasi, po o se taimi lona alua, po o se taimi lona tolu, o le a toetutu mai ai tagata mai le oti, ua le afaina; ona ua esilafia e le Atua nei mea uma; ma ua lava ia te au le iloa o le tulaga lenei ua i ai—e i ai se taimi ua tuupoina e toetutu mai ai tagata uma mai le oti.

 O lenei e tatau ona i ai se va i le va o le taimi o le oti ma le taimi o le toetutu mai.

 Ma o lenei ou te fia fesili o le a le mea e oo i aagaga o tagata mai lenei taimi o le oti seia oo i le taimi ua tuupoina mo le toetutu mai?

 O lenei pe sili atu i le tasi le taimi ua tuupoina mo tagata e toetutu mai ai, ua le afaina; ona e le feoti tagata uma i le taimi e tasi, ma ua le afaina lea; o mea uma ua pei o se aso e tasi i le Atua, ma ua nao le tagata ua fuaina le taimi.

 O lea, e i ai se taimi ua tuupoina mo tagata latou te tutulai mai ai mai le oti; ma ua i ai se va i le va o le taimi o le oti ma le toetutu mai. Ma o lenei, e faatatau i le va lea o le taimi, o le a le mea e oo i agaga o tagata i le va lea, o le mea lena na ou ole atu ai i le Alii ma le filiga ia ou iloa; ma o le mea lenei ua ou iloa.

 10 Ma pe a oo mai le taimi o le a toetutu mai tagata uma, ona latou iloa lea ua silafia e le Atua ataimi uma ua tuupoina i le tagata.

 11 O lenei, e faatatau i le tulaga o le agaga i le va o le aoti ma le toetutu mai—Faauta, ua faailoa mai ia te au e se agelu, e faapea o agaga o tagata uma, o le taimi lava latou te o ese atu ai mai lenei tino faaletino, ioe, agaga o tagata uma, pe sa latou lelei pe sa leaga, e ave atu i efanua i lena Atua o le na ia tuuina ia te i latou le ola.

 12 Ma ona oo lea, o agaga o i latou o e ua amiotonu e talia i se nofoaga o le afiafia, lea ua taua o le eparataiso, o se nofoaga e imalolo ai, o se nofoaga o le ofilemu o le a latou malolo ai mai i o latou faalavelave uma ma mai le popole uma, ma le faanoanoa.

 13 Ma ona oo ai lea, o agaga o e ua amioleaga, ioe, o e ua leaga—aua faauta, ua latou le maua se vaega po o se mea itiiti o le Agaga o le Alii; aua faauta, sa latou filifili galuega leaga nai lo le lelei; o lea na ulu ai le agaga o le tiapolo i totonu o i latou, ma fai mona o latou fal—ma o i latou ia o le a tutuli ese i fafo i le apouliuli i fafo; o iina o le a i ai le etaufaitagi, ma le tagiaue, ma le lilivau o nifo; ma o le pogai o lenei mea ona o lo latou lava amioletonu, ona sa taitai faatagataotauaina i latou e le loto o le tiapolo.

 14 O lenei o le tulaga lenei o agaga o e ua aamioleaga, ioe, i le pouliuli, ma o se tulaga o le leaga matautia tele o le faatalitali ma le ematatau mo le toasa mumu o le toatamai o le Atua o le a oo mai i luga o i latou; e faapea ona latou nonofo i lenei itulaga, faapea foi e ua amiotonu i le parataiso, seia oo i le taimi o lo latou toetutu mai.

 15 O lenei, e i ai ni isi ua malamalama e faapea o lenei tulaga o le fiafia ma lenei tulaga o le pagatia o le agaga, ao lei oo mai le toetutu, o le uluai toetutu lea. Ioe, ou te ioe atonu e mafai ona taua o se toetutu, le faatu mai lea o le agaga po o le tagata ma lo latou tofia i le fiafia po o le pagatia, e tusa ma upu ua fetalaia.

 16 Ma faauta, ua toe fetalaia foi, e faapea ua i ai se auluai etoetutu; o le toetutu mai lea o i latou uma o e na i ai, po o e o i ai, po o e o le a i ai, e oo mai i lalo i le toetu mai o Keriso mai le oti.

 17 O lenei, tatou te le manatu faapea o lenei uluai toetutu, lea ua taua mai i lenei ala, o le toetutu mai lea o tagata ma lo latou atofia i le fiafia po o le pagatia. E le mafai ona e manatu faapea o le uiga lena o lenei mea.

 18 Faauta, ou te fai atu ia te oe, E leai; ae o lona uiga, o le toetuufaatasia lea o le agaga ma le tino o i latou mai i ona po o Atamu seia oo mai i lalo i le atoetu mai o Keriso.

 19 O lenei, pe toetuufaatasia i le taimi e tasi agaga ma tino o i latou o e ua taua, o e ua amioleaga faapea foi ma e ua amiotonu, ou te le fai atu; ae ua lava ona ou fai atu, o le a latou tutu uma mai; po o i ni isi upu, o le a oo mai lo latou toetutu mai aae lei oo mai le toetutu mai o i latou o e e maliliu pe a mavae le toetu mai o Keriso.

 20 O lenei, lou atalii e, ou te le fai atu e oo mai lo latou toetutu i le toetu mai o Keriso, ae faauta, ou te tuu atu o soʼu manatu, o le a toetuufaatasia agaga ma tino, o e ua amiotonu, i le toetu mai o Keriso, ma lona aafio ae i le lagi.

 21 Ae pe i lona toetu mai pe i le mavae atu, ou te le fai atu; ae o le tele lenei o se mea ou te fai atu, e faapea e i ai se ava i le va o le oti ma le toetu mai o le tino, ma se tulaga o le agaga i le efiafia po o le ipagatia seia oo i le taimi ua tuupoina e le Atua e toetutu mai ai e ua oti, ma toetuufaatasia, o le agaga faapea ma le tino, ma oaumai e tutu i luma o le Atua, ma faamasinoina e tusa ma a latou galuega.

 22 Ioe, o lenei mea e faataunuu ai le toefuataiga o mea na na fetalaia e fofoga o perofeta.

 23 O le aagaga o le a etoefuataia i le itino, ma le tino i le agaga; ioe, ma o le a toefuataia vae ma lima ma sooga uma i lona tino; ioe, e oo i se lauulu o le ulu o le a le leiloa; ae o le a toefuataia mea uma i o latou autino tatau ai ma atoatoa.

 24 Ma o lenei, loʼu atalii e, o le toefuataiga lenei lea na afetalaia e fofoga o perofeta—

 25 Ma ona susulu ai lea o e amiotonu i le malo o le Atua.

 26 Ae faauta, e oo mai se aoti leaga matautia i luga o e ua amioleaga; ona e oti i latou e faatatau i mea tau i le amiotonu; ona ua latou le mama, ma e leai se mea ele mama e mafai ona mautofi i le malo o le Atua; ae e tutuli i latou i fafo, ma tofia e aai i fua o a latou mea na fai po o a latou galuega, ia sa leaga; ma latou inuina ʼalu o se ipu oona.