Tusitusiga Paia
Alema 41


Mataupu 41

I le Toetutū o le a tutula’i mai tagata i se tulaga o le fiafia e le gata po o le pagatia e le gata—E le’i avea lava le amioleaga ma fiafia—O tagata faaletino e aunoa ma le Atua i le lalolagi—E toe maua e tagata taitoatasi i le Toefuataiga uiga ma amioga na ia te ia i le olaga faaletino. E tusa o le 74 T.L.M.

1 Ma o lenei, lo’u atalii e, e i ai ni isi lava mea ou te fai atu ai e uiga i le toefuataiga lea ua ta’ua; auā faauta, e i ai ni isi ua latou asuia uiga o tusitusiga paia, ma ua o esesē mamao ese ai ona o lenei mea. Ma ua ou vaai ua popole foi lou mafaufau i lenei mea. Ae faauta, o le a ou faamalamalama atu lenei mea ia te oe.

2 Ou te fai atu ia te oe, lo’u atalii e, o le fuafuaga o le toefuataiga ua talafeagai e tusa ai ma le faamasinotonu o le Atua; ona e talafeagai le tatau ona toefuatai o mea uma i o latou tulaga e tatau ai. Faauta, o se mea ua talafeagai ma tonu, e tusa ma le mana ma le toetu mai o Keriso, le tatau ona toefuatai o le agaga o le tagata i lona tino, ma o avaega taitasi uma o le tino e ao ona toefuatai ia te ia lava.

3 Ma ua talafeagai ma le afaamasinotonu o le Atua le tatau ai ona efaamasinoina o tagata e tusa ma a latou igaluega; ma afai sa lelei a latou galuega i le olaga lenei, ma sa lelei naunautaiga o o latou loto, e tatau foi, i le aso gataaga, ona otoefuatai i latou i le mea ua lelei.

4 Ae afai ua leaga a latou galuega o le a atoefuatai ia te i latou mo le leaga. O lea, o le a toefuata’iina mea uma i o latou tulaga e tatau ai, o mea taitasi uma i lona lava tino natura moni—o le efaaletino e faatuina i le tino ola pea; o le ilē atoatoa i le atoatoa—e faatutū mai i le fiafia e ole gata e mautofi i le malo o le Atua, po o le pagatia e le gata e mautofi i le malo o le tiapolo; o le tasi i le tasi itu, o le isi i le isi itu—

5 O le tasi e faatuina i le fiafia e tusa ma ona naunautaiga mo le fiafia, po o le lelei e tusa ma ona naunautaiga mo le lelei; ao le isi i le leaga e tusa ma ona naunautaiga mo le leaga; ona e pei ona sa naunau o ia e fai le leaga i le umi o le aso atoa, o le a faapea lava ona maua e ia lona taui o le leaga pe a oo mai le po.

6 Ma ua faapea ona i ai i le isi itu. Afai sa salamo o ia i ana agasala, ma sa naunau i le amiotonu seia oo i le iuga o ona aso, o le a faapea lava ona tauia o ia i le amiotonu.

7 aO i latou ia o e ua togiolaina e le Alii; ioe, o i latou ia e ave a’e, ua laveaiina mai lena po o le pouliuli e le gata; ma e faapea ona latou tutula’i pe pa’u’ū; auā faauta, o i latou o o elatou lava faamasino, pe latou te faia le lelei pe fai le leaga.

8 O lenei, o tulafono a le Atua e ale masuia; o lea, ua uma ona saunia o le ala o soo se tasi e manao i ai e mafai ona ia savali ai ma faaolaina ai.

9 Ma o lenei faauta, lo’u atalii e, aua e te toe faia masalosalo se isi lava agasala e atasi e faasaga i lou Atua e faatatau i matautu ia o mataupu faavae, ia sa e faia masalosalo e oo mai i le taimi nei ina ia faia ai le agasala.

10 Aua e te manatu, ona ua ta’ua mai e uiga i le toefuataiga, o le a toefuata’iina ai oe mai le agasala i le fiafia. Faauta, ou te fai atu ia te oe, e le’i avea lava le aamioleaga ma fiafia.

11 Ma o lenei, lo’u atalii e, o tagata uma ua i ai i se tulaga o le anatura, pe ou te fai atu, ua i ai i se tulaga efaaletino, ua i ai i le au oona ma noanoataga o le amioletonu; ua iaunoa i latou ma le Atua i le lalolagi, ma ua latou i ai e le tusa ai ma le natura o le Atua; o lea, ua latou i ai i se tulaga ua le tusa ai ma le natura o le fiafia.

12 Ma o lenei faauta, o le uiga ea o le upu o le toefuataiga o le ave lea o se mea mai lona tulaga natura moni ma tuu i se tulaga e le o sona tulaga natura moni, pe tuu i se tulaga e faafeagai ma lona natura moni?

13 E, lo’u atalii e, e le o le tulaga lea; ae o le uiga o le upu o le toefuataiga, o le toe aumai lea o le leaga mo le leaga, po o le faaletino mo le faaletino, po o le faatiapolo mo le faatiapolo—o le lelei mo le mea ua lelei; o le amiotonu mo le mea ua amiotonu; o le mea tonu mo le mea ua tonu; o le alofa mutimutivale mo le mea ua alofa mutimutivale.

14 O lea, lo’u atalii e, vaai ia e alofa mutimutivale i ou uso; fai mea atonu, efaamasino ma le amiotonu, ma fai mea ilelei e le aunoa; ma afai e te faia nei mea uma ona e maua lea o lou taui; ioe, o le a toefuatai mai ia te oe le oalofa mutimutivale; o le a toefuatai mai ia te oe le faamasinotonu; o le a toefuatai mai ia te oe se faamasinoga amiotonu; ma o le a toe tauia mai ia te oe le lelei.

15 Ona o le mea e te auina atu o le a toe faafoi mai lava ia te oe, ma toefuatai mai; o lea, o le upu o le toefuataiga e tausala atoatoa ai le tagata agasala, ma lē tauamiotonuina ai o ia i soo se ala.