Koroboki Aika Tabu
Aramwa 41


Mwakoro 41

N tain te mangauti ao aomata a na roko n te aro ni kakukurei ae aki totoki ke te kananokawaki ae aki totoki—Te aro ae buakaka e bon aki karekea te kakukurei—Aomata ake a iango n aon te aba bon akea te Atua irouia n te aonaba aio—Ni kabane aomata a na manga karekea n tain Kaokan Bwaai anuaia ma aroaroia are a bon karekea n aia tai ni maiu n rabwata. Uakaan ma 74 I.K.

1 Ao ngkai, natiu ae te mwaane, iai te bwai ae I kan taekinna ni kaineti ma aron kaokan bwaai are e a tia n taekinaki; bwa nooria, iai ake a tia ni akaiangatoa ma koroboki aika tabu, ao a tia n btiotio nako ibukin te bwai aio. Ao I nooria bwa am iango e raraoma naba ni kaineti ma te bwai aio. Ma nooria, N na kabwarabwara nakoim.

2 I taku nakoim, natiu ae te mwaane, bwa te babaire ibukin kaokan bwaai nako e kainnanoa ana momotiraoi te Atua; bwa e bon kainnanoaki bwa bwaai ni kabane a na manga kaokaki nakon aroia raoi. Nooria, e kainnanoaki ma ni baireaki raoi, n aron mwaakan ao mangautin Kristo, bwa tamnein te aomata e na manga kaokaki nakon rabwatana, ao abwain nako te rabwata e na kaokaki nakoina.

3 Ao e kainnanoaki ana amomotiraoi te Atua bwa aomata ni kabane a na bmotikaki taekaia n aron aia cmwakuri; ao ngkana a raraoi aia mwakuri n te maiu aei, ao bwaai ake a tangiri nanoia a raraoi, ao a na riai naba n te kabanea ni bong, ni dkaokaki nakon ae raoiroi.

4 Ao ngkana aia mwakuri a bubuaka ao e na akaokaki nakoia te buakaka. Ngaia are, bwaai ni kabane a na manga kaokaki nakon aroia raoi, ni kabane nakon aroia ni koaua—te bmaamate e na kateirakeaki nakon te aki maamate, te cmka nakon te aki kona ni mka—e na kateirakeaki nakon te kakukurei ae daki totoki bwa e na karekea uean te Atua, ke nakon te kananokawaki ae aki totoki bwa e na karekea uean te riaboro, temanna n te itera teuana, ao are temanna n te itera are teuana.

5 Temanna e na kateirakeaki nakon te kakukurei n aron tangiran te kakukurei, ke te raoiroi n aron tangiran te raoiroi; ao are temanna nakon te buakaka n aron tangiran te buakaka; bwa kioina ngkai e tangira karaoan te buakaka ni kabongnga ngaia are e na karekea kanuangan ana buakaka ngkana e roko te bong.

6 Ao ai arona naba n te itera are teuana. Ngkana e a tia n rairananona man ana bure, man tangira te raoiroi n uaa tokin ana bong ni maiu, ao e na bon anganaki kanuangana te raoiroi.

7 Ao aaikai ake a kabooaki iroun te Uea; eng, aikai ake a anaaki, ake a kainaomataki man te bong n rootongitong ae aki totoki; ngaia are a tei ke a bwaka; bwa nooria, a bbon motiki taekaia, bwa a karaoa ae raoiroi ke ae buakaka.

8 Ngkai, ana tua te Atua e aaki kona ni bitaki; ngaia are, e a katauraoaki te kawai ao ane e na nakonako iai e na kona ni kamaiuaki.

9 Ao ngkai nooria, natiu ae te mwaane, tai manga kataa riki ateuana te bure ni kaitaraa Atuam, n reirei ake ko a tia ni katai n riaoi bwa ko na karaoa te bure.

10 Tai kantaningaia, ngkai e a tia n taekinaki ni kaineti ma kaokan bwaai, bwa ko na kaokaki man te bure nakon te kakukurei. Nooria, I taku nakoim, te aro ae abuakaka e bon aki kona ni karekea te kakukurei.

11 Ao ngkai, natiu ae te mwaane, ni kabane aomata a mena n aroia ni akoaua, ke tao N na kangai, n aroia n brabwata, n aroia ae mao ma ni kabaeaki n te buakaka; bon cakea raoia te Atua n te aonaba, ao a bon tia ni mena n te aro ae kaitaraa aron te Atua; ngaia are, a mena n te aro are kaitaraa aron te kakukurei.

12 Ao ngkai nooria, nanon te taeka ae te manga kaokaki bwa ko na ana te bwai n arona ni koaua ma ni katikua n tiaki arona ni koaua, ke ni katikua n te aro ae kaitaraa arona ni koaua?

13 O, natiu ae te mwaane, bon tiaki aio arona; ma nanon te taeka ae te manga kaokaki bon kaokan te buakaka nakon te buakaka, te aro n rabwata nakon te aro n rabwata, te nano n riaboro nakon te nano n riaboro—te tamaroa nakon ae tamaroa; te raoiroi nakon ae raoiroi, te momotiraoi nakon ae momotiraoi; ae nanoanga nakon ae nanoanga.

14 Ngaia are, natiu ae te mwaane, taraia bwa ko na nanoanga nakoia tarim; babaire ma te amotiraoi, bmotikitaeka n ae raoiroi, man reitanako karaoan ae craoiroi; ao ngkana ko karaoi bwaai aikai ni kabane ao ngkanne ko na karekea kanuangam; eng, e na manga kaokaki te dnanoanga nakoim; e na manga kaokaki te momotiraoi nakoim, e na manga kaokaki te motikitaeka ae raoiroi nakoim; ao e na manga kaokaki kanuangam te raoiroi nakoim.

15 Bwa te bwai are ko kanakoa mai iroum e na manga okiriko, ma ni kaokaki; ngaia are, te taeka ae kaokan bwaai e kabuakaka te tia bure, man aki motiraoi nakoina.