Mga Kasulatan
Alma 41


Kapitulo 41

Sa Pagkabanhaw ang mga tawo mobangon ngadto sa usa ka kahimtang sa walay kataposan nga kalipay o walay kataposan nga kasakit—Ang pagkadaotan dili mahitabo nga kalipay—Ang mga tawong kalibotanon walay Dios dinhi sa kalibotan—Ang matag tawo makadawat pag-usab sa Pagpahiuli ang mga kinaiya ug mga hiyas nga naangkon sa pagka-mortal. Mga 74 B.C.

1 Ug karon, akong anak, may gamay kong isulti mahitungod sa pagpahiuli nga gikapamulong na; kay tan-awa, ang uban amituis sa mga kasulatan, ug bnahisalaag sa layo tungod niining butanga. Ug nakasabot ko nga ang imong hunahuna nahasol usab mahitungod niining butanga. Apan tan-awa, ipasabot nako kini kanimo.

2 Sultihan ko ikaw, akong anak, nga ang plano sa pagpahiuli gikinahanglan sa hustisya sa Dios; kay kinahanglan nga ang tanang butang ipahiuli sa ilang tukma nga pagkahan-ay. Tan-awa, gikinahanglan ug makiangayon, sumala sa gahom ug pagkabanhaw ni Kristo, nga ang kalag sa tawo kinahanglan nga ipahiuli ngadto sa iyang lawas, ug nga ang matag abahin sa lawas ipahiuli ngadto sa iyang kaugalingon.

3 Ug gikinahanglan uban sa ahustisya sa Dios nga ang mga tawo bpagahukman sumala sa ilang mga cbuhat; ug kon ang ilang mga buhat matarong niini nga kinabuhi, ug ang mga tinguha sa ilang mga kasingkasing matarong, nga sila kinahanglan usab, sa kataposan nga adlaw, dipahiuli niana nga matarong.

4 Ug kon ang ilang mga buhat daotan aipahiuli ngadto kanila ang daotan. Busa, ang tanan nga butang ipahiuli ngadto sa tukma niini nga pagkahan-ay, matag butang ngadto sa iyang naandan nga bayanan—bpagka-mortal ngadto sa pagka-imortal, cmadunoton ngadto sa pagkadili madunoton—gibanhaw ngadto sa dwalay kataposan nga kalipay nga makapanunod sa gingharian sa Dios, o sa walay kataposan nga pagkauyamot nga makapanunod sa gingharian sa yawa, ang usa ngadto sa usa ka bahin, ang lain ngadto sa lain—

5 Ang usa banhawon ngadto sa kalipay sumala sa iyang pagtinguha og kalipay, o sa matarong sumala sa iyang pagtinguha og matarong; ug ang uban ngadto sa daotan sumala sa iyang pagtinguha og daotan; kay nagtinguha man siya sa pagbuhat og daotan sa tanang adlaw mao nga maangkon niya ang iyang ganti sa pagkadaotan inig abot sa kagabhion.

6 Ug mao gihapon kini sa lain nga bahin. Kon naghinulsol siya sa iyang mga sala, ug nagtinguha sa pagkamatarong hangtod sa kataposan sa iyang mga adlaw, bisan pa pagagantihan siya sa pagkamatarong.

7 aSila mao ang gitubos sa Ginoo; oo, sila mao ang gikuha, nga naluwas gikan sa walay kataposang gabii sa kangitngit; ug sa ingon niana mobarog sila o mapukan; kay tan-awa, sa ilang bkaugalingon sila ang mga tighukom kon mobuhat ba og maayo o mobuhat ba og daotan.

8 Karon, ang mga balaod sa Dios adili mausab; busa, ang agianan giandam na nga si bisan kinsa man ang adunay tinguha nga molakaw subay niana ug maluwas.

9 Ug karon tan-awa, akong anak, ayaw na paghimo og alaing kalapasan batok sa imong Dios diha niana nga mga punto sa doktrina, nga hangtod karon ikaw nagpadayon sa pagpakasala.

10 Ayaw pagdahom, nga tungod kay gikapamulong na ang mahitungod sa pagpahiuli, nga ikaw ipahiuli gikan sa sala ngadto sa kalipay. Tan-awa, sultihan ko ikaw, ang apagkadaotan dili gayod mahimong kalipay.

11 Ug karon, akong anak, ang tanang tawo nga anaa sa akinaiyanhon nga kahimtang, o sa laing pagkasulti, bkalibotanon nga kahimtang, anaa sa apdo sa kapaitan ug sa gapos sa kadaotan; sila cwalay Dios dinhi sa kalibotan, ug nahisupak sila sa kinaiyahan sa Dios; busa, anaa sila sa kahimtang nga sukwahi sa kinaiyahan sa kalipay.

12 Ug karon tan-awa, ang kahulogan ba sa pulong nga pagpahiuli mao ang pagkuha sa usa ka butang sa kinaiyanhon nga kahimtang ug ipahimutang kini sa dili kinaiyanhon nga kahimtang, o sa pagpahimutang niini sa usa ka kahimtang nga sukwahi sa iyang kinaiyahan?

13 O, akong anak, dili ingon niini ang mahitabo; apan ang kahulogan sa pulong nga pagpahiuli mao ang pagpabalik og usab sa daotan alang sa daotan, o kalibotanon alang sa kalibotanon, o yawan-on alang sa yawan-on—maayo alang niana nga maayo; matarong alang niana nga matarong; makiangayon alang niana nga makiangayon; maluluy-on alang niana nga maluluy-on.

14 Busa, akong anak, seguroa nga ikaw magmaluluy-on sa imong kaigsoonan; makigsabot nga amakiangayon,ug bmohukom nga matarong, ug mobuhat og cmaayo sa kanunay; ug kon buhaton nimo kining tanan nga butang nan madawat nimo ang imong ganti; oo, maangkon nimo ang dkaluoy nga ipahiuli og balik diha kanimo; maangkon nimo ang hustisya nga ipahiuli og balik diha kanimo; maangkon nimo ang matarong nga paghukom nga ipahiuli og balik diha kanimo; ug maangkon nimo ang maayo nga iganti balik diha kanimo.

15 Kay kana nga imong gipasiugdahan nga buhaton mobalik og usab diha kanimo, ug mapahiuli; busa, ang pulong nga pagpahiuli mohukom gayod sa hingpit sa makasasala, ug dili gayod makahatag kaniya og kaangayan.