1 Mo nao, boe blong mi, mi luksave se i gat sam samting moa we i mekem tingting blong yu i wari, we yu no save andastanem—we hem i long saed blong ^ajastis blong God long fasin blong panisim ol man blong sin; from we yu traem blong ting se hem i no stret se man blong sin i mas go long wan ples blong harem nogud.

2 Nao luk, boe blong mi, bae mi eksplenem samting ia long yu. From luk, afta we Lod God i bin ^asendemaot fas papa mo mama blong yumi aot long garen blong ^bIden, blong oli save wok long graon ia we oli bin kamaot long hem—yes, hem i bin karemaot man, mo hem i putum, long en blong Is blong garen blong Iden, ol ^djerubim, mo wan naef blong faet we i gat faea long hem we i stap tantanem raon long evri saed blong lukaot gud long ^etri blong laef—

3 Nao, yumi luk se man i bin kam olsem God, hem i save gud mo nogud; mo from hem i bin fraet se bae hem i no putumaot han blong hem mo tekem frut blong tri blong laef, mo kakae mo kasem laef blong oltaem, Lod God i putum jerubim mo naef blong faet ia we i gat faea long hem, blong mekem se hem i no save tekem mo kakae frut ia—

4 Mo olsem ia nao yumi luk, se God i bin givim wan taem long man blong sakem sin, yes, ^awan taem blong tes, wan taem blong sakem sin mo givim seves long God.

5 From luk, sapos Adam i bin stretem han blong hem long taem ia, mo tekem mo kakae frut blong tri blong laef, bae hem i kasem laef blong oltaem, folem toktok blong God, bae hem i no gat wan taem blong sakem sin; yes, mo tu, toktok blong God bae i no gat yus, mo bigfala plan blong fasin blong sevem man bae i no wokaot.

6 Be luk, God i bin putum long man blong hem i mas ^aded—from hemia, olsem we God i katemaot tufala long tri blong laef, nao i mas katemaot tufala long fes blong graon—mo man i bin kam lus blong oltaem, yes, tufala i bin kam man we i ^bfoldaon.

7 Mo nao, yu luksave se tru long samting ia nao, God i bin ^akatemaot fasfala papa mo mama blong yumi long fes blong Lod, tugeta, long saed blong laef ia mo long saed blong spirit; mo olsem ia nao yumi luksave se tufala i kam fri blong folem ^btingting blong tufalawan.

8 Nao luk, i no gat nid blong God i sevem man long ded blong bodi, from samting ia bae i prapa spolem gud bigfala ^aplan blong stap glad.

9 From hemia, from we sol i neva save ded, mo ^afoldaon i bin givim long evri man wan ded long saed blong spirit tugeta wetem blong bodi, we i minim se oli bin katemaot tufala long fes blong Lod, i gat nid ia se God i sevem hem long ded ia long saed blong spirit.

10 From hemia, from we man i bin kam ^aman blong wol, mo gat rabis tingting, mo mekem ol samting olsem devel, from ^bfasin blong hem blong folem wol, ^dples blong tes ia i kam wan ples blong olgeta blong oli rere; i bin kam wan ples blong mekem rere.

11 Mo nao tingbaot, boe blong mi, sapos i no bin gat plan blong fasin blong pemaot man, (putum samting ia long saed) long stret taem ia we oli ded, sol blong olgeta bae i ^aharem nogud tumas, from oli katemaot olgeta long fes blong Lod.

12 Mo nao, i no bin gat wan wei blong mekem evri man i kam fri long ples ia blong foldaon, we man i bin putum long hem wan from fasin blong hem blong no stap biaen long ol loa;

13 From hemia, folem jastis, ^aplan blong fasin blong pemaot man i no bin save hapen, sapos ol man oli no ^bsakem sin long ples ia blong tes, yes, ples ia blong mekem rere; from sapos i no gat ol samting ia, sore i no save wok from bae i mas smasem gud wok blong jastis. Nao God i no save smasem gud wok blong jastis; sapos i olsem, God i ^dnomo God.

14 Mo olsem ia nao yumi luksave se evri man i bin ^afoldaon, mo ^bjastis i bin holemtaet olgeta; yes, jastis blong God, we i bin katemaot olgeta long fes blong hem blong oltaem.

15 Mo nao, plan blong sore i no save wok sapos wan atonmen i no hapen; from hemia God hemwan nomo ^ai pem praes blong ol sin blong wol, blong mekem plan blong ^bsore i hapen, blong givim evri samting we ^djastis i askem, blong mekem se God i save stap ^estret evriwan, i wan stret God, mo tu, i wan God we i gat sore.

16 Nao, fasin blong sakem sin i no save kam long man sapos i no gat wan panis, we tu i wan panis ^awe i no save finis semmak olsem we laef blong sol i no save finis, we i go agensem plan blong stap glad, we i no save finis semmak olsem laef blong sol we i no save finis.

17 Nao, ?olsem wanem nao wan man i save sakem sin sapos hem i no mekem ^asin? ?Olsem wanem nao hem i save mekem sin sapos i no gat ^bloa? ?Olsem wanem nao i gat wan loa sapos i no gat wan panis?

18 Nao, God i bin putum wan panis i stap, mo hem i bin givim wan stret loa i stap, we i mekem man i filim, long ^atingting blong hem, se hem i rong.

19 Nao, sapos i no gat wan loa—sapos wan man i ^akilimded wan narafala man, hem i mas ded—?bae hem i fraet blong ded sapos hem i kilimded wan narafala man?

20 Mo tu, sapos i no gat wan loa we i agensem sin, ol man bae oli no fraet blong mekem sin.

21 Mo sapos i ^ano gat wan loa i stap se, sapos ol man oli mekem sin, ?wanem nao jastis, o sore tu, bae i mekem? from we bae oli no gat wan kontrol long man ia.

22 Be i gat wan loa i stap, mo wan panis we i go wetem, mo God i givim wan ^afasin blong sakem sin; we fasin blong sakem sin ia, sore i gat raet blong holem; sapos no, jastis i holemtaet ol man mo yusum loa, mo loa i givim panis; sapos i no olsem, ol wok blong jastis bae i no wokaot, mo God bae i stop blong stap God.

23 Be God i neva stop blong stap God, mo ^asore i gat raet blong holem olgeta we oli sakem sin, mo sore i kam from ^batonmen; mo atonmen i mekem ^dlaef bakegen long ded blong ol dedman i hapen; mo laef bakegen long ded blong ol dedman i tekem ol man oli ^egobak long ples we God i stap long hem; mo olsem ia nao, oli kambak bakegen long ples blong hem, blong kasem ^fjajmen folem ol wok blong olgeta, folem loa mo jastis.

24 From luk, jastis i askem man evri samting we hem i wantem, mo tu, sore i gat raet blong holem evriwan we i blong hem; mo olsem ia nao, olgeta nomo we oli sakem sin tru bae God i sevem olgeta.

25 ?Wanem? ?Yu ting se sore i save stilim ^ajastis? Mi talem long yu, No; i nogat wan pis nating. Sapos i olsem, God bae i stop blong stap God.

26 Mo olsem ia nao God i mekem ol ^astamba tingting blong hem we oli bigfala mo oli save finis oli hapen; we i mekem rere olgeta ^bstat long taem we wol i bin stat. Mo olsem ia nao fasin blong sevem man mo fasin blong pemaot man i hapen, mo tu, fasin blong prapa spolem gud olgeta mo harem nogud blong olgeta.

27 From hemia, O boe blong mi, ^aeni man we i wantem kam i save kam, mo tekem mo dring ol wota blong laef fri nomo; mo eni man we i no wantem kam, semfala man ia God i no fosem hem blong kam; be long las dei, bae hem i ^bputumbak samting long hem folem ol ^dwok blong hem.

28 Sapos hem i wantem blong mekem ^anogud samting, mo hem i no sakem sin long ol dei blong hem, luk, nogud samting bae i kam long hem, folem wanem we God i putumbak.

29 Mo nao, boe blong mi, mi wantem se bae yu nomo wari from ol samting ia, mo yu wari from ol sin blong yu nomo, wetem wari ia we bae i tekem yu daon blong yu sakem sin.

30 O boe blong mi, mi wantem se yu nomo tanem baksaed blong yu long jastis blong God. Yu no traem blong mekem eskius long eni kaen wei from ol sin blong yu, tru long fasin blong tanem baksaed blong yu long jastis blong God; be yu stap letem jastis blong God, mo sore blong hem, mo fasin blong hem blong gotru long hadtaem wetem longfala tingting i gat ful paoa long hat blong yu; mo letem samting ia i tekem yu i go daon long das blong graon wetem ^atingting i stap daon.

31 Mo nao, O boe blong mi, God i bin singaotem yu blong prijim trutok long pipol ia. Mo nao boe blong mi, go long rod blong yu, talemaot trutok ia wetem fasin blong stap ones mo no stap pleiplei, blong mekem se yu save tekem ol sol oli kam blong sakem sin, blong mekem se bigfala plan blong sore i save gat raet blong holem olgeta. Mo bae God i givim long yu olsem, folem ol toktok blong mi. Amen.