1 Raica, ka sa qai yaco ni ra sa marau vakalevu sara na tamata i Nifai, baleta ni sa vakabulai ira tale na Turaga mai na ligadra na nodra meca; o koya era sa vakavinavinaka kina vua na Turaga na nodra Kalou; io, era sa ^alolo ka masu vakalevu, ka ra sa qarava na Kalou ena marau levu.

2 Ka sa yaco ena ikatinikaciwa ni yabaki ni nodra veiliutaki na turaganilewa vei ira na tamata i Nifai, sa lako mai ko Alama vei Ilamani na luvena ka kaya: Ko vakabauta li na veivosa au sa tukuna vei iko me baleta na ^aivolatukutuku sa maroroi tu?

3 Sa kaya vua ko Ilamani: Io, au vakabauta.

4 Ka sa kaya tale vua ko Alama: Ko vakabauti Jisu Karisito, o koya ena lako mai?

5 Ka sa kaya ko koya: Io, au sa vakabauta na nomu vosa kecega.

6 Ka sa kaya tale vua ko Alama: Ko na ^amuria rawa na noqu ivakaro?

7 Ka sa kaya ko koya: Io; au na muria na nomu ivakaro e lomaqu taucoko.

8 Sa qai kaya vua ko Alama: Raica ko sa kalougata; ia ena ^avakavutuniyautaki iko na Turaga ena vanua oqo.

9 Ia raica, e tiko vei au e dua na ka me’u na ^aparofisaitaka vei iko; ia na ka au na parofisaitaka vei iko mo kakua sara ni vakatakila; io, na ka au na parofisaitaka vei iko ena sega ni vakatakilai, me yacova ni sa vakayacori; o koya mo vola kina na vosa au na tukuna.

10 Ia oqo na vosa: Raica, au sa raici ira na tamata oqo, na Nifaiti, me vaka na yalo ni vakatakila sa tu vei au, ni oti e ^ava na drau na yabaki mai na nona na vakaraitaki koya vei ira ko Jisu Karisito, era na malai mai ena ^btawavakabauta.

11 Io, era na raica na ivalu kei na, mate dauveitauvi, io, na dausiga, kei na vakadave dra, me yacova ni ra sa ^arusa vakadua ko ira na tamata i Nifai—

12 Io, sa yaco vei ira na ka oqo baleta ni ra na malai ena tawavakabauta, ka ia na cakacaka ni butobuto, era sa sinai ena ^agagadre ca, ka ra sa kitaka na ivakarau ca kecega; io, au sa kaya vei iko, me vaka ni ra sa ivalavala ca ga ena rarama kei na kila ka levu sa tu vei ira, io, au sa kaya vei iko, mai na siga ko ya, ni se bera ni oti yani na ikava ni tabatamata sa na yaco mai na caka ca levu oqo.

13 Ka ni sa yaco mai na siga sa levu ko ya, raica, sa voleka sara na kena gauna ni ko ira oqo, se ko ira kecega na kawa ka ra sa okati vata tu kei ira na tamata i Nifai, era sa na ^asega ni okati vata tale kei ira na tamata i Nifai.

14 Ia ko ira na kena ivovo, ka ra sega ni vakarusai ena siga levu ka rerevaki koya, era sa na ^aokati vata kei ira na Leimanaiti, ka ra sa na ivalavala vata kei ira, ko ira kece sara, ka qai vakavo ga e vica ka ra vakatokai me nona tisaipeli na Turaga; ia sa ira oqo era na cemuri mai vei ira na Leimanaiti me yacova ni ra ^bqeyavu taucoko. Ia oqo, me baleta na ivalavala ca, ena vakayacori vakaidina na parofisai oqo.

15 Ka sa qai yaco ni sa tinia na nona vosa vei Ilamani ko Alama, sa qai vosa vakalougatataki koya, kei ira na luvena tagane tale eso; sa vosa vakalougatataka tale ga na vanua ena vukudra na ^aivalavala dodonu.

16 Ka sa kaya ko koya: Sa kaya vakaoqo na Turaga na Kalou—Sa ^acudruvi na vanua, io, na vanua oqo, kivei ira na veimatanitu, veimataqali, duivosavosa, kei ira na tamata, me ra na vakarusai, ko ira sa kitaka na ka ca, ena gauna era sa matua vinaka kina; ia me vaka ni’u sa kaya ena vakayacori vakakina; ni sa vakaoqo na nona cudru kei na nona ^bveivakalougatataki na Kalou ena dela ni vanua, ni na sega sara ni ^cvakadonuya vakalailai na ivalavala ca na Turaga.

17 Ka ni sa cavuta oti na vosa oqo ko Alama, sa qai vosa vakalougatataka na ^alotu, io, ko ira kece era na tudei tu ena vakabauta me tekivu mai na gauna koya ka lako yani.

18 Ka ni sa kitaka oti ko Alama na ka oqo sa biuta na vanua ko Saraemala, me vaka ni lako tiko ki Mileki. Ia sa yaco ni sa sega tale ni rogoci e dua na ka me baleti koya; sa sega tale ga ni kilai e dua na ka me baleta na nona mate kei na nona bulu.

19 Raica, eda sa kila oqo, ni sa tamata ivalavala dodonu ko koya; ia era sa veikayayaka ena loma ni lotu ni sa kauti koya cake na Yalo, se sa ^abuluti koya na liga ni Turaga, me vakataki Mosese. Ia raica, sa tukuni ena ivolanikalou, ni a kauti Mosese vei koya vakaikoya ga na Turaga; ia eda nanuma ni sa ciqomi Alama vakayalo tale ga, ko koya; o koya, oqo na vuna eda sega kina ni kila e dua na ka me baleta na nona mate se na nona bulu.

20 Ka sa qai yaco ni ena itekivu ni ikatinikaciwa ni yabaki ni nodra veiliutaki na turaganilewa vei ira na tamata i Nifai, sa lako yani ko Ilamani ka kaburaka na vosa vei ira na tamata.

21 Ia raica, ena vuku ni nodra veivaluvaluti tiko kei ira na Leimanaiti, kei na nodra veisei kei na tiko yavavala lalai ena kedra maliwa na tamata, sa kilikili kina me tukuni na ^avosa ni Kalou vei ira, io, me virikotori e dua na lawa ena lotu.

22 O koya, era sa lako yani kina ko Ilamani kei ira na nona itokani, ka vakadeitaka na isoqosoqo lewenilotu ena vanua taucoko, io, ena veikoro lelevu kecega ena vanua taucoko era sa tawana tu na tamata i Nifai. Ia sa yaco me ra lesi ira na bete kei na ivakavuvuli ni lotu ena vanua taucoko ena isoqosoqo lotu kece.

23 Ka sa qai yaco ni ra sa lesi ira oti na bete kei na ivakavuvuli ni lotu ko Ilamani kei ira na nona itokani sa tubu tale na ^aveileti ena kedra maliwa, ka ra sa sega ni via muria na vosa i Ilamani kei ira na nona itokani;

24 Ia era sa qaciqacia mai, ka viavialevu, ni ra sa ^avutuniyau sara vakalevu; o koya era sa vakalevulevui ira kina ^bvakataki ira, ka sega ni via muria na vosa, me ra lako vakadodonu ena mata ni Kalou.