O Le Tusi a Alema O Le Atalii o Alema

Mataupu 46

Ua faufauleaga Amalekia ia avea ma tupu—Ua sisi ae e Moronae le tagavai o le saolotoga—Ua ia tomatauina le nuu ia puipui la latou tapuaiga—O e ua talitonu faamaoni ua taua o Kerisiano—O le a faasaoina se toe vaega o Iosefa—Ua sosola Amalekia ma e faatuiese i le laueleele o Nifae—O i latou o e e le lagolagoina le faamoemoe o le saolotoga o le a fasiotia. E tusa o le 73–72 T.L.M.

 Ma sa oo ina o le toatele o e sa le fia faalogo i upu a Helamana ma ona uso, sa faapotopoto faatasi e faasaga tetee i o latou uso.

 Ma o lenei faauta, sa latou feita tele, sa oo ina latou mauai e fasioti i latou.

 O lenei o le taitai o i latou o e na feita e faasaga i o latou uso o se tagata tino ese ma le malosi; ma o lona igoa o Amalekia.

 Ma sa manao Amalekia ia avea o ia ma tupu; ma o tagata ia o e sa feita sa latou mananao foi ia avea o ia ma o latou tupu; ma o le toatele o i latou o afaamasino maualalalo o le laueleele, ma sa latou saili mo le pule.

 Ma sa taitaiina i latou i upu faaviivii a Amalekia, e faapea afai latou te lagolagoina o ia ma faatu o ia e avea ma o latou tupu o le a ia faia i latou ma pule i luga o le nuu.

 Sa faapea ona taitaieseina i latou e Amalekia i le faatuiese, e ui lava i le talaiga a Helamana ma ona uso, ioe, e ui lava i lo latou matua faaeteete tele i le leoleoina o le ekalesia, ona o i latou o faitaulaga sili o le ekalesia.

 Ma sa i ai le toatele i le ekalesia o e sa talitonu i upu faaviivii a Amalekia, o le mea lea na latou faatuiese atu ai lava mai le ekalesia; ma sa faapea ona lugā ma tugā tele ai mataupu o le nuu o Nifae, e ui i lo latou amanumalo tele sa latou maua ia sa Lamanā, ma lo latou olioli tele sa maua ona o le laveaiina o i latou e le aao o le Alii.

 Ua faapea ona tatou vaai ai i le avave tele ona galo i le fanauga a tagata o le Alii lo latou Atua, ioe, le vave tele ona fai o le amioletonu, ma taitaieseina e le ua leaga.

 Ioe, ma ua tatou vaai ai foi i le aamioleaga tele e mafai e se tagata amioleaga e toatasi ona faatupuina i totonu o le fanauga a tagata.

 10 Ioe, ua tatou vaai o Amalekia, ona o ia o se tagata faitogafiti poto leaga ma o se tagata mauupu faaviivii, sa ia taitai ese ai loto o tagata e toatele e fai le amioleaga; ioe, ma saili e faaumatia le ekalesia a le Atua, ma faaumatia le faavae o le asaolotoga lea na tuuina mai e le Atua ia te i latou, po o se faamanuiaga lea na auina mai e le Atua i luga o le laueleele mo le emanuia o e e amiotonu.

 11 Ma o lenei sa oo ina ua faalogo Moronae, o le sa avea ma ataitaiau sili o autau a sa Nifaē, i nei faatuiesega, sa ita o ia ia Amalekia.

 12 Ma sa oo ina saeia e ia lona ofu; ma sa ia ave sina fasi mea, ma ia tusi ai i luga—amo le manatuaina o lo tatou Atua, ma la tatou tapuaiga, ma le saolotoga, ma lo tatou filemu, a tatou ava, ma a tatou fanau—ma ia nonoaina i luga o le pito o se pou.

 13 Ma sa ia faamaulu lona puloutau, ma lona ufifatafata, ma ana talita, ma sulu lona ofutau faataamilo i ona sulugatiti; ma sa ia ave le pou, lea sa i ai i lona pito lona ofu ua sasae, (ma sa ia taua o le tagavai o le saolotoga) ma sa ifo o ia lava i le eleele, ma ia tatalo faatauanau atu i lona Atua mo faamanuiaga o le saolotoga ia malolo ifo i luga o ona uso, pe afai e i ai pea se vaega o tagata Kerisiano e totoe e fai mo i latou le laueleele—

 14 Ona sa faapea ona taua o tagata uma sa talitonu moni ia Keriso, o e sa auai i le ekalesia a le Atua, e i latou o e sa le auai i le ekalesia.

 15 Ma o i latou o e sa auai i le ekalesia sa faamaoni; ioe, o i latou uma o e sa talitonu moni ia Keriso sa latou ave ma le fiafia i o latou luga le asuafa o Keriso, po o le au eKerisiano e pei ona sa taua ai i latou, ona o lo latou talitonu ia Keriso o le o le a afio mai.

 16 Ma o lea, na tatalo atu ai Moronae, i le taimi lea, ina ia mafai ona alofagia le faamoemoe o le au Kerisiano, ma le saolotoga o le laueleele.

 17 Ma sa oo ina ua uma ona ia sasaa atu lona agaga i le Atua, sa ia taua le laueleele atoa lea sa i le itu i saute o le laueleele o aTuufua, ioe, ma i se aotelega, le laueleele uma lea, i matu uma ma saute—O se laueleele filifilia, ma laueleele o le saolotoga.

 18 Ma sa ia fai mai: E moni o le a le tuu lava e le Atua i tatou, o e ua inosia ona ua tatou ave i o tatou luga le suafa o Keriso, ia solia i tatou i lalo ma faaumatiaina, vagana ai ua tatou aumaia i o tatou luga e ala ia tatou lava solitulafono.

 19 Ma ina ua uma ona fai mai e Moronae o nei upu, sa ia alu atu i totonu o le nuu, ua faaagiagia atu i le ea le vaega o lona aofu na sasae, ina ia mafai e tagata uma ona iloa mai tusitusiga ia na ia tusia i luga o le vaega o le ofu na sasae, ma alaga atu ma se leo tele, ua fai atu:

 20 Faauta, soo se tasi e loto ia faatumauina lenei tagavai i luga o le laueleele, ia latou o mai i luma i le malosi o le Alii, ma ulu atu i se feagaiga o le a latou faatumauina a latou aia, ma la latou tapuaiga, ina ia faamanuiaina i latou e le Alii le Atua.

 21 Ma sa oo ina ua uma ona alaga atu e Moronae o nei upu, faauta, sa taufetuli faatasi mai le nuu ma o latou ofutau ua sulu faataamilo i o latou sulugatiti, ma saeia o latou ofu e fai ma faailoga, po o se feagaiga, o le a latou le tuulafoaiina lava le Alii lo latou Atua; pe, i ni isi upu, afai latou te solia poloaiga a le Atua, pe pauu atu i le solitulafono, ma amama e ave i o latou luga le suafa o Keriso, ia saeia i latou e le Atua e pei lava ona latou saeia o latou ofu.

 22 O lenei o le feagaiga lenei sa latou faia, ma sa latou lafo atu o latou ofu i vae o Moronae, ua fai mai: Matou te osi feagaiga ma lo matou Atua, ia faaumatia i matou, e pei lava o o matou uso i le laueleele i matu, pe afai matou te pauu atu i le solitulafono; ioe, ia lafoina e ia i matou i vae o o matou fili, e pei lava ona matou lafo atu o matou ofu i ou vae ia soli i lalo e vae, pe afai matou te pauu atu i le solitulafono.

 23 Sa fai atu Moronae ia te i latou: Faauta, o i tatou o se toe vaega o le fanau a Iakopo; ioe, o i tatou o se toe vaega o le afanau a eIosefa, o le e ona le iʼofu na saeia e ona uso i ni fasi ie e tele; ioe, ma o lenei faauta, ia tatou manatua e tausi i poloaiga a le Atua, a leai o le a saeia o tatou ofu e o tatou uso, ma lafo i tatou i le falepuipui, pe faatau atu i tatou, pe fasiotia.

 24 Ioe, ia tatou faasaoina lo tatou saolotoga o se atoe vaega o Iosefa; ioe, ia tatou manatua upu a Iakopo, ae lei maliu o ia, aua faauta, sa vaai o ia ua faasaoina se vaega o le toega o le ofu o Iosefa ma sa lē pala. Ma sa fai mai o ia—E pei ona faasaoina lenei toega o le ofu o lou atalii, o le a faapea lava ona faasaoina e le aao o le Atua se etoe vaega o le fanau a lou atalii, ma ia avea mo ia lava, ao le vaega e totoe o le fanau a Iosefa o le a fano, e pei lava o le vaega na totoe o lona ofu.

 25 O lenei faauta, ua aumai e lenei mea le faanoanoa i lou agaga; e ui i lea, ua olioli lou agaga i lou atalii, ona o lena vaega o lana fanau lea o le a avea i le Atua.

 26 O lenei faauta, o le gagana lea a Iakopo.

 27 Ma o lenei o ai na te iloa ae le o le toe vaega o le fanau a Iosefa, lea o le a fano e pei o lona ofu, o i latou ia o e ua faatuiese mai ia te i tatou? Ioe, ma o i tatou foi ia pe afai tatou te le tutumau mausali i le faatuatua ia Keriso.

 28 Ma o lenei sa oo ina ua uma ona fai atu e Moronae nei upu sa alu atu o ia, ma auina atu foi ni avefeau i vaega uma o le laueleele sa i ai faatuiesega, ma faapotopoto faatasi tagata uma o e sa mananao e faatumauina lo latou saolotoga, e tutu tetee faasaga atu ia Amalekia ma i latou o e na faatuiese, o e ua taua o sa Amalekiā.

 29 Ma sa oo ina ua vaai Amalekia ua sili atu ona toatele tagata a Moronae nai lo sa Amaleki—ma sa ia vaai foi ua masalosalo ona tagata e uiga i le tonu o le faamoemoe ua latou faia—o lea, i le fefe nei ona le maua le faamoemoe, na ia ave ai i latou o ona tagata o e na mananao i ai, ma ua o ese atu i le laueleele o Nifae.

 30 O lenei sa manatu Moronae sa le tatau ona toe maua e sa Lamanā se malosi faateleina; o lea na manatu ai o ia e sisio mai tagata o Amalekia, pe taofi i latou ma toe aumai i latou, ma ia fasioti Amalekia; ioe, ona sa ia iloa o le a ia faaosoina sa Lamanā ia feita e faasaga mai ia te i latou, ma uunai i latou ia o mai tau e faasaga mai ia te i latou; ma sa iloa e ia o le a fai e Amalekia lenei mea ina ia mafai ona ia maua ai o ona faamoemoega.

 31 O lea na manatu ai Moronae e tatau ona ia ave o ana autau, o e ua latou faapotopoto faatasi i latou lava, ma ua faaauupegaina i latou lava, ma ua ulu atu i se feagaiga e tausi le filemu—ma sa oo ina ave e ia lana autau ma savali atu i fafo faatasi ma ona faleie i le vao, e sisio mai Amalekia i le vao.

 32 Ma sa oo ina faia e ia e tusa ma ona manao, ma savali atu i le vao, ma taofi mai autau a Amalekia.

 33 Ma sa oo ina sosola Amalekia ma se vaega toaitiiti o ana tagata, ae o e na totoe na tuu mai i lima o Moronae ma sa toe ave i latou i tua i le laueleele o Saraʼemila.

 34 O lenei, ona o Moronae o se tagata o le na atofia e faamasino sili ma le leo o le nuu, o lea na i ai ia te ia le pule e faia ai soo se mea e tusa ma le mea e loto i ai, i autau a sa Nifaē, e faatu ma faaaoga ai le pule i luga o i latou.

 35 Ma sa oo ina o soo se tasi o sa Amalekiā sa le fia ulu i le feagaiga e lagolago le faamoemoe o le saolotoga, ina ia mafai ona latou maua pea se malo saoloto, sa ia faatonu ia fasiotia; ma sa i ai se toaitiiti sa latou faafitia le feagaiga o le saolotoga.

 36 Ma sa oo foi ina ia faatonu atu, ia sisi i luga le tagavai o le saolotoga i olo uma sa i le laueleele atoa, lea sa maua e sa Nifaē; ma sa faapea ona faatu e Moronae le tagavai o le saolotoga i sa Nifaē.

 37 Ma sa amata ona latou toe maua o le filemu i le laueleele; ma sa faapea ona latou tausia o le filemu i le laueleele seia oo mai toeitiiti lava i le faaiuga o le lona sefulu iva o tausaga o le nofoaiga a faamasino.

 38 Ma sa faatumauina foi e Helamana ma afaitaulaga sili le maopoopo i le ekalesia; ioe, sa oo lava ina latou maua le filemu tele ma le olioli i le ekalesia i le va o le fa tausaga.

 39 Ma sa oo ina feoti le toatele, ma le atalitonu mausali ua togiolaina o latou agaga e le Alii o Iesu Keriso; o lea na latou o ese atu ai i fafo mai le lalolagi ma le olioli.

 40 Ma sa i ai ni isi o e na oti i mai-fiva, ia sa masani ona pepesi i le laueleele i ni isi vaitau o le tausaga—ae sa le toatele naua na feoti i mai-fiva, ona o le lelei tele o le tele o alaau ma aa na saunia e le Atua e aveese ai le pogai o mai, ia sa maua ai tagata ona o le uiga o le tau—

 41 Ae sa toatele e na oti i le tele o o latou tausaga; ma o i latou o e na oti ma le faatuatua ia Keriso ua afiafia ia te ia, e pei ona ao ina tatau ona tatou manatu i ai.