1 Ket napasamak a kas iti kaadu iti saan a dimngeg kadagiti balikas ni Helaman ken dagiti kabsatna ti naguummong maibusor kadagiti kabsatda.

2 Ket ita kitaen, nalabes ti pungtotda, isu nga inkeddengda a patayen ida.

3 Ita maysa a dakkel ken napigsa a tao ti dadaulo dagidiay makapungtot kadagiti kabsatda; ket Amalickiah ti naganna.

4 Ket tarigagayan ni Amalickiah nga agbalin nga ari; ken tarigagayan met dagiti makapungtot a tao nga isu ti rumbeng nga agbalin nga arida; ket dakdakkelda a paset ngem dagiti ^anababbaba nga ukom iti daga, ket gangandatenda iti bileg.

5 Ket naallilawda ti pasablog ni Amalickiah, a no saranayenda ken ipatugawda nga arida aramidennanto ida nga agturay kadagiti tattao.

6 Ngarud naallilaw ida ni Amalickiah tapno summupiat, iti laksid ti panangaskasaba ni Helaman ken dagiti kabsatna, wen, iti laksid ti napalalo a panangtaripatoda iti simbaan, ta nangatoda a saserdote ti simbaan.

7 Ket adu dagiti adda iti simbaan ti namati kadagiti pammasablog a balikas ni Amalickiah, ngarud simmuppiatda uray pay manipud iti simbaan; ket iti kasta nasagmak ken napeggad ti aramid dagiti tattao ni Nephi, iti laksid ti naindaklan a ^aballigida kadagiti Lamanita, ken naindaklan ti rag-o nga adda kadakuada gapu iti pannakawaywayada babaen iti ima ti Apo.

8 Ngarud makitatayo no kasano ti ^akaalisto a makalipat dagiti annak ti tattao iti Apo a Diosda, wen, no kasano ti kaalisto nga agaramid iti nadangkes, ken maiturong babaen iti managdakdakes.

9 Wen, ket makitatayo pay ti nakaro a ^akinadakes ti maparnuay ti maysa a napalalo a dakes a tao kadagiti annak ti tattao.

10 Wen, makitatayo a ni Amalickiah, gapu ta maysa a nasikap a tao ken tao a nalaing iti adu a pammasablog a balikas, a nangallilaw ti puspuso dagiti adu a tao nga agaramid iti dakes; wen, ken mangpanggep a mangdadael ti simbaan ti Dios, ken mangdadael iti pamuon ti ^awayawaya nga impaay kadakuada ti Dios, wenno ti bendision nga impaay ti Dios a pagimbagan dagiti ^bnalinteg iti rabaw ti daga.

11 Ket ita napasamak nga idi mangngegan ni Moroni, a ^apangulo a mangiturong kadagiti buyot dagiti Nephita, dagitoy nga isusuppiat, kinapungtotna ni Amalickiah.

12 Ket napasamak a pinigisna ti kagayna; ket innalana ti maysa a pedaso iti daytoy, ket insuratna iti daytoy—^aIti pakalaglagipan iti Diostayo, iti relihiontayo, ken wayawaya, ken iti kappiatayo, dagiti assawatayo, ken dagiti annaktayo—ket inkapetna daytoy iti murdong ti poste.

13 Ket inkapetna iti kabal ti ulona, ​​ken ti kabal ti barukongna, ken dagiti kalasagna, ket inbarikesna ti kabalna iti lomona; ket innalana ti poste, nga adda iti murdongna ti napigis a kagayna, (ket inawaganna iti wagayway ti libertad) ket inruknoyna ti bagina iti daga, ket nagkararag a sipipinget iti Diosna para kadagiti bendision ti libertad nga agsaad kadagiti kakabsatna, agingga nga addaan iti grupo dagiti Kristiano a mangtagikua iti daga—

14 Agsipud ta kasta ti pangawag dagiti saan a kameng ti simbaan kadagiti amin a pudno a mamati ken ni Kristo.

15 Ket napudno dagidiay kameng ti simbaan; wen, siraragsak nga inawat amin dagidiay pudo a mamati iti ^anagan ni Cristo, wenno ^bdagiti Kristiano kas iti pannakaawagda, gapu iti pammatida ken ni Cristo nga umayto.

16 Ket ngarud, iti daytoy a tiempo, inkararag ni Moroni a mapaboran koma ti panggep dagiti Kristiano, ken ti wayawaya ti daga.

17 Ket napasamak nga idi naibukbokna iti kaungganna iti Dios, ninagananna amin a daga iti abagatan ti daga a ^aDesolation, wen, iti pakaigupgupanna, amin a daga, agpada iti amianan ken iti abagatan—Maysa a napili a daga, ken ti daga ti wayawaya.

18 Ket kinunana: Segurado a saan nga ipalubos ti Dios a dakami, a maum-umsi gapu ta inawatmi ti nagan ni Cristo, a mabaddebaddekan ken madadael, agingga nga iyegmi daytoy kadakami babaen kadagiti bukodmi a panaglabsing.

19 Ket idi naibaga ni Moroni dagitoy a balikas, napan kadagiti tattao, nga inwagaywayna ti napigis a paset ti ^akawesna iti tangatang, tapno makita ti amin ti sinurat nga insuratna iti napigis a paset, ken nagsao iti napigsa a timek, a kunkunana:

20 Kitaen, siasinoman a mangtaginayon iti daytoy a wagayway iti daga, paumayenyo nga addaan iti pigsa ti Apo, ket mangaramid iti katulagan a taginayonenda dagiti karbenganda, ken ti relihionda, tapno bendisionan ida ti Apo a Dios.

21 Ket napasamak nga idi inwaragawag ni Moroni dagitoy a balikas, kitaen, nagtataray a sangsangkamaysa nga immay dagiti tattao a nakabarikes ti kabalda iti lomoda, a pigpigisenda dagiti kawesda kas pagilasinan, wenno kas maysa a katulagan, a saanda a tallikudan ti Apo a Diosda; wenno, iti sabali a pannao, no aglabsingda kadagiti bilin ti Dios, wenno matnagda iti panaglabsing, ket ^amabainda a mangawat iti nagan ni Cristo, pigisen ida ti Apo uray kas iti panangpisangda kadagiti kawesda.

22 Ita daytoy ti katulagan nga inaramidda, ket impuruakda dagiti kawesda iti sakaanan ni Moroni, a kunada: Makitulagkami iti Diosmi, a madadaelkami, uray pay kas kadagiti kakabsatmi iti daga nga agpaamianan, no matnagkami iti panaglabsing; wen, mabalinmo nga ipuruakkami kadagiti sakaanan dagiti kabusormi, a kas met laeng iti panangipuruakmi kadagiti kawesmi iti sakaanam a mabaddebaddekan, no matnagkami iti panaglabsing.

23 Kinuna ni Moroni kadakuada: Kitaen, natdakami iti kaputotan ni Jacob; wen, natdakami ti ^akaputotan ni ^bJoseph, a pinirgipirgis ti ^ckagayna dagiti kakabsatna; wen, ket ita kitaen, laglagipentayo a tungpalen dagiti bilbilin ti Dios, wenno mapigisto dagiti kawestayo dagiti kakabsattayo, ket maipantayo iti pagbaludan, wenno mailako, wenno mapapatay.

24 Wen, taginayonentayo ti wayawayatayo a kas ^anatda a kaputotan ni Jose; wen, laglagipentayo dagiti balikas ni Jacob, sakbay ti ipapatayna, ta kitaen, nakitana a nataginayon ken saan a nagrupsa ti maysa a paset iti natda a kagay ni Jose. Ket kinunana—Kas iti pannakataginayon iti daytoy a nabati a kawes ti anakko, iti kasta ti pannakataginayonto ti maysa a ^bnatda iti kaputotan ti anakko babaen iti ima ti Dios, ket maawat iti bagina, idinto a matayto dagiti natda kadagiti kaputotan ni Jose, uray pay a kas iti natda iti kawesna.

25 Ita kitaen, daytoy ti mangted iti ladingit iti kararuak; nupay kasta, adda ragsak ti kararuak iti anakko, gapu iti dayta a paset ti kaputotanna nga awatento ti Dios.

26 Ita kitaen, daytoy ti pagsasao ni Jacob.

27 Ket ita siasino ti makaammo no saan a dagiti natda iti kaputotan ni Jose, a mapapatayto a kas iti kawesna, dagidiay kadi simmiasi kadatayo? Wen, ket ta datayonto no saantayo nga agtalinaed a sititibker iti pammati ni Cristo.

28 Ket ita napasamak a napan ni Moroni idi naibagana dagitoy a balikas, ket nangipatulod pay kadagiti mensahe kadagiti amin a paset ti daga nga addaan kadagiti panagsusuppiat, ket inummongna amin dagiti tattao a nagtarigagay a mangtaginayon iti libertad, tapno sarangten ni Amalickiah ken dagiti simmuppiat, a naawagan a dagiti Amalickiahite.

29 Ket napasamak nga idi nakita ni Amalickiah nga ad-adu ti bilang dagiti tattao ni Moroni ngem dagiti Amalickiahite—ket nakitana pay nga agduadua dagiti taona maipanggep iti kinahustisia ti panggep nga inaramidda—ngarud, gapu iti panagbutengna a saanna a magun-od ti gandatna, innalana dagidiay taona a mayat ket pimmanawda iti daga ni Nephi.

30 Ita impagarup ni Moroni a saan a nasayaat a maaddaan dagiti Lamanita iti ad-adu pay a pigsa; ngarud napanunotna a lapdan dagiti tattao ni Amalickiah, wenno alaenna ida ket isublina ida, ket patayenna ni Amalickiah; wen, gapu ta ammona a sugsoganna dagiti Lamanita nga agpungtot kadakuada, ken imbilinna a mapanda a makigubat kadakuada; ket ammona a daytoy ti aramiden ni Amalickiah tapno magun-odna dagiti panggepna.

31 Ngarud impagarup ni Moroni a nasayaat nga alaenna dagiti soldadona, a nagtitipon, ken inarmasanda ti bagbagida, ken nagaramidda iti katulagan a mangtaginayon iti kappia—ket napasamak nga innalana ti soldadona ket nagmartsada nga intugotda dagiti toldana iti let-ang, tapno lapdan ti dalan ni Amalickiah iti let-ang.

32 Ket napasamak nga inaramidna ti mayannurot kadagiti tarigagayna, ket nagmartsa a napan iti let-ang, ken kinamakamna dagiti soldado ni Amalickiah.

33 Ket napasamak a naglibas ni Amalickiah a kaduana ti bassit a bilang dagiti taona, ket naiyawat dagiti nabati kadagiti ima ni Moroni ken naisubli iti daga a Zarahemla.

34 Ita, gapu ta maysa a lalaki ni Moroni a ^adinutokan dagiti hepe nga ukom ken ti timek dagiti tattao, ngarud addaan isuna iti bileg a sigun iti pagayatanna kadagiti soldado dagiti Nephita, a mangipasdek ken mangipakat iti turay kadakuada.

35 Ket napasamak a siasinoman kadagiti Amalickiahite a saan nga agaramid iti katulagan a mangsuporta iti panggep ti wayawaya, tapno mataginayonda ti nawaya a gobierno, pinapapatayna; ket manmano laeng dagiti nangilibak iti katulagan ti wayawaya.

36 Ket napasamak met, nga imbilinna a maipangato ti wagayway ti libertad iti tunggal torre nga adda iti amin a daga, a kukua dagiti Nephita; ket iti kasta sititibker nga insaad ni Moroni ti wagayway ti libertad kadagiti Nephita.

37 Ket nangrugida manen a maaddaan iti kappia iti daga; ket iti kasta tinaginayonda ti kappia iti daga agingga iti dandani panagpatingga ti maikasangapulo ket siam a tawen ti panagturay dagiti ukom.

38 Ket tinaginayon met ni Helaman ken ^adagiti nangato a papadi ti panagtutunos iti simbaan; wen, uray iti uneg ti uppat a tawen naaddaanda iti adu a kapia ken ragsak iti simbaan.

39 Ket napasamak nga adu dagiti natay, a sititibker a ^anamatpati a nasubbot dagiti kararuada babaen ken ni Apo Jesucristo; ngarud pimmadawda iti lubong a siraragsak.

40 Ket adda sumagmamano a natay gapu iti gurigor, nga iti sumagmamano a panawen ti tawen masansan unay iti daga—ngem saan unay a kasta kadagiti gurigor, gapu kadagiti nagsayaat a kualidad dagiti adu a ^amula ken ramut nga insagana ti Dios a mangikkat iti pakaigapuan dagiti saksakit, a naipaulog kadagiti tattao babaen iti kasasaad ti klima—

41 Ngem adu dagiti natay gapu iti kinalakay; ket ^anaragsak dagiti natay iti pammati ken ni Cristo, kas masapul nga ipagaruptayo.