1 Kounyeya, se te konsa, Alma te kòmanse ^apreche pèp la pawòl ^bBondye a, dabò nan peyi Zarayemla a, e la, jouk nan tout peyi a.

2 Epi men pawòl li te di pèp legliz la ki te tabli nan vil Zarayemla a, daprè istwa pa li, te di konsa:

3 Mwen menm Alma, papa m Alma te ^akonsakre m, pou m kapab yon ^bgran prèt sou tèt legliz Bondye a, paske li te resevwa pouvwa ak ^cotorite nan men Bondye pou l te fè bagay sa yo, gade, m ap di nou konsa li te kòmanse tabli yon legliz nan ^dpeyi ki te nan fwontyè Nefi a; wi peyi ki te rele peyi Mòmon an; epi li te batize frè l yo nan dlo Mòmon an.

4 Epi gade, m ap di nou konsa, yo te ^adelivre anba men pèp wa Noye a, avèk mizèrikòd e avèk pouvwa Bondye.

5 Epi gade, apre sa, yo te tonbe nan ^aesklavaj anba men Lamanit yo nan dezè a; wi, m ap di nou, yo te nan kaptivite, e Senyè a te delivre yo anba ^besklavaj avèk pouvwa pawòl li; e nou te vin nan peyi sa a, epi se la nou te kòmanse tabli legliz Bondye a nan tout peyi sa a tou.

6 Epi kounyeya gade, m ap di nou, frè m yo, noumenm ki manm nan legliz sa a, èske nou sonje kaptivite zansèt nou yo? Wi, e èske nou sonje mizèrikòd ak lanmou san limit li te genyen pou yo a te ase pou nou? Epi mete sou sa, èske nou sonje ase ke li te delivre nanm yo anba lanfè?

7 Gade, li te chanje kè yo; wi, li te reveye yo anba yon gwo somèy, e yo te reveye nan Bondye. Gade yo te nan mitan fènwa; e nanm yo te klere avèk limyè pawòl etènèl la; wi yo te antoure avèk ^akòd lanmò, e avèk ^bchenn lanfè e yon destriksyon etènèl te pare pou yo.

8 Epi kounyeya, m ap mande nou, frè m yo, èske yo te detwi? Gade, m di nou non, yo pa t detwi.

9 Epi ankò m ap mande, èske kòd lanmò yo te kase, e èske chenn lanfè ki te antoure yo a, èske chenn sa yo te demare? M ap di nou, wi, yo te demare, e nanm yo te grandi, e yo te chante lanmou redanmtè. Epi m di nou yo sove.

10 Epi kounyeya, m ap mande nou nan ki kondisyon yo ^asove? Wi, ki rezon yo te genyen pou yo espere jwenn sali? Ki kòz ki te fè yo chape anba kòd lanmò yo, wi ak chenn lanfè yo tou?

11 Gade, m kapab di nou—èske papa m Alma pa t kwè nan pawòl bouch ^aAbinadi te di yo? Epi èske li pa t yon pwofèt ki te sen? Èske li pa t pale pawòl Bondye a, e èske papa m Alma pa t kwè yo?

12 Epi daprè lafwa li, te genyen yon gwo ^achanjman te fèt nan kè l. Gade, m ap di nou konsa, tout bagay sa yo, se verite.

13 Epi gade li te ^apreche zansèt nou yo pawòl la, yon gwo chanjman te fèt nan kè yo tou, yo te gen imilite, e yo te mete ^bkonfyans yo nan vrè Bondye ki ^cvivan an. Epi gade, yo te fidèl jiska ^dlafen; se poutèt sa yo te sove.

14 Epi kounyeya, gade, m ap mande nou, frè m yo ki nan legliz la, èske nou ^afèt espirityèlman nan Bondye? Èske nou gen imaj li nan figi nou? Èske nou te santi gwo ^bchanjman sa a nan kè nou?

15 Èske nou egzèse lafwa nan redanmsyon moun ki te ^akreye nou an? Èske n ap kontanple avèk yon je lafwa, pou nou wè kò mòtèl sa a leve nan imòtalite, e pou koripsyon sa a ^bleve nan enkoripsyon, pou l kanpe devan Bondye pou l ^cjije daprè zèv ki te fèt nan kò mòtèl la?

16 M di nou, èske nou kapab imajine pou tèt pa nou, ki tande vwa Senyè a di nou, nan jou sa a: vin jwenn mwen, nou menm ki ^abeni, paske zèv nou yo se te zèv lajistis sou sifas tè a?

17 Oubyen, èske nou imajine tèt nou, tankou nou kapab bay Senyè a manti nan jou sa a, pou nou ^adi—Senyè a, zèv nou se te zèv lajistis sou sifas tè a—e pou l sove nou?

18 Oubyen, èske nou kapab imajine tèt nou prezante devan tribinal Bondye a avèk nanm nou plen peche ak remò, avèk konesans tout peche nou, wi yon ^akonesans total pou tout mechanste nou, wi, pou nou konnen nou te mete kòmandman Bondye yo an defi?

19 M ap di nou, èske nou kapab leve tèt pou gade Bondye jou sa a avèk yon kè ki pi e avèk men ki pwòp? M ap di nou, èske nou kapab leve tèt pou gade, avèk ^aimaj Bondye grave nan figi nou?

20 M ap di nou, èske nou kapab panse nou sove pandan nou livre tèt nou tankou ^aesklav pou nou sikonbe anba dyab la?

21 M ap di nou, jou sa a, n ap konnen nou pa kapab ^asove; paske okenn moun pa kapab sove san ^brad li pa lave blanch; wi, rad li dwe ^cpirifye jistan tout tach sòti ladan l, nan san moun zansèt ke nou yo te pale a, ki gen pou l vin rachte pèp li a anba peche yo.

22 Epi kounyeya, m mande nou, frè m yo, kòman nenpòt nan nou ta santi l si nou kanpe devan tribinal Bondye a, avèk rad nou tache avèk ^asan e avèk tout kalite ^bsalte? Gade, ki kalite temwayaj bagay sa yo ap bay kont nou?

23 Gade èske yo p ap ^atemwaye nou se asasen, wi, epi tou nou koupab nan tout kalite mechanste?

24 Gade, frè m yo, èske nou sipoze yon moun konsa kapab gen plas pou l chita nan wayòm Bondye a avèk ^aAbraram, ak Izarak, ak Jakòb, epi avèk tout pwofèt ki sen yo, ki gen rad yo lave, san tach, pwòp, epi blanch?

25 M ap di nou, Non; eksepte si nou ta fè Kreyatè nou an tounen yon mantè depi nan kòmansman, nou pa kapab sipoze yon moun konsa kapab gen plas nan wayòm syèl la; okontrè yo pral chase moun sa yo paske yo se ^apitit wayòm dyab la.

26 Epi, gade kounyeya m ap di nou, frè m yo, si nou te santi yon ^achanjman nan kè nou, e si nou te anvi ^bchante nan lanmou redanmtè a, m vle mande, èske nou ^ckapab santi sa kounyeya?

27 Èske nou te mache, avèk tèt nou san ^arepròch devan Bondye? Si nou te gen pou nou mouri kounyeya, èske nou ta kapab di, pou tèt pa nou, nou te gen ase ^bimilite? Èske nou ta kapab di rad nou te lave epi te vin blanch nan san Kris la, ki gen pou l vin ^crachte pèp li a anba peche yo?

28 Gade, èske nou debarase avèk ^alògèy? M ap di nou, si non, nou pa prepare pou nou rankontre Bondye. Gade nou dwe prepare nou prese prese; paske wayòm syèl la ap pwoche nan yon ti kras tan, e moun konsa pa p gen lavi etènèl.

29 Gade, m ap di, èske gen youn nan pami nou ki pa make avèk ^aanvi? M ap di nou, yon moun konsa pa prepare; e m ta vle pou l prepare l vit, paske lè a ap pwoche, e li pa konnen ki lè tan an ap rive; paske yon moun konsa pa san peche.

30 Epi ankò, m ap di nou, èske gen yon moun nan pami nou ki pa ^amoke frè l, oubyen ki pa lage pèsekisyon sou tèt frè li?

31 Malè pou moun konsa, paske li pa prepare, e lè a ap pwoche pou l repanti, san sa li pa p kapab sove!

32 Wi, malè pou tout moun k ap ^akomèt inikite; repanti, repanti, paske Senyè Bondye a di sa!

33 Gade, li voye yon envitasyon bay ^atout moun, paske ^bponyèt mizèrikòd li lonje pou yo, epi li di: Si nou repanti m ap resevwa nou.

34 Wi, li di: ^avin jwenn mwen e n ap manje nan ^bfwi pyebwa ki bay lavi a; wi, n ap manje e n ap bwè nan ^cpen ak dlo ki bay lavi a ^dgratis;

35 Wi, vin jwenn mwen e pwodui zèv lajistis, e yo p ap voye nou jete nan dife—

36 Paske gade, tan an ap pwoche pou nenpòt moun ki pa ^apote bon fwi, oubyen nenpòt moun ki pa fè zèv lajistis, moun sa a gen rezon pou l rele epi pou l jemi.

37 O, nou menm k ap komèt inikite; nou menm ki anfle avèk bagay ^asan valè mond lan, nou menm ki te deklare nou konnen chemen lajistis, men okontrè ki te vin ^begare, tankou ^cmouton ki san bèje, malgre yon bèje te ^drele nou e kontinye ap rele nou, men nou pa vle ^ekoute vwa l!

38 Gade, m ap di nou, bon ^abèje a ap rele nou; wi, e l ap rele nou nan non pa l, ki se non Kris la; e si nou pa vle ^bkoute vwa ^cbon bèje a, k ap rele nou nan ^dnon li a, gade, nou pa mouton bon bèje a.

39 Epi, si nou pa mouton bon bèje a, nan ki ^atwoupo nou ye? Gade, m ap di nou, ^bdyab la se bèje nou e nou fè pati twoupo l la; kounyeya, kiyès ki kapab nye sa? Gade, m ap di nou, nenpòt moun ki nye sa li se yon ^cmantè e li se ^dpitit dyab la.

40 Paske m ap di nou tout bagay ki ^abon sòti nan Bondye, e tout bagay ki move sòti nan dyab la.

41 Se poutèt sa, si yon nonm fè ^abon zèv li koute vwa bon bèje a, e li suiv li; men nenpòt moun ki fè move zèv, moun sa a vin tounen ^bpitit dyab la, paske li koute vwa l epi li suiv li.

42 Epi nenpòt moun ki fè sa dwe resevwa ^arekonpans li nan men l; se poutèt sa, kòm ^brekonpans, li resevwa ^clanmò, daprè bagay ki konsène lajistis, paske li mouri kanta sa ki gen pou wè ak tout bon zèv.

43 Epi kounyeya, frè m yo, m ta vle nou koute m paske m ap pale avèk enèji nanm mwen; paske, gade, m te pale avèk nou byen klè pou nou kapab pa fè erè, oubyen m te pale daprè kòmandman Bondye yo.

44 Paske m resevwa apèl pou m pale konsa, daprè ^alòd sen Bondye a, ki nan Kris la, Jezi; wi, m resevwa kòmandman pou m kanpe e pou m temwaye devan pèp la konsènan bagay zansèt nou yo te pale sou bagay ki dwe rive yo.

45 Epi se pa tout epi èske nou pa sipoze m ^akonnen bagay sa yo pou tèt pa m? Gade, m rann nou temwayaj mwen, m konnen bagay m te pale yo se verite. Epi kòman nou sipoze m konnen yo se verite?

46 Gade, m ap di nou se Lespri Sen Bondye a ki te fè m ^akonnen yo. Gade, m te ^bjene epi m te priye pou anpil jou, pou m te kapab konnen pou tèt pa m. Epi kounyeya, m konnen pou tèt pa m bagay sa yo se verite; paske Senyè Bondye ta manifeste yo ban mwen pa mwayen Lespri Sen li a; e se lespri ^crevelasyon sa a ki nan mwen.

47 Epi, plis ankò, m ap di nou, se konsa m te aprann pawòl zansèt nou yo te pale yo se verite, daprè lespri pwofesi a ki nan mwen menm nan, ki se manifestasyon Lespri Bondye a tou.

48 M ap di nou, m konnen pou tèt pa m, nenpòt bagay m pral di nou, konsènan sa ki gen pou fèt, se verite; epi tou, m ap di nou, m konnen Jezikri pral l vini, wi, Pitit Gason an, Sèl Pitit Literal Papa a, ki plen lagras, ak mizèrikòd, ak verite a. Epi gade se li menm k ap vin wete peche mond lan, wi, peche chak moun ki kwè nan non l avèk fèmte.

49 Epi kounyeya, m ap di nou se apèl sa a m te ^aresevwa, wi, pou m preche frè byenneme m yo, wi, e chak moun ki rete sou tè a, wi, pou m preche tout moun, granmoun kou ti moun, esklav kou lib; wi m ap di nou, vye granmoun kou moun andezaj, ak jenerasyon k ap leve a; wi, pou m di tout moun konsa yo dwe repanti e pou yo ^bnedenouvo.

50 Wi, men sa Lespri a di: Repanti, nou menm tout kwen tè a, paske wayòm syèl la ap pwoche; wi Pitit Gason Bondye a pral vini nan ^alaglwa li nan pisans li, majeste l, pouvwa l, ak dominasyon l. Wi, frè byenneme m yo, m di nou Lespri a te di: Men laglwa ^bWa tout tè a; epi tou Wa syèl la pral briye pwochènman nan pami tout pitit lèzòm.

51 Epi tou Lespri a te di m wi, li pale m avèk yon vwa fò, pou li di: ale e di pèp sa a konsa—Repanti, paske si nou pa repanti pa gen okenn jan n ap kapab eritye wayòm ^asyèl la.

52 Epi m ap di nou ankò, Lespri a di m: gade ^arach la poze sou rasin pyebwa a; se poutèt sa chak pyebwa ki pa bay bon fwi, yo pral ^bkoupe l jete nan dife, wi yon dife ki pa kapab fin boule, yon dife ki menm pa kapab etenn. Gade, e sonje, moun Sen an te di sa.

53 Epi kounyeya, frè byenneme m yo, m di nou, èske nou kapab kontrekare pawòl sa yo? Èske nou kapab voye bagay sa yo sou kote, pou nou ^apilonnen Sen an anba pye nou? Wi, èske nou kapab gonfle kò nou avèk ^blògèy kè nou? Wi, èske n ap pèsiste nan met rad ^cchè e mete lide nou sou bagay san valè mond lan, sou ^dlarichès nou yo?

54 Wi, èske n ap pèsiste nan sipoze ke youn pi bon pase lòt; wi, èske n ap pèsiste nan pèsekisyon, frè nou yo, ki imilye tèt yo e ki mache daprè lòd sen Bondye a, ki te mennen yo nan legliz sa a, Lespri Sen an te fin ^asanktifye yo, e ki fè zèv repantans—

55 Wi, epi èske n ap pèsiste nan vire do bay ^apòv yo, ak moun ki nan bezwen yo, e sere byen nou yo pou yo pa jwenn ladan yo?

56 Epi, pou m fini, nou tout ki vle pèsiste nan mechanste nou, m ap di nou, se moun sa yo y ap koupe jete nan dife si yo pa repanti prese prese.

57 Epi, kounyeya, m ap di nou, nou tout ki vle suiv vwa ^abon bèje a, sòti nan pami mechan yo, e ^bekate kò nou, e pa touche bagay sal yo a; e gade non yo pral ^cefase, pou non mechan yo kapab pa konte nan pami non moun ki jis yo, pou pawòl Bondye a kapab akonpli, pawòl ki te di: non mechan yo p ap melanje avèk non pèp mwen an;

58 Paske non moun ki jis yo pral ekri nan ^aliv lavi a, e m pral ba yo yon eritaj bò kote dwat mwen. E kounyeya, frè m yo, kisa nou gen pou nou di kont bagay sa a? M ap di nou, si nou pale kont sa, sa pa fè anyen paske pawòl Bondye a dwe akonpli.

59 Paske ki bèje nan pami nou ki gen anpil brebi e ki pa veye yo, pou lou pa antre vin devore yo? Epi gade si yon lou antre nan pami twoupo li a èske li p ap mete l deyò? Wi, e apre sa, si l kapab, l ap touye l.

60 Epi kounyeya, m ap di nou bon bèje a ap rele nou; e si nou koute vwa l l ap mennen nou nan twoupo li a e nou se brebi l; epi li kòmande nou pou nou pa kite okenn lou devoran nan pami nou, pou nou pa detwi.

61 Epi kounyeya, mwen menm Alma, m kòmande nou nan langaj ^amoun ki te kòmande m nan, pou nou obeyi pawòl m te pale nou yo.

62 M ap bay yon kòmandman pou nou menm ki manm legliz la; Epi pou moun ki pa manm legliz la, m voye yon envitasyon, lè m di: vini epi resevwa batèm pou repantans la, pou nou kapab manje fwi ^apyebwa lavi a tou.