Mga Kasulatan
Alma 53


Kapitulo 53

Ang mga binilanggo nga Lamanita gigamit sa pagpalig-on sa siyudad sa Mabungahon—Mga panagsumpaki sa mga Nephita nakahatag og dugang nga kadaogan sa mga Lamanita—Si Helaman nagmando sa duha ka libo nga batan-ong anak nga mga lalaki sa katawhan ni Ammon. Mga 64–63 B.C.

1 Ug nahitabo nga mibutang sila og mga magbalantay sa mga binilanggo nga mga Lamanita, ug mipugos kanila sa paglakaw ug paglubong sa ilang mga patay, oo, ug usab sa mga napatay nga mga Nephita; ug si Moroni mibutang og mga tawo nga mobantay kanila samtang naghimo sila sa ilang mga buluhaton.

2 Ug miadto si Moroni sa siyudad sa Mulek uban ni Lehi, ug nagmando sa siyudad ug mitugyan niini ngadto ni Lehi. Karon tan-awa, kini nga Lehi usa ka tawo nga kauban ni Moroni sa daghang bahin sa tanan niyang mga pakiggubat; ug siya usa ka tawo nga asama ni Moroni, ug nagmaya sila sa kaseguroan sa usag usa; oo, gihigugma nila ang usag usa, ug gihigugma usab sa tanang katawhan ni Nephi.

3 Ug nahitabo nga human malubong sa mga Lamanita ang ilang mga patay ug usab ang mga patay sa mga Nephita gipamartsa sila balik ngadto sa yuta sa Mabungahon; ug si Teancum, pinaagi sa mga mando ni Moroni, misugo nga kinahanglan sugdan nila ang trabaho sa pagkalot og kanal libot sa yuta, o sa siyudad sa Mabungahon.

4 Ug misugo siya nga sila kinahanglan motukod og usa ka akoral nga mga troso sa sulod nga dapit sa kanal; ug sila milabay og yuta gikan sa kanal simpig sa koral nga mga troso; ug sa ingon niana misugo sila sa mga Lamanita sa pagtrabaho hangtod nga ilang nalibotan ang siyudad sa Mabungahon og lig-on nga paril sa mga troso ug mga yuta, nga taas kaayo.

5 Ug kini nga siyudad nahimong lig-on kaayo nga kuta human niini; ug dinhi niini nga siyudad gibantayan nila ang mga Lamanita nga binilanggo; oo, bisan sulod sa paril nga ilang gipatukod gamit ang ilang kaugalingong mga kamot. Karon si Moroni napugos sa pagpatrabaho sa mga Lamanita, tungod kay sayon ra ang pagbantay kanila samtang nagtrabaho sila; ug nagtinguha siya sa iyang tanang kasundalohan nga maandam kon siya mosulong sa mga Lamanita.

6 Ug nahitabo nga naangkon ni Moroni ang kadaogan sa usa sa labing gamhanan nga kasundalohan sa mga Lamanita, ug naangkon ang siyudad sa Mulek, nga mao ang usa sa labing lig-on nga kuta sa mga Lamanita sa yuta sa Nephi; ug sa ingon niana nagtukod usab siya og kuta aron magpabilin ang iyang mga binilanggo.

7 Ug nahitabo nga wala na siya mosulay sa pagpakiggubat sa mga Lamanita nianang tuiga, apan gipatrabaho niya ang iyang mga tawo sa pagpangandam alang sa gubat, oo, ug sa pagbuhat og mga kuta aron sa pagbantay batok sa mga Lamanita, oo, ug usab sa pagluwas sa ilang mga babaye ug sa ilang mga anak gikan sa gutom ug kasakit, ug paghatag og pagkaon sa ilang kasundalohan.

8 Ug karon nahitabo nga ang kasundalohan sa mga Lamanita, sa kasadpan nga dagat, sa habagatan, samtang wala si Moroni tungod sa pipila ka panagkunsabo sa mga Nephita nga maoy hinungdan sa ilang panagsumpaki, nakakuha og pipila ka yuta sa mga Nephita, oo, hangtod nga naangkon nila ang pipila sa ilang mga siyudad niana nga dapit sa yuta.

9 Ug sa ingon niana tungod sa pagkadaotan sa ilang mga kaugalingon, oo, tungod sa mga panagsumpaki ug panagkunsabo sa ilang mga kaugalingon nahimutang sila sa labing makuyaw nga mga sitwasyon.

10 Ug karon tan-awa, ako adunay isulti mahitungod sa akatawhan ni Ammon, kinsa, sa sinugdanan, mga Lamanita; apan tungod kang Ammon ug sa iyang kaigsuonan, o sa mas eksakto nga pagkasulti pinaagi sa gahom ug pulong sa Dios, sila bnakabig ngadto sa Ginoo; ug gidala sila ngadto sa yuta sa Zarahemla, ug sukad niana gipanalipdan sa mga Nephita.

11 Ug tungod sa ilang panumpa napugngan sila sa paggamit og mga hinagiban batok sa ilang kaigsuonan; kay nakapanumpa sila nga adili na gayod sila mopaagas pa og dugo; ug sumala sa ilang panumpa sila mamatay; oo, sila unta motugot sa ilang mga kaugalingon nga mahulog sa mga kamot sa ilang kaigsuonan, kon dili pa tungod sa kaluoy ug sa naghingapin nga gugma ni Ammon ug sa iyang kaigsuonan alang kanila.

12 Ug tungod niini nga hinungdan gidala sila ngadto sa yuta sa Zarahemla; ug sukad niana agipanalipdan sa mga Nephita.

13 Apan nahitabo nga sa dihang nakakita sila sa kakuyaw, ug sa daghang kasakit ug kalisdanan nga naangkon sa mga Nephita alang kanila, naluoy sila ug anagtinguha sa paggamit og mga hinagiban sa pagpanalipod sa ilang nasod.

14 Apan tan-awa, sa dihang mogamit na unta sila sa ilang mga hinagiban sa gubat, gidaog sila sa mga pag-awhag ni Helaman ug sa iyang kaigsuonan, kay amalapas na unta nila ang bpanumpa nga ilang gihimo.

15 Ug nahadlok si Helaman nga basin unya nga sa pagbuhat niini malaglag ang ilang mga kalag; busa kadtong tanan nga misulod niini nga pakigsaad napugos nga magtan-aw sa ilang kaigsuonan nga nag-antos sa ilang mga kasakit, sa ilang makuyaw nga mga sitwasyon niini nga panahon.

16 Apan tan-awa, nahitabo nga sila adunay daghang anak nga lalaki, nga wala mosulod sa usa ka pakigsaad nga dili sila mogamit sa ilang mga hinagiban sa gubat sa pagpanalipod sa ilang mga kaugalingon batok sa ilang mga kaaway; busa nagpundok sila sa ilang mga kaugalingon niini nga higayon, kutob sa makahimo sa paggamit sa mga hinagiban, ug gitawag nila ang ilang mga kaugalingon nga mga Nephita.

17 Ug misulod sila sa usa ka pakigsaad sa pagpakig-away alang sa kalingkawasan sa mga Nephita, oo, sa pagpanalipod sa yuta hangtod sa pagtugyan sa ilang kinabuhi; oo, gani mihimo sila og pakigsaad nga sila dili motugyan sa ilang akalingkawasan, apan makig-away sila sa tanang higayon aron sa pagpanalipod sa mga Nephita ug sa ilang mga kaugalingon gikan sa pagkaulipon.

18 Karon tan-awa, dihay duha ka libo niadto nga mga batan-ong lalaki, nga misulod niini nga pakigsaad ug midala sa ilang mga hinagiban sa gubat aron sa pagpanalipod sa ilang nasod.

19 Ug karon tan-awa, tungod nga sila sukad kaniadto wala pa makahatag og kadaot sa mga Nephita, nahimo usab sila niining panahona nga usa ka dakong suporta; kay migamit sila sa ilang mga hinagiban sa gubat, ug gusto sila nga si Helaman mao ang ilang pangulo.

20 Ug silang tanan mga batan-ong lalaki, ug hilabihan ang ilang akaisog, ug usab sa pagkakusgan ug pagkaabtik; apan tan-awa, kini dili mao ang tanan—sila mga tawo nga bmatinud-anon sa tanang panahon sa bisan unsang butang nga gisalig kanila.

21 Oo, mga tawo sila sa kamatuoran ug kaligdong, kay sila gitudloan sa pagtuman sa mga sugo sa Dios ug sa apagpakabuhi nga matarong sa iyang atubangan.

22 Ug karon nahitabo nga si Helaman mimartsa isip pangulo sa iyang aduha ka libo nga batan-ong kasundalohan, sa pagtabang sa katawhan diha sa mga utlanan sa yuta sa habagatan sa may kasadpan nga dagat.

23 Ug sa ingon niana natapos ang ikakawhaan ug walo nga tuig sa pagmando sa mga maghuhukom sa katawhan ni Nephi.