1 Ug karon nahitabo nga dihang nahuman si Alma sa iyang pakigpulong ngadto sa katawhan sa simbahan, nga natukod sa siyudad sa Zarahemla, ^anag-ordina siya og mga pari ug mga ^banciano, pinaagi sa pagpandong sa iyang mga ^ckamot sumala sa kapunongan sa Dios, aron modumala ug ^dmobantay sa simbahan.

2 Ug nahitabo nga si bisan kinsa nga dili sakop sa simbahan kinsa naghinulsol sa ilang mga sala ^agibunyagan ngadto sa paghinulsol, ug gidawat sa simbahan.

3 Ug nahitabo usab nga si bisan kinsa nga sakop sa simbahan nga wala ^amaghinulsol sa ilang pagkadaotan ug magpaubos sa ilang kaugalingon sa atubangan sa Dios—buot nakong ipasabot kadtong kinsa gibayaw sa ^bgarbo sa ilang mga kasingkasing—ang mao gisalikway, ug ang ilang mga ngalan ^cgipapas, aron ang ilang mga ngalan dili maihap apil sa mga matarong.

4 Ug sa ingon niana misugod sila sa pagtukod sa kapunongan sa simbahan sa siyudad sa Zarahemla.

5 Karon manghinaot ko nga makasabot kamo nga ang pulong sa Dios makiangayon ngadto sa tanan, nga walay gihikawan sa kahigayonan sa pagpundok sa ilang mga kaugalingon sa pagpamati sa pulong sa Dios.

6 Bisan pa niana ang mga anak sa Dios gisugo nga sila magpundok sa ilang mga kaugalingon sa kanunay, ug makighiusa sa ^apagpuasa ug sa hugot nga pag-ampo alang sa kaayohan sa mga kalag niadtong wala makaila sa Dios.

7 Ug karon nahitabo nga dihang nahimo na ni Alma kini nga mga pamalaod mibiya siya gikan kanila, oo, gikan sa simbahan nga anaa sa siyudad sa Zarahemla, ug mitabok sa silangan sa suba sa Sidon, ngadto sa ^awalog sa Gideon, kay didto adunay siyudad nga gitukod, nga gitawag og siyudad sa Gideon, nga anaa sa walog nga gitawag og Gideon, nga gitawag sunod sa tawo kinsa ^bgipatay pinaagi sa kamot ni Nehor gamit ang espada.

8 Ug si Alma miadto ug misugod sa pagsangyaw sa pulong sa Dios ngadto sa simbahan nga gitukod sa walog sa Gideon, sumala sa pagpadayag sa kamatuoran sa pulong nga gipamulong sa iyang mga amahan, ug sumala sa espiritu sa pagpanagna nga anaa kaniya, sumala sa ^apagpamatuod ni Jesukristo, ang Anak sa Dios, kinsa moanhi aron sa pagtubos sa iyang katawhan gikan sa ilang mga sala, ug sa balaan nga kapunongan diin siya gitawag. Ug sa ingon kini nahisulat. Amen.