1 Epi, kounyeya, se te konsa, lè Alma te fin pale avèk pèp legliz la ki te tabli nan vil Zarayemla a, li te ^aòdone prèt ak ^bansyen yo, li te poze ^cmen sou tèt yo daprè lòd Bondye, pou yo prezide ak, ^dvoye je sou legliz la.

2 Epi, se te konsa, tout moun ki pa t manm legliz la, ki te repanti nan peche yo, yo te resevwa ^abatèm pou repantans, e yo te aksepte yo nan legliz la.

3 Epi tou, se te konsa, tout moun ki te manm legliz la, ki pa t ^arepanti nan mechanste, e ki pa t gen imilite devan Bondye—M vle di, moun ki te gonfle kè yo avèk ^blògèy yo, yo te rejte yo, e non yo te ^cefase pou non yo pa t konte nan pami moun ki jis yo.

4 Se konsa, yo te kòmanse tabli lòd legliz la nan vil Zarayemla a.

5 Kounyeya m ta vle nou konprann, tout moun te gen dwa resevwa pawòl Bondye a, pa t gen moun ki te pèdi privilèj pou yo rasanble ansanm pou yo tande pawòl Bondye a.

6 Men, pitit Bondye yo te gen kòmandman pou yo reyini ansanm souvan, pou yo fè ^ajèn avèk anpil priyè pou byen moun ki pa t konnen Bondye yo.

7 Epi kounyeya, se te konsa, lè Alma te fin pase lòd sa yo, li te wete kò l nan pami yo; wi, li te kite legliz ki nan vil Zarayemla a, e li t ale nan kote lès rivyè Sidon an, nan ^avale Jedeon an, se la yo te bati yon vil ki te rele vil Jedeon, ki te nan vale yo te rele vale Jedeon an, yo te ba l pote non sa a akoz nonm Neyò te ^btouye avèk epe a.

8 Epi Alma t ale, e li te kòmanse deklare bay legliz ki te tabli nan vale Jedeon an pawòl Bondye a, daprè revelasyon verite ki nan pawòl zansèt li yo te pale a, e daprè lespri pwofesi ki te nan li, daprè ^atemwayaj Jezikri, Pitit Gason Bondye a ki gen pou l vini pou l rachte pèp li a anba peche yo, e daprè lòd sen ki te ba li apèl la, se konsa sa te ekri. Amèn.