Dagiti Nasantuan a Kasuratan
Alma 6


Kapitulo 6

Madalusan ken maurnos ti Simbaan iti Zarahemla—Mapan ni Alma iti Gideon tapno mangasaba. Agarup 83 B.C.

1 Ket ita napasamak a kalpasan ti panangigibus ni Alma iti panagsaona kadagiti tattao ti simbaan, a nabangon iti siudad ti Zarahemla, ainordenanna dagiti saserdote ken dagiti belder, babaen ti panangipatayna kadagiti cimana a mayannurot iti orden ti Dios, a mangidaulo ken dmangbantay iti simbaan.

2 Ket napasamak nga asino man a saan a kameng ti simbaan a nagbabawi kadagiti basolda anabuniaganda iti panagbabawi, ken naawatda iti simbaan.

3 Ket napasamak met nga asino man a kameng ti simbaan a saan a anagbabawi iti kinadakesda ken saan a nangipakumbaba iti bagbagida iti Dios—kayatko a sawen dagiti natangid iti bkinapalangguad iti puspusoda—kasta met a nailaksidda, ken ti naganda ket cnapunas, tapno saan a naibilang ti naganda kadagiti nalinteg.

4 Ket kasta ti panangirugida a mangbangon iti urnos ti simbaan iti siudad ti Zarahemla.

5 Ita kayatko a nasken a maawatanyo a nawaya ti balikas ti Apo iti amin, nga awan ti mapaidaman iti gundaway a mangummong iti bagbagida a dumngeg iti balikas ti Dios.

6 Nupay kasta naibilin kadagiti annak ti Dios a nasken a masansan nga ummongenda ti bagbagida, ket makidanggayda iti apanagayuno ken napinget a panagkararag nga agpaay iti pagimbagan dagiti kararua dagiti saan makaammo iti Dios.

7 Ket ita napasamak a pinanawan ida ni Alma kalpasan ti panangaramidna kadagitoy nga annuroten, wen, manipud iti simbaan nga adda iti siudad ti Zarahemla, ket binallasiwda iti daya ti karayan Sidon, nagturongda iti atanap ti Gideon, ta sadiay nabangon ti siudad, a naawagan iti siudad ti Gideon, nga adda iti tanap a naawagan iti Gideon, a naipanagan iti tao a bnapapatay iti ima ni Nehor babaen ti espada.

8 Ket napan ni Alma ket rinugianna nga impakdaar ti balikas ti Dios iti simbaan a nabangon iti tanap ti Gideon, a mayannurot iti paltiing iti kinapudno ti balikas a naisaon dagiti ammada, ken mayannurot iti espiritu ti pammadto nga adda kenkuana, a mayannurot iti apammaneknek ni Jesucristo, ti Anak ti Dios, a nasken nga umay mangsubbot kadagiti taona manipud iti basbasolda, ken iti nasantuan nga orden a nakaawaganna. Ket kasta ti pannakaisuratna. Amen.