1 Ary ankehitriny ny zava-nitranga, rehefa avy namarana ny fitenenany tamin’ny vahoakan’ny fiangonana izay efa niorina tao an-tanànan’i Zarahemlà i Almà, dia ^ananokana mpisorona sy ^bloholona izy tamin’ny alalan’ny fametraha-^dtanana, araka ny lamin’ Andriamanitra, mba hitarika sy ^ehitandrina ny fiangonana.

2 Ary ny zava-nitranga dia na zovy na zovy no tsy isan’ny fiangonana, kanefa nibebaka tamin’ny fahotany, dia ^anatao batisa ho amin’ny fibebahana ary noraisina ho isan’ny fiangonana.

3 Ary ny zava-nitranga koa dia na zovy na zovy no isan’ny fiangonana, kanefa tsy ^anibebaka tamin’ny faharatsiany sy tsy nanetry ny tenany teo anoloan’ Andriamanitra—ny tiako holazaina dia ireo izay nanandra-tena tao amin’ny ^bavonavon’ny fony—ireo no nolavina, ary ^dnovonoina ny anarany, ka ny anarany dia tsy nisaina teo anivon’ny an’ny marina.

4 Ary dia toy izany no nanombohan’izy ireo nanorina ny lamin’ny fiangonana tao an-tanànan’i Zarahemlà.

5 Ankehitriny, dia mba tiako ny hahatakaranareo fa ny tenin’ Andriamanitra dia nisokatra ho an’ny rehetra, ka tsy nesorina na tamin’iza na tamin’iza ny zo hivory mba hihaino ny tenin’ Andriamanitra.

6 Na dia teo aza izany, ny zanak’ Andriamanitra dia nodidina mba hiara-mivory matetika sy hiombona amin’ny ^afifadian-kanina sy ny faherezana mivavaka ho fiadanan’ny fanahin’ireo izay tsy nahalala an’ Andriamanitra.

7 Ary ankehitriny ny zava-nitranga, rehefa avy nanao ireo rafi-pitondrana ireo i Almà, dia nilaozany izy ireo, eny, nilaozany ny fiangonana izay tao an-tanànan’i Zarahemlà, ary nandeha tany atsinanan’ny renirano Sidôna izy, nankany ^aan-dohasahan’i Gideôna izay nisy tanàna iray naorina, izay nantsoina hoe: ny tanànan’i Gideôna, izay tao an-dohasaha izay nantsoina hoe Gideôna, rehefa nantsoina araka ny anaran’ilay lehilahy izay ^bnovonoin’ny tànan’i Nehôra tamin-tsabatra.

8 Ary nandeha i Almà sy nanomboka nilaza ny tenin’ Andriamanitra tamin’ny fiangonana izay efa niorina tao an-dohasahan’i Gideôna, araka ny fanambarana ny fahamarinan’ny teny izay efa nolazain’ny razany sy araka ny fanahin’ny faminaniana izay tao aminy, araka ny ^afanambaran’i Jesoa Kristy, ny Zanak’ Andriamanitra, izay ho avy mba hanavotra ny olony amin’ny fahotany, ary ny lamina masina izay efa niantsoana azy. Ary dia toy izany no voasoratra. Amena.