O Le Tusi a Alema O Le Atalii o Alema

O upu a Alema ia na ia tuuina atu i le nuu o Kitiona, e tusa ai ma lana lava talafaamaumau.
Ua aofia ai i le mataupu 7.

Mataupu 7

O le a fanau mai Keriso ia Maria—O le a ia tatalaina fusi o le oti ma tauave agasala a ona tagata—O i latou o e salamo, ma papatisoina, ma tausi i poloaiga o le a maua e i latou le ola e faavavau—E le mafai e se mea eleelea ona mautofi i le malo o le Atua—E manaomia le lotomaualalo, faatuatua, faamoemoe, ma le alofa mama. E tusa o le 83 T.L.M.

 Faauta ou uso pele e, talu ai ona ua ou saofia mai ou te sau ia te outou, o lea ou te taumafai ai e atautala atu ia te outou i laʼu gagana; ioe, i loʼu lava gutu, talu ai ona o le taimi muamua lenei ua ou tautala atu ai ia te outou i upu a loʼu gutu, ona sa taofiofia atoatoa au i le enofoa-faamasino, ona o le tele o pisinisi sa lē mafai ai ona ou sau ia te outou.

 Ma sa oo lava semanu po ua lē mafai ona ou sau nei ia te outou i le taimi nei, pe a na lē atuuina atu le nofoa-faamasino i se tasi, e nofotupu e sui ia te au; ma ua tuuina mai e le Alii i lona alofa mutimutivale tele, ia ou sau ia te outou.

 Ma faauta, ua ou sau ma faamoemoega tetele ma le naunau tele o le a ou maua mai outou o outou faamaualalaloina outou lava i luma o le Atua, ma o loo outou aioi atu pea e lē aunoa mo lona alofa tunoa, ma o le a ou maua mai outou o outou lē ponā i ona luma, o le a ou maua mai outou tou te lē o i ai i le lugaluga leaga tele sa i ai i totonu o o tatou uso i Saraʼemila.

 Ae ia faamanuina lava le suafa o le Atua, ona ua ia tuuina mai ia te au ia ou iloa, ioe, tuuina mai ia te au le olioli tele naua, i le iloa ua toe faatutuina i latou i le ala o lana amiotonu.

 Ma ou te faamoemoe, e tusa ma le Agaga o le Atua ua ia te au, o le a ou maua foi le olioli ia te outou; e ui i lea ou te lē manao ia ou maua loʼu olioli i luga o outou e ala i puapuaga e tele ma le faanoanoa sa oo mai ia te au i le au uso i Saraʼemila, aua faauta, sa oo mai loʼu olioli i luga o i latou, ina ua mavae ona ou asa atu i le puapuaga tele ma le faanoanoa.

 Ae faauta, ou te faalagolago tou te lē o i ai i se tulaga o le lē talitonu tele e pei ona sa i ai o outou uso; ou te faalagolago e lē o faafefeteina outou i luga i le faamaualuluga o o outou loto; ioe, ou te faalagolago tou te lei tuu atu o outou loto i luga o oa ma mea lē aoga o le lalolagi; ioe, ou te faalagolago tou te lē o tapuai atu i atupua, ae o loo outou tapuai atu i le eAtua moni soifua, ma o outou tulimatai i luma ma le faatuatua tumau-faavavau, mo le faamagaloina o a outou agasala, lea o le a oo mai.

 Aua faauta, ou te fai atu ia te outou, e tele mea o le a oo mai; ma faauta, e i ai se mea e tasi ua sili atu ona taua nai lo ia mea uma—aua faauta, ua lē o toe amamao le taimi o le a soifua ma afio mai ai le Togiola i totonu o ona tagata.

 Faauta, ou te lē o fai atu o le a afio mai o ia i totonu o i tatou i le taimi o lona soifuaga i lona fale apitaga faaletino; aua faauta, sa lei fetalai mai le Agaga ia te au o le tulaga lena o le a i ai. O lenei e faatatau i lenei mea ou te lē iloa; ae o le tele lenei o le mea ua ou iloa, ua i ai i le Alii le Atua le mana na te faia ai mea uma e tusa ai ma lana afioga.

 Ae faauta, o le tele lenei o le mea na fetalai mai e le Agaga ia te au, ua fetalai mai: Alaga atu i lenei nuu, ia fai atu—Ia outou asalamo, ma teuteu le ala o le Alii, ma savavali i ona ala, ua sasaʼo; ona faauta, ua lata mai le malo o le lagi, ma ua eafio mai le Alo o le Atua i luga o le lalolagi.

 10 Ma faauta, o le a afanau mai o ia ia eMaria, i Ierusalema, le ilaueleele lea o o tatou tuaʼā, ona o ia o se otaupou, o se ipu pele ma filifilia, o lē o le a faamalumaluina ma uto i le mana o le Agaga Paia, ma fanau mai se atalii, ioe, o le Alo lava o le Atua.

 11 Ma o le a afio atu o ia, ma mafatia i tiga ma apuapuaga ma faaosoosoga o ituaiga eseese uma; ma o le a oo ia te ia nei mea, ina ia mafai ona faataunuuina o le upu ua fai mai, o le a ia ave i ona luga tiga ma maʼi o ona tagata.

 12 Ma o le a ia ave i ona luga le aoti, ina ia mafai ona ia tatalaina fusi o le oti ia ua noatia ai ona tagata; ma o le a ia ave i ona luga o latou vaivaiga, ina ia mafai ona faatumuina ona loto i le alofa mutimutivale, e tusa ai ma la le tino, ina ia mafai ona ia silafia e tusa ai ma la le tino, le ala e efesoasoani ai i ona tagata, e tusa ma o latou vaivaiga.

 13 O lenei ua asilafia e le Agaga mea uma; e ui i lea, e mafatia le Alo o le Atua e tusa ai ma la le tino, ina ia mafai ona ia eave i ona luga agasala a ona tagata, ina ia mafai ona ia soloi ese a latou solitulafono e tusa ai ma le mana o lana laveaiga; ma o lenei faauta, o le molimau lenei ua i ai ia te au.

 14 O lenei ou te fai atu ia te outou e ao ina outou salamo, ma atoe fanauina; ona o loo fetalai mai le Agaga afai e lē toe fanauina outou, e lē mafai ona outou mautofi i le malo o le lagi; o lea ia o mai ia ma papatiso i le salamo, ina ia mafai ona fufuluina outou mai ia outou agasala, ina ia mafai ona outou maua le faatuatua i le Tamai Mamoe a le Atua, o lē na te aveesea agasala a le lalolagi, o lē ua malosi e faaola ma faamama mai i amioletonu uma.

 15 Ioe, ou te fai atu ia te outou, ia o mai ia, ma aua le fefefe, ma tuu ese agasala taitasi uma, ia ua faigofie ona outou alavelavea ai, ia ua noatia ai outou i lalo i le faafanoga, ioe, o mai ia ma o atu, ma faaali atu i lo outou Atua ua outou loto e salamo ia outou agasala, ma ulu atu i se feagaiga faatasi ma ia e tausi i ana poloaiga, ma molimau atu lenei mea ia te ia i le asō i le tou o ifo ai i totonu o vai o le papatisoga.

 16 Ma o soo se tasi e faia lenei mea, ma tausi i poloaiga a le Atua mai le taimi lena seia oo i luma, o ia lava lea o le a ia manatua ua ou fai atu ia te ia, ioe, o le a manatua e ia na ou fai atu ia te ia, o le a maua e ia le ola e faavavau, e tusa ma le molimau a le Agaga Paia, lea ua molimau mai ia te au.

 17 Ma o lenei ou uso pele e, tou te talitonu ea i nei mea? Faauta, ou te fai atu ia te outou, ioe, ua ou iloa ua outou talitonu i ai; ma o le ala ua ou iloa ai ua outou talitonu i ai, o le faaaliga lea a le Agaga ua i totonu o au. Ma o lenei ona o le malosi o lo outou faatuatua e uiga i lena mea, ioe, e uiga i mea ua ou tautala atu ai, ua tele lava loʼu olioli.

 18 Ona e pei ona sa ou fai atu ia te outou mai le amataga, sa ou naunau tele lava ia outou lē i ai i le tulaga lugaluga e pei o o outou uso, ua faapea lava ona ou iloa ua faamalieina oʼu moomooga.

 19 Ona ua ou vaai atu ua outou i ai i totonu o le ala o le amiotonu; ua ou vaai atu ua outou i ai i totonu o le ala e tau atu i le malo o le Atua; ioe, ua ou vaai atu ua outou faasaʼosaʼoina ona aala.

 20 Ua ou vaai atu ua uma ona faailoa mai ia te outou, e ala i le molimau a lana afioga, e lē mafai ona asavali o ia i ala piʼopiʼo; pe alu ese o ia mai le mea na ia fetalai mai ai; pe o ia te ia se foliga o le liliu mai le itu taumatau i le itu tauagavale, pe mai le mea saʼo i le mea sese; o lea, o lona ala o se taamilosaga faavavau e tasi.

 21 Ma e lē afio o ia i ni amalumalu ua lē paia; pe mafai foi ona talia se mea eleelea po o se mea ua lē mama i le malo o le Atua; o lea ou te fai atu ai ia te outou, o le a oo mai le taimi, ioe, ma o le aso mulimuli lea o le a oo mai ai, o ia o lē ua eeleelea o le a tumau pea i lona eleelea.

 22 Ma o lenei ou uso pele e, ua ou fai atu nei mea ia te outou ina ia mafai ai ona ou fagua o outou i se lagona o lo outou tiute i le Atua, ina ia mafai ona outou savavali ma le lē ponā i ona luma, ina ia mafai ona outou savavali e tusa ai ma le faatulagaga paia a le Atua, lea ua talia i ai outou.

 23 Ma o lenei ou te manao ina ia outou alotomaualalalo, ma augofie ma agamalu; e faigofie ona faaoleoleina; tumu i le onosai ma le tali-tiga; ma faautauta i mea uma; ma filiga i le tausiga o poloaiga a le Atua i taimi uma; ma ole atu mo soo se mea tou te manaomia, faaleagaga ma faaletino; ma faafoi atu i taimi uma le faafetai i le Atua mo soo se mea o mea uma tou te maua.

 24 Ma vaai ia i ai ia te outou le afaatuatua, faamoemoe, ma le alofa mama, ona tumu ai lea o outou i galuega lelei i taimi uma.

 25 Ma talosia ia faamanuia mai le Alii ia te outou, ma tausi o outou ofu i le lē pisipisia, ina ia mafai ona aumai o outou i le taimi mulimuli e nonofo faatasi i lalo ma Aperaamo, Isaako, ma Iakopo, ma perofeta paia o e na i ai talu mai le amataga o le lalolagi, ma le a pisipisia o o outou ofu e pei lava o le lē pisipisia o o latou ofu, i totonu o le malo o le lagi e lē toe o ese atu i fafo.

 26 Ma o lenei ou uso pele e, ua ou tautala atu nei upu ia te outou e tusa ma le Agaga lea ua molimau mai i totonu o au; ma ua olioli tele lava loʼu agaga, ona o le filiga tele ma le gauai ua outou tuuina mai i au upu.

 27 Ma o lenei, talosia ia mau i o outou luga le afilemu a le Atua, ma luga o o outou fale ma laueleele, ma luga o a outou lafu ma fagaga, ma a outou mea uma ua maua, o outou fafine ma a outou fanau, e tusa ma o outou faatuatua ma a outou galuega lelei, mai le taimi nei e oo atu i luma ma le faavavau. Ma ua faapea ona ou tautala atu. Amene.