Ti Libro ni AlmaTI LALAKI NGA ANAK NI ALMA

Dagiti Kapitulo 

Ti pakaammo ni Alma, a lalaki nga anak ni Alma, ti umuna ken pangulo nga ukom dagiti tao ni Nephi, ken isu pay ti nangato a saserdote ti Simbaan. Ti pakaammuan iti panagturay dagiti ukom, ken dagiti gubat ken panagsusupanget dagiti tao. Kasta met a pakaammuan iti gubat iti nagbaetan dagiti Nephite ken dagiti Lamanite, babaen ti sinurat ni Alma, ti umuna ken pangulo nga ukom.
Kapitulo 1
Isuro ni Nehor dagiti inuulbod a doktrina, mangbangon iti simbaan, yam-ammona ti panaginsasaserdote, ken patayenna ni Gideon—Mapapatay ni Nehor gapu kadagiti inaramidna a krimen—Agsaknap kadagiti tao ti panaginsasaserdote ken panagidadanes—Salakniban dagiti saserdote ti bagbagida, taripatuen dagiti tao dagiti marigrigat, ket rumang-ay ti Simbaan. Agarup 91–88 s.c.
Kapitulo 2
Tarigagayan ni Amlici ti agbalin nga ari ket saan nga anamongan ti timek dagiti tao—Aramiden dagiti pasurotna nga ari—Mangparnuay dagiti Amlicite iti gubat kadagiti Nephite ket maabakda—Agkaykaysa ti pigsa dagiti Lamanite ken Amlicite ket maabakda—Patayen ni Alma ni Amlici. Agarup 87 s.c.
Kapitulo 3
Minarkaan dagiti Amlicite ti bagbagida a maibatay iti naimpadtuan a balikas—Nailunod dagiti Lamanite gapu iti yaalsada—Intugtugot dagiti tao dagiti bukodda a lunod—Pinarmek dagiti Nephite ti sabali pay a buyot ti Lamanite. Agarup 87–86 s.c.
Kapitulo 4
Rinibu ti mapasurot a buniagan ni Alma—Mastrek ti kinamanagbasol ti Simbaan, ket natubeng ti panagdur-as ti Simbaan—Matudingan ni Nephihah a pangulo nga ukom—Ni Alma, kas kangatuan a saserdote, ingaedna ti bagina iti panangasaba. Agarup 86–83 s.c.
Dagiti balikas nga indatag ni Alma, ti Nangato a Saserdote babaen ti nasantuan nga urnos ti Dios, kadagiti tao iti siudad ken purokda iti amin a daga.
Sakupenna ti kapitulo 5.
Kapitulo 5
Tapno magun-odda ti pannakaisalakan, masapul nga agbabawi dagiti tao ken salimetmetanda dagiti bilin, maipasngay manen, dalusanda ti kawesda iti dara ni Cristo, agpakumbaba ket lipatenda ti kinapalangguad ken apal, ket agaramidda iti kinalinteg—Ayaban ti Naimbag a Pastor dagiti taona—Annak ti sairo dagiti agaramid iti dakes—Saksian ni Alma ti kinapudno ti doktrinana ket bilinenna dagiti tao nga agbabawi—Maisuratto iti libro ti biag ti nagan dagiti nalinteg. Agarup 83 s.c.
Kapitulo 6
Madalusan ken maurnos ti Simbaan iti Zarahemla—Mapan ni Alma iti Gideon tapno mangasaba. Agarup 83 s.c.
Dagiti balikas ni Alma nga imburayna kadagiti tao iti Gideon, a maibatay iti bukodna a sinurat.
Sakupenna ti kapitulo 7.
Kapitulo 7
Maipasngayto ni Cristo ken ni Maria—Warwarannanto ti panangadipen ni patay ken imetennanto dagiti basol dagiti taona—Dagiti agbabawi, mabuniaganda, ken mangtungpal kadagiti bilin maaddaanda iti agnanayon a biag—Saan a makatawid ti kinarugit iti pagarian ti Dios—Kinapakumbaba, pammati, namnama, ken kaasi ti kasapulan. Agarup 83 s.c.
Kapitulo 8
Mangasaba ken mamuniag ni Alma iti Melek—Saan a maawat iti Ammonihah ket pumanaw—Bilinen ti anghel nga agsubli ket dawatenna ti panagbabawi dagiti tao—Awaten ni Amulek, ket mangasabada a dua iti Ammonihah. Agarup 82 s.c.
Dagiti balikas ni Alma, kasta met dagiti balikas ni Amulek, a nairakurak kadagiti tao nga adda iti daga ti Ammonihah. Kasta met a naibaludda, ken insalakan dagiti nakaskasdaaw a bileg ti Dios nga adda kadakuada, a maibatay iti sinurat ni Alma.
Sakupenna ti kapitulo 9 agingga iti 14.
Kapitulo 9
Bilinen ni Alma dagiti tao ni Ammonihah nga agbabawi—Manangngaasi ti Apo kadagiti Lamanite kadagiti maudi nga aldaw—No paglikudan dagiti Nephite ti lawag, dadaelento ida dagiti Lamanite—Dumtengton iti mabiit ti Anak ti Dios—Subbotennanto dagiti agbabawi, mabuniagandanto, ken maaddaanda iti pammati iti naganna. Agarup 82 s.c.
Kapitulo 10
Bimmaba ni Lehi manipud ken ni Manasses—Lagipen ni Amulek ti immanghel a bilin mga impaayna ken ni Alma—Dagiti kararag dagiti nalinteg ti nakaisalakan kadagiti tao—Ipasdek dagiti killo nga abogado ken ukom ti puon ti nakadadaelan dagiti tao. Agarup 82 s.c.
Kapitulo 11
Naikeddeng ti wagas dagiti Nephite maipanggep iti kuarta—Sumuppiat ni Amulek ken ni Zeezrom—Saanto nga isalakan ni Cristo dagiti tao iti basbasolda—Dagiti laeng mangtawid iti pagarian ti Dios ti maisalakan—Bumangonto amin a tao iti kinaagnanayon—Awan ti patay kalpasan ti Panagungar. Agarup 82 s.c.
Kapitulo 12
Sumuppiat ni Alma ken ni Zeezrom—Maited ti kinadatdatlag ti Dios kadagiti laeng napudno—Maukom ti tao babaen ti kapanunotan, pammati, balikas, ken aramidna—Agsagabanto dagiti nadangkes iti naespirituan nga ipapatay—Daytoy nainlasagan a panagbiag ti pakapadasan a kasasaad—Ipatungpal ti wagas ti pannakasubbot ti Panagungar ken, babaen ti pammati, ti pannakaugas ti basbasol—Karbengan ti nagbabawi a tuntonen ti kaasi ti Bugbugtong nga Anak. Agarup 82 s.c.
Kapitulo 13
Maawagan dagiti lallaki a nangato a saserdote gapu iti aglaplapusanan a pammati ken nasayaat nga ar-aramid—Isuroda dagiti bilin—Babaen ti kinalinteg mapasanto ken makastrekda iti paginanaan ti Apo—Ni Melchizedek ti maysa kadagitoy—Irakrakurak dagiti anghel ti naimbag a damag iti amin a daga—Ibutaktakdanto ti pudno a yaay ni Cristo. Agarup 82 s.c.
Kapitulo 14
Maibalud ken madangran da Alma ken Amulek—Mapuoran iti apuy dagiti manamati ken dagiti nasantuan a kasuratanda—Awaten ti Apo dagitoy a martir iti gloria—Agbirri ken marpuog dagiti pader ti pagbaludan—Maisalakan da Alma ken Amulek, ken mapapatay dagiti nangidadanes kadakuada. Agarup 82–81 s.c.
Kapitulo 15
Mapan da Alma ken Amulek iti Sidom ket bangonenda ti simbaan—Agasan ni Alma ni Zeezrom, a nagkameng iti Simbaan—Adu ti mabuniagan, ket rumang-ay ti Simbaan—Mapan da Alma ken Amulek iti Zarahemla. Agarup 81 s.c.
Kapitulo 16
Dadaelen dagiti Lamanite dagiti tao iti Ammonihah—Idauluan ni Zoram dagiti Nephite a mangabak kadagiti Lamanite—Ikasaba da Alma ken Amulek ken adu pay a sabsabali ti balikas—Isuroda nga agparangto ni Cristo kadagiti Nephite kalpasan ti panagungarna. Agarup 81–77 s.c.
Ti pakaammo dagiti annak ni Mosiah, a di nangawat kadagiti kalinteganda iti pagarian para iti balikas ti Dios, ket napanda iti daga ti Nephi a mangkasaba kadagiti Lamanite; ti panagitured ken pannakaisalakanda—maibatay iti sinurat ni Alma.
Sakupenna ti kapitulo 17 agingga iti 27.
Kapitulo 17
Addaan iti espiritu ti pammadto ken paltiing dagiti annak ni Mosiah—Mapanda iti sumagmamano a turongda a mangipakdaar iti balikas kadagiti Lamanite—Mapan ni Ammon iti daga ti Ismael ket agbalin a katulongan ni Ari Lamoni—Isalakan ni Ammon dagiti arban ti ari ken patayenna dagiti kabusorna iti danum ti Sebus. Dagiti bersikulo 1–3, agarup 77 s.c.; bersikulo 4, agarup 91–77 s.c.; ken dagiti bersikulo 5–39, agarup 91 s.c.
Kapitulo 18
Ipapan ni ari Lamoni a Naindaklan nga Espiritu ni Ammon—Isuro ni Ammon iti ari ti Pannakaparsua, ti pannakipulapol ti Dios kadagiti tao, ken ti pannakasubbot a dumteng babaen ni Cristo—Mamati ni Lamoni ket matuang iti daga a kasla natay. Agarup 90 s.c.
Kapitulo 19
Awaten ni Lamoni ti lawag ti agnanayon a biag ken makitana ti Mannubbot—Matuang dagiti kabbalayna ket mapamulenglengda, ket adu ti makakita kadagiti anghel—Kasla milagro ti pannakataginayon ni Ammon—Adu ti buniaganna ken ibangonanna ida iti simbaan. Agarup 90 s.c.
Kapitulo 20
Ibaon ti Apo ni Ammon iti Middoni a mangwayawaya kadagiti naibalud a kabsatna—Makita da Ammon ken Lamoni ti ama ni Lamoni, nga ari ti amin a daga—Piliten ni Ammon ti lakay nga ari nga anamonganna ti pannakawayawaya dagiti kabsatna. Agarup 90 s.c.
Ti pakaammuan iti panangasaba da Aaron, ken Muloki, ken dagiti kabsatda, kadagiti Lamanite.
Sakupenna ti kapitulo 21 agingga iti 26.
Kapitulo 21
Isuro ni Aaron dagiti Amalekite ti maipanggep ken ni Cristo ken ti pannubbotna—Maibalud da Aaron ken dagiti kabsatna iti Middoni—Kalpasan ti pannakawayawayada mangisuroda kadagiti sinagoga ket adu ti mapasurotda—Ipalubos ni Lamoni ti nawaya a pammati kadagiti tao iti daga ti Ismael. Agarup 90–77 s.c.
Kapitulo 22
Isuro ni Aaron ti ama ni Lamoni iti maipanggep iti Panagparsua, ti pannakatnag ni Adan, ken ti plano ti pannakasubbot babaen ni Cristo—Mapasurot ti ari ken amin a kameng ti kaamaanna—Nailawlawag no kasano ti pannakabingay ti daga a para kadagiti Nephite ken Lamanite. Agarup 90–77 s.c.
Kapitulo 23
Maipakdaar ti nawaya a pammati—Mapasurot dagiti Lamanite iti pito a dagdaga ken siudad—Awaganda ti bagbagida iti Anti-Nephi-Lehi ket nawayada iti lunod—Sinupring dagiti Amalekite ken Amulonite ti kinapudno. Agarup 90–77 s.c.
Kapitulo 24
Umay dagiti Lamanite a mangbusor kadagiti tao ti Dios—Agragsak dagiti Anti-Nephi-Lehi ken ni Cristo ket sarungkaran ida dagiti anghel—Pilienda ti agrigat iti patay ngem ti mangsalaknib iti bagbagida—Adu pay a Lamanite ti mapasurot. Agarup 90–77 s.c.
Kapitulo 25
Agsaknap ti panagraut dagiti Lamanite—Mapukaw ti bukel dagiti saserdote ni Noe a kas impadto ni Abinadi—Adu a Lamanite ti mapasurot ken kumappon kadagiti tao nga Anti-Nephi-Lehi—Mamatida ken ni Cristo ket surotenda ti paglintegan ni Moises. Agarup 90–77 s.c.
Kapitulo 26
Agdaydayaw ni Ammon iti Apo—Mapapigsa dagiti napudno babaen ti Apo ken maikkanda iti pannakaammo—Babaen ti pammati makaawis dagiti tao iti rinibribu a kararua nga agbabawi—Adda iti Dios ti amin a bileg ket matukodna amin a banag. Agarup 90–77 s.c.
Kapitulo 27
Bilinen ti Apo ni Ammon a mangidaulo kadagiti tao nga Anti-Nephi-Lehi iti natalged—Iti panagsarakda ken Alma, inuyos ti rag-o ni Ammon ti pigsana—Ited kadakuada dagiti Nephite ti daga ti Jershon kadagiti Anti-Nephi-Lehi—Maawaganda iti tattao ni Ammon. Agarup 90–77 s.c.
Kapitulo 28
Maparmek dagiti Lamanite iti nakaam-amak a dangadang—Pinullo a ribu ti mapapatay—Maigarangugong dagiti nadangkes iti awan inggana a kinaay-ay-ay; maragpat dagiti nalinteg ti dinto pulos agressat a ragsak. Agarup 77–76 s.c.
Kapitulo 29
Tarigagayan ni Alma nga igunamgunam ti panagbabawi iti nain-anghelan a pammatalged—Ikkan ti Apo iti mannursuro ti amin a pagilian—Idaydayaw ni Alma ti aramid ti Apo ken ti balligi ni Ammon ken dagiti kabsatna. Agarup 76 s.c.
Kapitulo 30
Uyawen ni Korihor, ti Anti-Cristo, ni Cristo, ti pannakasubbot, ken ti espiritu ti pammadto—Isurona nga awan ti Dios, nga awan ti pannakatnag ti tao, nga awan ti dusa iti basol, ken awan ti Cristo—Paneknekan ni Alma a dumtengto ni Cristo ken ipakita ti amin a banag nga adda Dios—Dawaten ni Korihor ti tanda ket agbalin nga umel—Nagparang ti sairo ken ni Korihor a kas anghel ket insurona kenkuana ti sawenna—Mailudekludek ni Korihor ket matay. Agarup 76–74 s.c.
Kapitulo 31
Idauluan ni Alma ti mision a mamasubli kadagiti kimmayakay a Zoramite—Paglikudan dagiti Zoramite ni Cristo, mamatida iti sinsinan a kapanunotan ti panagpili, ken agdaydayawda iti napasempaset a kararag—Napno dagiti misionario iti Nasantuan nga Espiritu—Alimonen ti rag-oda ken ni Cristo ti rigrigatda. Agarup 74 s.c.
Kapitulo 32
Isuro ni Alma dagiti napanglaw a pinagbalin a napakumbaba dagiti panagsagabada—Pammati ti namnama iti saan a makita ngem pudno—Paneknekan ni Alma a mangisuro dagiti anghel kadagiti lallaki, babbai ken ubbing—Yarig ni Alma ti sao iti bukel—Masapul a maimula ken maaywanan—Ket dumakkel a kayo a pakaburasan iti bunga ti agnanayon a biag. Agarup 74 s.c.
Kapitulo 33
Insuro ni Zenos a nasken nga agkararag ken agdaydayaw dagiti tao iti amin a lugar ken maibabawi ti panangukom gapu iti Anak—Insuro ni Zenock a maisagut ti kaasi gapu iti Anak—Imibayog ni Moises iti langalang ti a pagilasinan iti Anak ti Dios. Agarup 74 s.c.
Kapitulo 34
Paneknekan ni Amulek nga agturong ti balikas nga adda ken ni Cristo iti pannakaisalakan—Nasken a mapukaw amin a tao malaksid no maaramid ti pannubbot—Maiturong ti amin a linteg ni Moises iti pannakaparigat ti Anak ti Dios—Maisaad iti pammati ken panagbabawi ti agnanayon a panggep ti pannakasubbot—Agkararag para iti naindagaan ken naespirituan a pannakabendision—Daytoy a biag ti panawen ti tao nga agsagana a sumabat iti Dios—Ipamuspusanyo ti pannakaisalakanyo nga addaan amak ken alingget iti Dios. Agarup 74 s.c.
Kapitulo 35
Dadaelen ti pannakaikasaba ti balikas ti sikap dagiti Zoramite—Ikkatenda dagiti simmurot, a nakitipon kalpasanna kadagiti tao ni Ammon iti Jershon—Agladingit ni Alma gapu iti kinadangkes dagiti tao. Agarup 74 s.c.
Dagiti bilin ni Alma iti anakna a lalaki a ni Helaman.
Sakupenna dagiti kapitulo 36 ken 37.
Kapitulo 36
Paneknekan ni Alma ken ni Helaman ti pannakapasurotna kalpasan ti pannakakitana iti anghel—Inturedna ti saem ti nailunod a kararua; inawaganna ti nagan ni Jesus, ken nayanak iti Dios—Nasam-it a rag-o ti nangpunno iti kararuana—Nakitana ti rimmuong ti anghel nga agdaydayaw iti Dios—Adu kadagiti napasurot ti nakananam ken nakakita ti kas iti nananam ken nakitana. Agarup 74 s.c.
Kapitulo 37
Mataginayon dagiti pinanid a gambang ken dadduma pay a nasantuan a kasuratan tapno maisalakan dagiti kararua—Nadadael dagiti Jaredite gapu iti kinadangkesda—Nasken a mailimed dagiti nalimed a sapata ken katulaganda kadagiti tao—Pabagbagaanka iti Apo iti amin nga aramidmo—Idinto nga iturong ti Liahona dagiti Nephite, kasta met ti panangiturong ni Cristo kadagiti tao iti agnanayon a biag. Agarup 74 s.c.
Dagiti bilin ni Alma iti lalaki nga anakna a ni Shiblon.
Sakupenna ti kapitulo 38.
Kapitulo 38
Naidadanes ni Shiblon gapu iti kinalinteg—Adda ti pannakaisalakan ken ni Cristo, nga isu ti biag ken silaw ti lubong—Pengdam amin a riknam. Agarup 74 s.c.
Dagiti bilin ni Alma ken ni Corianton nga anakna.
Sakupenna ti kapitulo 39 agingga iti 42.
Kapitulo 39
Nakarimon ti basol a mainaig iti seks a panagbasol—Linapdan dagiti nagbasolan ni Corianton dagiti Zoramite nga umawat iti balikas—Iraman ti panangsubbot ni Cristo dagiti napalabas nga aramid tapno maisalakan dagiti napudno nga immun-una. Agarup 74 s.c.
Kapitulo 40
Yeg ni Cristo ti pannakatungpal ti panagungar ti amin a tao—Mapan iti paraiso ti nalinteg a matay ket mapan iti ruar a nasipnget ti nadangkes a manguray iti aldaw ti panagungarda—Maisublinto ti amin a banag iti sigud ken naan-anay a bagida inton Panagungar. Agarup 74 s.c.
Kapitulo 41
Iti Panagungar magun-odto ti tao ti kasasaad nga awan patinggana a ragsak wenno awan patinggana a ladingit—Dinto pulos nga agbalin a ragsak ti kinadangkes—Awan ti Dios dagiti nailubongan a tao iti lubong—Awaten manen ti tunggal tao ti pannakaisubli iti kasisigud ti ugali ken kababalin a nagun-odna iti nainlasagan a biag. Agarup 74 s.c.
Kapitulo 42
Panawen a pakatingitingan ti panagbiag a nainlasagan a mangted iti tao iti gundaway nga agbabawi ken agserbi iti Dios—Inyeg ti Pannakatnag ti naindagaan ken naespirituan nga ipapatay iti amin a tao—Mapasamak ti pannubbot babaen ti panagbabawi—Ti Dios ti nangsubbot kadagiti basol ti lubong—Agpaay ti kaasi kadagiti agbabawi—Adda ti amin iti babaen ti paglintegan ti Dios—Dumteng ti panangngaasi gapu iti Pannubbot—Dagiti laeng pudno a nagbabawi ti maisalakan. Agarup 74 s.c.
Kapitulo 43
Ikasaba ni Alma ken dagiti annakna a lallaki ti balikas—Agbalin a Lamanite dagiti sumupsuppiat a Zoramite ken dadduma a Nephite—Mapan dagiti Lamanite makigubat kadagiti Nephite—Armasan ni Moroni dagiti Nephite iti pangsalaknib a kalasag—Ilatak ti Apo ken ni Alma ti pamuspusan dagiti Lamanite—Salakniban dagiti Nephite ti balbalayda, wayawaya, kaamaan, ken pammatida—Alikubkoben dagiti buyot da Moroni ken Lehi dagiti Lamanite. Agarup 74 s.c.
Kapitulo 44
Bilinen ni Moroni dagiti Lamanite a mangaramid iti katulagan iti kappia wenno madadaelda—Supringen ni Zerahemnah ti diaya, ket agtuloy ti ranget—Abaken dagiti buyot ni Moroni dagiti Lamanite. Agarup 74–73 s.c.
Ti pakaammo dagiti tao ni Nephi, ken ti gubgubat ken isusuppiatda, kadagidi aldaw ni Helaman, a maibatay iti sinurat ni Helaman, nga indulinna kadagidi aldawna.
Sakupenna ti kapitulo 45 agingga iti 62.
Kapitulo 45
Patien ni Helaman dagiti balikas ni Alma—Ipadto ni Alma ti pannakadadael dagiti Nephite—Bendisionan ken ilunodna ti daga—Mabalin nga innala ti espiritu ni Alma, a kas ken ni Moises—Kumaro ti panagsisinnuppiat iti Simbaan. Agarup 73 s.c.
Kapitulo 46
Makikinnunsabo ni Amalickiah nga agbalin nga ari—Ibayog ni Moroni ti wagayway ti wayawaya—Pagkaykaysaenna dagiti tao a mangsalaknib iti pammatida—Maawagan dagiti napudno a mamati iti Kristiano—Mataginayon ti nabati ni Jose—Aglibas ni Amalickiah ken dagiti sumupsuppiat nga agturong iti daga a Nephi—Mapapatay dagiti saan a tumulong iti panggep ti wayawaya. Agarup 73–72 s.c.
Kapitulo 47
Aramaten ni Amalickiah ti panangliput, pammapatay, ken panagsikap iti panagbalinna nga ari dagiti Lamanite—Nadangdangkes ken narungrungsot dagiti sumupsuppiat a Nephite ngem dagiti Lamanite. Agarup 72 s.c.
Kapitulo 48
Arunan ni Amalickiah dagiti Lamanite a gumura kadagiti Nephite—Isagana ni Moroni dagiti taona a mangsalaknib iti pagimbagan dagiti Kristiano—Naragsakan a nawaya ken siwawayawaya ken maingel a tao ti Dios. Agarup 72 s.c.
Kapitulo 49
Saan a kabaelan dagiti rumaraut a Lamanite nga alaen dagiti natrinseraan a siudad ti Ammonihah ken Noe—Ilunod ni Amalickiah ti Dios ket isapatana nga inumenna ti dara ni Moroni—Ituloy da Helaman ken dagiti kabsatna a papigsaen ti Simbaan. Agarup 72 s.c.
Kapitulo 50
Trinseraan ni Moroni dagiti daga dagiti Nephite—Agbangonda iti adu a siudad—Pasamaken dagiti Nephite dagiti gubat ken pannakadadael kadagiti aldaw ti kinadangkes ken makarimon nga aramidda—Abaken ni Teancum ni Morianton ken dagiti kaduana a sumupsuppiat–-Matay ni Nephihah, ket supusopan ti lalaki nga anakna a ni Pahoran ti pangukoman. Agarup 72–67 s.c.
Kapitulo 51
Kayat dagiti lallaki-ti-ari a sukatan ti paglintegan ket mangipatugawda iti ari—Tulongan ti timek dagiti tao da Pahoran ken dagiti nawaya a tao—Piliten ni Moroni dagiti lallaki-ti-ari a mangsalaknib iti pagarianda wenno mapapatayda—Agawen ni Amalickiah ken dagiti Lamanite ti adu a siudad—Lapdan ni Teancum ti iraraut dagiti Lamanite ken papatayenna ni Amalickiah iti toldana. Agarup 67–66 s.c.
Kapitulo 52
Sukatan ni Ammoron ni Amalickiah nga ari dagiti Lamanite—Idauluan da Moroni, Teancum, ken Lehi dagiti Nephite iti naballigian a pananggubatda kadagiti Lamanite—Mapasubli ti siudad ti Mulek, ken mapapatay ni Jacob a Zoramite. Agarup 66–64 s.c.
Kapitulo 53
Maaramat dagiti balud a Lamanite a trinsera ti siudad ti Bountiful—Ti panagsisinnuppiat dagiti Nephite ti ad-adda a pagballigian dagiti Lamanite—Ipanguluan ni Helaman ti dua ribu nga agtutubo a lallaki nga annak dagiti tao ni Ammon. Agarup 64–63 s.c.
Kapitulo 54
Pagpatangan da Ammoron ken Moroni ti panagsinnukatda kadagiti balud—Dawaten ni Moroni nga agsanud dagiti Lamanite ken isardengda ti naranggas nga idadarupda—Dawaten ni Ammoron nga idisso dagiti Nephite dagiti igamda ken paiturayanda kadagiti Lamanite. Agarup 63 s.c.
Kapitulo 55
Agkedked ni Moroni a makisinnukat iti balud—Magargari dagiti Lamanite a salaknib nga agbartek, ket mawayawayaan dagiti balud a Nephite—Maala ti siudad ti Gid nga awan ti agayus a dara. Agarup 63–62 s.c.
Kapitulo 56
Mangipatulod ni Helaman iti surat ken ni Moroni, a nangisaritaanna iti kasasaad ti gubat kadagiti Lamanite—Dakkel a balligi ti nagun-od da Antipus ken Helaman kadagiti Lamanite—Makiranget dagiti dua ribu nga agtutubo a lallaki ni Helaman iti nakaskasdaaw a bileg, ket awan kadakuada ti napapatay. Bersikulo 1, agarup 62 s.c.; dagiti bersikulo 2–19, agarup 66 s.c.; ken dagiti bersikulo 20–57, agarup 65–64 s.c.
Kapitulo 57
Salaysayen ni Helaman ti pannakaala ti Antiparah ken ti isusuko ken kalpasanna ti salaknib ti Cumeni—Simamaingel a makiranget dagiti agtutubona nga Ammonite ket masugatanda amin; ngem awan ti mapapatay—Ipakaammo ni Gid ti pammapatay ken ti panaglibas dagiti balud a Lamanite. Agarup 63 s.c.
Kapitulo 58
Alaen da Helaman, Gid, ken Teomner ti siudad ti Manti babaen ti nainsiraban nga aramid—Agsanud dagiti Lamanite—Mataginayon dagiti lallaki nga annak dagiti tao ni Ammon iti panangipingetda a mangsalaknib iti wayawaya ken pammatida. Agarup 63–62 s.c.
Kapitulo 59
Dawaten ni Moroni a papigsaen ni Pahoran ti buyot ni Helaman—Alaen dagiti Lamanite ti siudad ti Nephihah—Kapungtot ni Moroni ti gobierno. Agarup 62 s.c.
Kapitulo 60
Ireklamo ni Moroni ken ni Pahoran ti panangbaybay-a ti gobierno kadagiti buyot—Ipalubos ti Apo a mapapatay dagiti nalinteg—Aramaten dagiti Nephite ti amin a bileg ken pamuspusanda a mangisalakan iti bagbagida kadagiti kabusorda—Ipangta ni Moroni a makiranget iti gobierno malaksid no maited kadagiti buyotna ti kasapulanda a tulong. Agarup 62 s.c.
Kapitulo 61
Ibaga ni Pahoran ken ni Moroni ti ibubusor ken yaalsa iti gobierno—Alaen dagiti lallaki-ti-ari ti Zarahemla ket maitipon kadagiti Lamanite–-Dumawat ni Pahoran iti tulong ti soldado a panggubat kadagiti immalsa. Agarup 62 s.c.
Kapitulo 62
Magna ni Moroni a mapan tumulong ken ni Pahoran iti daga a Gideon—Mapapatay dagiti lallaki-ti-ari nga agkedked a mangsalaknib iti pagilianda—Mapasubli da Pahoran ken Moroni ti Nephihah—Adu a Lamanite ti makitipon kadagiti tao ni Ammon—Papatayen ni Teancum ni Ammoron sa met mapapatay—Mapapanaw dagiti Lamanite iti daga, ket mapatibker ti kappia—Agsubli ni Helaman iti naespirituan a panagserbi ket bangonenna ti Simbaan. Agarup 62–57 s.c.
Kapitulo 63
Alaen ni Shiblon sa kalpasanna ni Helaman iti ikutda ti sagrado a kasuratan—Adu a Nephite ti agbiahe iti daga nga agpaamianan—Agaramid ni Hagoth iti bapor, nga agdaliasat iti laud a baybay—Abaken da Moronihah dagiti Lamanite iti dangadang. Agarup 56–52 s.c.