Kahs in Fahkwack Luhlahlfongi Luhn Mwet Loh Alkosr

Lwelah in etweyuck nuh sin muhtuhnfacl, kain in mwet, kahs, ac mwet nuhkwewa, suc orekma se inge ac fah tuhkuh nuh yohroh: Lah Joseph Smith, Jun., mwet lweng ke orekma se inge, el oraclah kuht in liye plwet ma sruhmuhnyuck inge, ma kol ngwetngweta; ac sra puk ma Smith se ma fwack inge el tuh luhngaslah ah kuht tuh sruok ke pahosr; ac kuht oacyacpac tuh liye kihl kac ah, suc ma inge kwewa oacna atacn orekma na mahtuh omeet ah, ac oreyac ah usrnguck. Ac ma inge kuht ahklohye ke kahs nguhsrihk, lah Smith se suc fwackyuck inge el use tuh kuht in liye, tuh kuht tuh liye ac sruhkwack, ac etuh na pwacye lah Smith se ma fwackyuck inge sruok plwet ma kuht sramsramkackihn uh. Ac kuht eisacng inesr nuh facluh, in ahkpwacyei nuh facluh ke ma suc kuht liyacack ah. Ac kuht tiac kikiacp, God El ahklohye ke ma inge.