O Le Mau a Molimau e Toavalu

Ina ia iloa e atunuu uma, ituaiga, gagana, ma nuu, o e o le a oo atu i ai lenei tusi: Sa faaali mai ia te i matou e Iosefa Samita, Le Itiiti, o lē na faaliliuina lenei tusi, papatusi ua ta’ua, ia ua foliga mai i le auro; sa fetagofi foi o matou lima i le tele o itulau sa faaliliuina e Samita ua ta’ua; sa matou vaai foi i togitogiga ua i ai, sa foliga uma mai o ni mea mai anamua, ma o le gaosiga uiga ese foi. Ma o lenei matou te molimau atu ai i upu faamaoni, na faaali mai e Samita ua ta’ua ia te i matou, auā na matou vaai i ai ma siitia, ma iloa ai ma le mautinoa o loo ia Samita ua ta’ua o papatusi ua matou tautala atu ai. Ma matou te tuu atu foi o matou igoa i le lalolagi, e molimau atu i le lalolagi mea na matou vaai i ai. Ma matou te le faa’ole’ole lava, o loo molimau le Atua i ia mea.