Dagiti Nasantuan a Kasuratan
Enos 1


Ti Libro ni Enos

Kapitulo 1

Sipapasnek nga agkararag ni Enos ket magun-odna ti pannakapakawan dagiti basolna—Napanunotna ti timek ti Apo, a mangikarkari iti pannakaisalakan dagiti Lamanita iti masanguanan nga aldaw—Ikagumaan dagiti Nephita nga pasublien manen dagiti Lamanita—Agrag-o ni Enos iti Mannubbotna. Agarup 420 B.C.

1 Kitaen, napasamak a siak, ni aEnos, siaammoak a nalinteg a btao ti amak—gapu ta cinsuronak iti pagsasaona, ket kasta met ti dpannaripato ken pammagbaga ti Apo—ket maidaydayaw koma ti nagan ti Diosko gapu iti daytoy—

2 Ket ibagakto kadakayo ti apannakigubalko iti immatang ti Dios, sakbay a naawatko ti bpammakawan dagiti basbasolko.

3 Kitaen, napanak naganup kadagiti atap nga ayup kadagiti kabakiran; ket dagiti balikas a masansan a mangngegko iti amak maipapan iti agnanayon a biag, ken ti arag-o dagiti santo, bimmukuok iti kaunggan ti pusok.

4 Ken ti karuruak ket anabisinan; ket bnagparintumengak iti immatang ti Namarsua kaniak, ket immararawak kenkuana iti napasnek a cpanagkararag ken panagpakaasi iti bukodko a kararua; ket iti unos ti aldaw immararawak kenkuana; wen, ket idi dimteng ti rabii ipukpukkawko pay laeng ti timekko tapno dumanon iti langit.

5 Ket adda immay a atimek kaniak, a kinunana: Enos, napakawanen dagiti basbasolmo, ket mabendisionankanto.

6 Ket siak, ni Enos, ammok a saan a mabalin nga agulbod ti Dios; gapuna, napukaw ti manidsidir a basolko.

7 Ket kinunak: Kasano a naaramid daytoy, Apo?

8 Ket kinunana kaniak; Gapu iti apammatim ken ni Cristo, a saanmo pay nangngegan ken nakita idi. Ket adu a tawen ti aglabas sakbay nga iparangarangnanto ti bagina iti lasag; gapuna, mapanka, ta ti pammatim ti nangaramid ti bpannakagugormo.

9 Ita, napasamak nga idi nangngegko dagitoy a balikas nangrugi a nariknak ti atarigagay nga agpaay iti pagimbagan dagiti kabsatko, dagiti Nephita; gapuna, bimbukbukko ti sibubukel a kararuak iti Dios para kadakuada.

10 Ket bayat ti yaasugko iti espiritu, kitaen, immay manen iti apanunotko ti timek ti Apo, a kinunana: Sarungkarakto dagiti kakabsatmo a mayannurot iti kinaregtada a mangtungpal kadagiti bilbilinko. bIntedko kadakuada daytoy a daga, ket nasantuan daytoy a daga; ket saanko nga cilunod malaksid laeng no gapu iti kinadakes; gapuna, sarungkarakto dagiti kakabsatmo a kas iti naibagak; ket itennagko dagiti panagsalungasingda nga addaan iti ladingit kadagiti uloda.

11 Ket kalpasanna, siak, ni Enos, nangngegak dagitoy a balikas, timmibker ti pammatik iti Apo; ket nagkararagak kenkuana iti napaut a panagyasug para kadagiti kakabsatko, dagiti Lamanita.

12 Ket napasamak a kalpasan ti apanagkararag ken panagbannogko iti amin a kinaregta, kinuna kaniak ti Apo: Itedkonto kenka kas mayannurot kadagiti btarigagaymo, gapu iti pammatim.

13 Ket ita kitaen, daytoy ti tarigagay a tinarigagayak kenkuana—a no mabalin koma, a dagiti tattaok, dagiti Nephita, no man agsalungasingda, ken no iti uray aniaman a wagas a amadadaelda, ket saan koma a madadael dagiti Lamanita, a btaginayonen koma ti Apo a Dios ti kasuratan dagiti tattaok, dagiti Nephita; uray pay babaen iti bileg ti nasantuan a takiagna, ta cmaidanonto koma iti masakbayan nga aldaw kadagiti Lamanita, ta, nalabit, mabalin a dmaidanonda iti pannakaisalakan—

14 Agsipud ta iti agdama aawan nagbanaganna dagiti panangyasugmi iti pannakaisubli kadakuada ti pudno a pammati. Ket insapatada iti gurada, a no mabalin, bdadaelendakami ken dagiti kasuratanmi, ken kasta met amin a kaugalian dagiti ammami.

15 Gapuna, iti pannakaammok a kabaelan a amataginayon ti Apo a Dios dagiti kasuratanmi, nagtultuloy a nagpakpakaasiak kenkuana, ta kinunana kaniak: Aniaman a banag a dawatemto nga addaan iti pammati, panamati a maawatmonto babaen iti nagan ni Cristo, maawatmonto.

16 Ket addaanak iti pammati, ket impakaasik iti Dios a ataginayonenna koma bdagiti kasuratan; ket intulagna kaniak nga isunto ti cmangidanon kadagitoy kadagiti Lamanita inton panawen nga ikeddengna.

17 Ket siak, ni Enos, ammok a mapasamakto a mayannurot iti katulagan nga inaramidna; gapuna a nagtalna ti kararuak.

18 Ket kinuna kaniak ti Apo: Kiniddaw met kaniak dagiti ammayo daytoy a banag; ket mapasamakto kadakuada a mayannurot iti pammatida; gapu ta mayarig ti pammatim ti pammatida.

19 Ket napasamak a siak, ni Enos, napanak kadagiti tattao ni Nephi, nga agipadpadto kadagiti bambanag nga umay, ken mangipaneknek kadagiti bambanag a nangngegko ken naimatangak.

20 Ket paneknekak a pudno a nagregta dagiti tattao ni Nephi nga isubli dagiti Lamanita iti pudno a pammati iti Dios. Ngem adagiti bannogmi ket awan ti nagbanaganna; sititibker ti gurada, ket inturayanda iti dakes a nakaisigudanda ket nagbalinda a naatap, ken narungsot, ken bmammapatay a tattao, napnuan iti cpanagdaydayaw kadagiti didiosen ken kinarugit; agbibiag kadagiti atap nga ayup; agnanaed kadagiti tolda, ken agalla-allada iti langalang a nakabarikes iti lalat ken nakiskisan dagiti uloda; ket paglainganda ti dbai, ken iti kampilan, ken iti wasay. Ket adu kadakuada ti awan ti kinkinnan malaksid iti saan a naluto a karne; ket kanayonda nga ikalikagum ti mangdadael kadakami.

21 Ket napasamak a sinukay dagiti tattao ni Nephi ti daga, ket anagpatanorda iti amin a kita ti bukel, ken bunga, ken pangen ti ayup, ken pangen ti amin a kita ti baka, ken kalding, ken naatap a kalding, ken adu pay a kabalio.

22 Ket nakaad-adu a apropeta ti adda kadakami. Ket bnasukir nga umili dagiti tattao, narigatda a makaaw-awat.

23 Ket awan ti adda sadiay malaksid ti akinasabrak, bpanangikasaba ken panangipadto iti gubgubat, panagririri, ken pannakadadael, ken kanayon a cpanangipalagip kadakuada iti patay, ken ti pagpatinggaan ti agnanayon, ken ti panangukom ken pannakabalin ti Dios, ken amin dagitoy a bambanag—ganaygayen ida a dkanayon tapno agtalinaedda iti panagbuteng iti Apo. Kunak nga awan ti nagkurangan dagitoy a bambanag, ta nakalawlawag unay a pannarita, ti manglapped kadakuada nga agturong iti napardas a pannakadadael. Ket isuratko ti maipapan kadakuada iti kastoy a wagas.

24 Ket naimatangak ti gubgubat dagiti Nephita ken Lamanita iti panaglabas dagiti aldawko.

25 Ket napasamak a lumaklakayakon, ket napalabas ti sangagasut ken pitopulo ket siam a tawen manipud iti panawen nga aipapanaw ti amami a ni Lehi iti Jerusalem.

26 Ket nakitak a nasken a mapanakton iti tanem iti mabiit, a naaramid babaen ti bileg ti Dios ta nasken a mangasaba ken mangipadtoak kadagitoy a tao, ken ipakdaar ti balikas a mayannurot iti kinapudno nga adda ken ni Cristo. Ket inwaragawagko ti amin nga aldawko daytoy, ket nagrag-oak iti daytoy a nalablabes pay ngem iti lubong.

27 Ket mapanakton iti lugar a apaginanaak, a yan ti Mannubbotko; gapu ta ammok nga aginanaakto kenkuana. Ket agrag-oakto iti aldaw nga itdenna iti bbagi a matay ti csaanen nga ipapatay, ken agtakderakto iti sangona; ket makitakto a siraragsak ti rupana, ket kunananto kaniak: Umayka kaniak, sika a nagasat, adda lugar a naisagana nga agpaay kenka dkadagiti mansion ti Amak. Amen.