1 Ao e a koro bukina bwa e maiu Ita i nanon ana bong ni maiu ^aKoriantamwa; ao Koriantamwa bon te uea n te aba ni kabuta.

2 Ao ^aIta bon ana burabeti te Uea; ngaia are Ita e roko i nanon ana bong ni maiu Koriantamwa, ma ni waaki n taetae ni burabeti nakoia aomata, bwa e aki kona ni ^bkatokaki ibukin Tamnein te Uea are irouna.

3 Bwa e ^atakarua man te moaningabong ni karokoa ae bung taai, ni kairoroia aomata bwa a na kakoaua te Atua ma n rairinanoia bwa mwiina ao a na ^bkamaunaki, ma n taekinna nakoia bwa n te ^conimaki ao a na kakoroaki bwaai ni kabane.

4 Mangaia ae, ane e kakoaua te Atua e kona ni ^akantaninga te aonaba ae raoiroi riki ma te kantaninga ae koaua, eng, ao te mena n angatain te Atua, are te kantaninga are e roko man te onimaki, are e karekea te ^bati n roo nakon tamneia aomata, are e na karikiia bwa a na koaua ma n nnene, ma n aki toki ni karaoi ^cmwakuri aika a raraoi, bwa a kairaki bwa a na ^dkamimitonga te Atua.

5 Ao e a koro bukina bwa Ita e bon taetae ni burabetii bwaai aika a korakora ma ni moan te kamimi nakoia aomata, ake a bon aki kakoauai ibukina bwa a bon aki noori.

6 Ao ngkai, Ngai ae Moronaai I kan taetae teutana ni kaineti ma bwaai aikai; I tangiria ni kaotia nakon te aonaba bwa te ^aonimaki bon bwaai aika a ^bkantaaningaki ma ^caki nooraki; ngaia are, tai kauntaeka ibukina bwa kam aki noori, bwa kam bon aki kona ni karekea te bwai ni kakoaua ni karokoa ae e ^dkataki moa ami onimaki.

7 Bwa bon man te onimaki are Kristo e bon kaotia nakoia ara bakatibu, i mwin are e uti man te mate; ao e aki kona ni bon kaotia nakoia aomata ni karokoa moa ae iai te onimaki irouia; ngaia are, e bon riai bwa e na iai tabeman ake iai aia onimaki irouna; bwa e bon aki kona ni bon kaotia nakon te aonaba.

8 Ma ibukin aia onimaki aomata ao e a tia ni bon kaotia nakon te aonaba, ma ni kamimitonga aran te Tama, ma ni katauraoa te kawai are a kona tabeman ni katoonga te bwai n tangira mai karawa, bwa aonga ni kantaningai bwaai ake a tuai ma n noori.

9 Ngaia are, kam kona naba ni karekea te kantaninga ma n riki bwa taan katoonga te bwai n tangira, ngkana iai iroumi te onimaki.

10 Ma nooria, bon man te onimaki are a ^aweteaki ake ngkoa nakon ana botaki ae tabu te Atua.

11 Ngaia are, man te onimaki ao e anga ana tua Mote. Ma e a tia te Atua ni katauraoa riki te kawai ae ^akororaoi riki iroun natina; ao bon man te onimaki are e a kakoroaki bukina.

12 Bwa ngkana akea te ^aonimaki i buakoia natiia aomata ao te Atua e bon aki kona ni karaoa te ^bkakai teuana i buakoia; ngaia are, e bon aki kaotia ni karokoa moa ae e tia n onimaki.

13 Nooria, bon aia onimaki Aramwa ma Amureki are e karika bwakan te ^anne ni kaikain nako aontano.

14 Nooria, bon ana onimaki Nibwaai ma Riaai are e karika te ^abitaki nakoia Reimwanaite, are a bwabetitoaki n te ai ma te ^bTamnei ae Raoiroi.

15 Nooria, bon ana onimaki ^aAmon ma tarina are e ^bkarika te kakai ae korakora i buakoia Reimwanaite.

16 Eng, ao ni kabane naake a karaoi ^akakai i buakoia man te ^bonimaki, naake i mwaain Kristo ao naake i mwin Kristo.

17 Ao bon man te onimaki ake reirei ake teniman a karekea te berita bwa a na ^aaki katoonga te mate; ao a bon aki karekea te berita ma ti i mwin aia onimaki.

18 Ao bon akea temanna n te tai teuana ae e a tia ni karaoa te kakai ni karokoa moa mwiin aia onimaki. Ngaia are a kakoaua moa Natin te Atua.

19 Ao a bon mwaiti ake a bon rianako korakoran aia onimaki, ^ai mwaain naba rokon Kristo, ake a bon aki kona n tukaki man ^brabunan te ataibwai, ma a bon noori ma te koaua ni mataia bwaai ake a noorii n te mata n onimaki ao a bon kukurei.

20 Ao nooria, ti a tia n nooria n te reekoti aio bwa temanna mai i buakoia naakai bon tarin Iareta; bwa e bon korakora ana onimaki iroun te Atua, n te aro are ngke e ^aarora baina te Atua e a bon aki kona ni karaba mai imatan tarin Iareta, ibukin ana taeka are e a tia n taekinna nakoina, are bon te taeka are e karekea man te onimaki.

21 Ao i mwin are tarin Iareta e a tia n noora tabonibain te Uea, ibukin te ^aberita are e a tia tarin Iareta ni karekea man te onimaki, e a bon aki kona te Uea ni karaba te bwai teuana mai imatana; ngaia are e a kaoti bwaai ni kabane nakoina, bwa e bon aki kona n tukaki man ^brabunan te ataibwai.

22 Ao bon man te onimaki are au bakatibu a karekei ^aberita bwa bwaai aikai a na roko nakoia tariia irouia Tientaire; ngaia are e a tia n anganai te tua te Uea, eng, are Iesu Kristo.

23 Ao I taku nakoina: Te Uea, a na bwainingarei bwaai aikai Tientaire ibukin ^amamaarara ni koroboki; bwa te Uea ko a tia ni kakorakoraia n te taeka man te onimaki, ma ko a tia n aki ^bkakorakoraira n te koroboki; bwa ko a tia ni karikiia te botanaomata aio bwa a na kona n taekina ae bati ibukin te Tamnei ae Raoiroi are ko a tia n anganiia.

24 Ao ko a tia ni karikira bwa ti na kona ni korei ae uarereke, ibukin aki raoiroin baira. Nooria, ko a tia n aki kakorakoraira n ^aaron tarin Iareta, bwa ko karaoia bwa bwaai ake e na koroi a na bon korakora n ai aekam, ni kairoroa te aomata bwa e na wareki.

25 Ko a tia naba ni karaoa ara taeka bwa a na mwaaka ma ni korakora, e ngae ngke ti aki kona ni koroi; ngaia are ngkana ti koroboki ao ti noori mamaarara, ma ni kuri ni bwaka ibukin korean ara taeka; ao I maaku bwa mwiina ao a ^abwainingarei ara taeka Tientaire.

26 Ao ngke I a tia n taekina aio, e taetae te Uea nakoiu, ni kangai: A ^abwainingare aika a nanobaba, ma a na nanokawaki; ao e bon tau au akoi nakoia aika a nimamannei, bwa a na aki aonikaia mamaarami;

27 Ao ngkana a roko aomata nakoiu N na kaota nakoia ^amamaaraia. I ^banganiia aomata mamaaraia bwa aonga n nanorinano; ao e tau au ^cakoi nakoia aomata ni kabane ake a ^dkananorinanoia i matau, ma n onimakinai, ao ngkanne N na karaoi baika ^emamaara bwa a na riki bwa korakoraia.

28 Nooria, N na kaota nakoia Tientaire mamaaraia, ao N na kaota nakoia bwa te ^aonimaki, te kantaninga ao te tangira ae kororaoi a uota nakoiu—koburaken te raoiroi ni kabane.

29 Ao Ngai, ae Moronaai, ngke I tia n ongo taeka aikai, e rau nanou, ma n taku: O te Uea e na karaoaki am raoiroi, bwa I ataia bwa ko karaoia nakoia natiia aomata n aron aia onimaki.

30 Bwa tarin Iareta e taku nakon te maunga are Tierin, ^aMwaing—ao e bon kamwaingaki. Ao ngke arona bwa akea ana onimaki e na bon aki kona ni mwaing; ngaia are ko bon mwamwakuri i mwin reken aia onimaki aomata.

31 Bwa man aei are ko a bon kaotiko nakoia am reirei; bwa i mwin reken aia ^aonimaki, ma n tia n taetae n aram, ko a bon kaotiko nakoia i nanon te mwaaka ae korakora.

32 Ao I bon uringnga naba bwa ko a tia n taku bwa ko a tia ni katauraoa te mwenga ibukin te aomata, eng, i buakon ana ^anne ni maeka tamam, are e na kona te aomata ni karekea te ^bkantaninga ae kororaoi; ngaia are te aomata e na riai ni kantaninga, bwa mwiina e na aki karekea tibwana n te tabo are ko a tia ni katauraoia.

33 Ao riki, I uringnga bwa ko a tia n taku bwa ko ^atangira te aonaba, n te aro are ko a kawenea maium ibukin te aonaba, bwa ko aonga ni manga anaia bwa ko na katauraoa te tabo ibukiia natiia aomata.

34 Ao ngkai I ataia bwa te ^atangira aio are iai iroum ibukiia natiia aomata bon te tangira ae kororaoi; ngaia are, ti ngkana iai te tangira ae kororaoi irouia aomata ao a na bon aki kona ni karekea te tabo are ko a tia ni katauraoia n ana nne ni maeka Tamam.

35 Ngaia are, I ataia man te bwai are ko a tia n taekinna, bwa ngkana akea te tangira ae kororaoi irouia Tientaire, ibukin mamaarara, ao ko na kataia, ma n anai aia ^atarena, eng, are a bon tia ni karekea, ma n anganiia are e na bon kamwaitaki riki nakoia.

36 Ao e a koro bukina bwa I tataro nakon te Uea bwa e na anganiia Tientaire te ^aakoi, bwa aonga ni karekea te tangira ae kororaoi.

37 Ao e a koro bukina bwa e taku te Uea nakoiu: Ngkana akea te tangira ae kororaoi irouia ao e aki bongana nakoim, ko a bon tia ni kakaonimaki; ngaia are a na ^akaitiakaki kunnikaim. Ao ibukina bwa ko a tia n noora ^bmamaaram ko na kakorakoraki, bwa ko na tekateka n te tabo are I a tia ni katauraoia nana nne ni maeka Tamau.

38 Ao ngkai Ngai, ae Moronaai, I kaboo nakoia Tientaire, eng, ao nakoia naba tariu aika I tangiriia, ni karokoa ti na kaitibo imatan ana ^akaintekateka ni motikitaeka Kristo, are a na bane aomata n ataia bwa aki memea ^bkunnikaiu n raraami.

39 Ao ngkanne kam na ataia bwa I a tia n ^anoora Iesu, ao e a tia ni ^bkaitara ma ngai ma n taetae ni kawai, ao e tuangai ma te maataata, n aron te aomata ngkana e tuanga te aomata temanna oin ana taetae, ni kaineti ma bwaai aikai.

40 Ao bon ti tabeua ake I a tia ni karaoi, ibukin mamaarau ni koroboki.

41 Ao ngkai, I tuangkami bwa kam na ^aukoukora Iesu aio ake a korea rongorongona burabeti ma abotoro, bwa e aonga n ae ana akoi te Atua te Tama, ao te Uea ae Iesu Kristo, ao te Tamnei ae Raoiroi, are a ^bkakoaua ibukiia, a na iai ao n tiku iroumi n aki toki. Amen.