Mataupu 12

Ua apoapoai atu le perofeta o Eteru i tagata ia talitonu i le Atua—Ua toe faamatala mai e Moronae mea ofoofogia ma maoae na faia i le faatuatua—O le faatuatua na mafai ai e le uso o Iareto ona vaai ia Keriso—E tuuina mai e le Alii i tagata vaivaiga ina ia faalotomaualalalo ai i latou—Sa aveese e le uso o Iareto le Mauga o Serima i le faatuatua—Ua taua mo le olataga le faatuatua, faamoemoe, ma le alofa mama—Sa vaai Moronae ia Iesu faafesagai lava.

 Ma sa oo ina sa i ai aso o Eteru i ona po o Korianetuma; ma o aKorianetuma sa tupu i le laueleele atoa.

 Ma sa avea aEteru o se perofeta a le Alii; o le mea lea na alu atu ai Eteru i ona po o Korianetuma, ma amata ona vavalo atu i tagata, aua sa le mafai ona evaosia o ia ona o le Agaga o le Alii lea sa i totonu ia te ia.

 Aua sa ia aalaga atu mai le taeao, seia oo lava i le alu ifo i lalo o le la, ua apoapoai atu i tagata ia talitonu i le Atua ia salamo nei efaaumatia i latou, ma fai atu ia te i latou o le ifaatuatua e faataunuu ai mea uma—

 O le mea lea, soo se tasi e talitonu i le Atua e mafai moni lava ona afaamoemoe mo se lalolagi sili atu ona lelei, ioe, se nofoaga lava i le aao taumatau o le Atua, o le faamoemoe lea e sau mai le faatuatua, e fai ma etaula i agaga o tagata, lea o le a latou mautinoa ma mausali ai, ma faatumulia ai pea i igaluega lelei e le aunoa, ma taitaiina ai e oviia le Atua.

 Ma sa oo ina perofeta atu e Eteru mea tetele ma ofoofogia i tagata, ia sa latou le talitonu i ai, ona sa latou le vaai atu i ai.

 Ma o lenei, o au, o Moronae, ou te fia tautala atu teisi e uiga i nei mea; ou te fia faaali atu i le lalolagi o le afaatuatua o mea ia ua efaamoemoe i ai ae ua ile vaaia; o le mea lea, aua tou te masalosalo ona ua outou le vaaia, aua tou te le maua se molimau seia uma ona otofotofoina o lo outou faatuatua.

 Ona o le faatuatua na faaali mai ai e Keriso o ia lava i o tatou tamā, ina ua uma ona toetu mai o ia mai le oti; ma sa ia le faaali mai o ia lava ia te i latou seia mavae ona latou faatuatua muamua ia te ia; o le mea lea, sa tatau ai ona i ai i ni isi le faatutua ia te ia, ona sa ia le faaalia atu o ia lava i le lalolagi.

 Ae ona o le faatuatua o tagata o lea na ia faaali mai ai o ia lava i le lalolagi, ma faamamaluina le suafa o le Tamā, ma saunia se ala e mafai ai e isi ona tofusia i le meaalofa faalelagi, ina ia mafai ona latou faamoemoe mo mea ia latou te lei vaai i ai.

 O le mea lea, ia mafai ai foi ona outou maua o le faamoemoe, ma avea ma e e mauaina le meaalofa, pe afai e nao na outou faatuatua.

 10 Faauta, o le faatuatua na avalaauina ai i latou anamua, i le faatulagaga paia a le Atua.

 11 O le mea lea, o le faatuatua na tuuina mai ai le tulafono a Mose. Ae ua saunia e le Atua e ala i le meaalofa a lona Alo se ala e asilisili ona lelei; ma o le faatuatua ua faataunuuina ai.

 12 Aua afai e leai se afaatuatua i totonu o le fanauga a tagata e le mafai e le Atua ona faia se evavega i totonu o i latou; o le mea lea, na te le faaali mai o ia lava seia mavae ona latou faatuatua muamua.

 13 Faauta, o le faatuatua o Alema ma Amoleka na mafua ai ona solo o le afalepuipui i le eleele.

 14 Faauta, o le faatuatua o Nifae ma Liae na faia ai le aliuga i luga o sa Lamanā, na papatisoina ai i latou i le afi ma le eAgaga Paia.

 15 Faauta, o le faatuatua o aAmona ma ona uso na efaia ai se vavega tele lava i totonu o sa Lamanā.

 16 Ioe, ma e oo ia i latou uma o e na faia avavega sa latou faia i le efaatuatua, e oo ia i latou o e na muamua mai ia Keriso ma i latou foi o e na mulimuli mai ia te ia.

 17 Ma o le faatuatua na maua ai e soo e toatolu se folafolaga o le a ale tofo i latou i le oti; ma sa le maua e i latou le folafolaga seia mavae ona latou faatuatua muamua.

 18 Ma pe sa i ai se taimi na faia ai e se tasi ni vavega seia mavae ona latou faatuatua muamua; o le mea lea sa muamua ona latou talitonu i le Alo o le Atua.

 19 Ma sa i ai le toatele o e sa matua malosi tele lava lo latou faatuatua, i le taimi lava ae alei afio mai Keriso, o e sa le mafai ona taofia mai totonu o le eveli, ae sa latou vaai moni lava ma o latou lava mata mea ia sa latou vaai i ai ma se mata o le faatuatua, ma sa latou fiafia.

 20 Faauta foi, ua tatou vaaia i lenei talafaamaumau, o se tasi o i latou ia o le uso lea o Iareto; ona sa matua tele lava lona faatuatua i le Atua, ina ua tuu mai e le Atua lona atamatamaiaao sa le mafai ona ia natiaina mai le vaai a le uso o Iareto, ona o lana fetalaiga na ia fetalai mai ia te ia, o le fetalaiga lea na ia maua i le faatuatua.

 21 Ma ina ua uma ona vaai o le uso o Iareto i le tamatamaiaao o le Alii, ona o le afolafolaga lea na maua e le uso o Iareto i le faatuatua, sa le mafai e le Alii ona taofia se mea mai lana vaai; o le mea lea na ia faaali mai ai ia te ia mea uma, ona sa le toe mafai ona taofia o ia i fafo o le eveli.

 22 Ma o le faatuatua na maua ai e ou tamā le afolafolaga o le a oo atu nei mea i o latou uso e ala i Nuuese; o le mea lea ua poloaiina ai au e le Alii, ioe, o Iesu Keriso lava lea.

 23 Ma sa ou fai atu ia te ia: Le Alii e, o le a faatauemu Nuuese i nei mea, ona o lo matou avaivai i le tusitusi; aua le Alii e, ua e faamalosia i matou i le upu ona o le faatuatua, ae ua e le efaamalolosia i matou i le tusitusi; ona ua e faia nei tagata uma ina ia mafai ona latou tautala tele, ona o le Agaga Paia lea na e tuuina mai ia te i latou;

 24 Ma ua e faia i matou tau ina ia mafai ona matou tusitusi laitiiti, ona o le vasivasi o o matou lima. Faauta, ua e le faia i matou ina ia matou malolosi i le atusitusi e pei o le uso o Iareto, ona ua e faia o ia ina ia malolosi mea ua ia tusia e pei lava o oe, seia oo ina lofituina ai le tagata e faitauina i latou.

 25 Ua e faia foi a matou upu ia mamana ma malolosi, ua oo lava ina le mafai ona matou tusia i latou; o le mea lea a matou tusitusi ua matou vaai i lo matou vaivai, ma feseseai ona o le tuuga o a matou upu; ma ou te fefe nei afaatauemu Nuuese ia matou upu.

 26 Ma ina ua uma ona ou fai atu o nei upu, sa fetalai mai le Alii ia te au, ua fofoga mai: E afaatauemu e ua valelea, ae o le a faanoanoa i latou; ma ua lava lou alofa tunoa mo e e agamalu, o le a latou le faaaoga ai lo outou vaivai;

 27 Ma afai e o mai tagata ia te au o le a ou faaali atu ia te i latou o latou avaivaiga. Ou te eavatu i tagata ia vaivaiga ina ia faalotomaualalalo ai i latou; ma ua lava lou ialofa tunoa mo tagata uma o e e latou te ofaalotomaualalaloina i latou lava i ou luma; aua afai latou te faalotomaualalaloina i latou lava i ou luma, ma faatuatua mai ia te au, ona ou faia lea o umea vaivai ia avea ma mea malolosi ia te i latou.

 28 Faauta, o le a ou faaali atu i Nuuese o latou vaivaiga, ma o le a ou faaali atu ia te i latou o le afaatuatua, faamoemoe, ma le alofa mama e aumai ai i latou ia te au—o le puna o le amiotonu uma.

 29 Ma o au, o Moronae, ina ua uma ona ou faalogoina o nei upu, sa faamafanafanaina au, ma ou fai atu: Le Alii e, ia faia lou finagalo amiotonu, aua ua ou iloa e te galue i le fanauga a tagata e tusa ma lo latou faatuatua;

 30 Aua na fai atu le uso o Iareto i le mauga o Serima, aAlu ese—ma sa alu ese lava. Ma a na fai e le ia te ia le faatuatua po ua le alu ese; o le mea lea e te faia ai mea pe a mavae ona i ai muamua i tagata le faatuatua.

 31 Aua sa faapea ona e faaali mai o oe lava i ou soo; aua ina ua uma ona i ai muamua ia te i latou le afaatuatua, ma latou tautatala i lou suafa, sa e faaali mai oe lava ia te i latou i le mana tele.

 32 Ma ou te manatua foi na e fetalai mai ua uma ona e saunia se fale mo tagata, ioe, i totonu lava o amaota o lou Tamā, lea e mafai ai e le tagata ona maua o le efaamoemoe lelei silisili atu; o le mea lea e ao i le tagata ona faamoemoe i le tagata; a leai e le mafai ona ia maua o se tofi i le nofoaga ua e saunia.

 33 O lenei foi, ou te manatua na e fetalai mai ua e aalofa i le lalolagi, e oo lava i le tuuina i lalo o lou soifua mo le lalolagi, ina ia mafai ona e toe aveina e te saunia ai se nofoaga mo le fanauga a tagata.

 34 Ma o lenei ua ou iloa o lenei aalofa ua ia te oe mo le fanauga a tagata o le alofa mama lea; o le mea lea, vagana ai ua i ai i tagata le alofa mama e le mafai ona latou mautofi i lena nofoaga ua e saunia i maota o lou Tamā.

 35 O le mea lea, ua ou iloa ai i lenei mea ua e fetalai mai ai, e faapea afai e le i ai i Nuuese le alofa mama, ona o o matou vaivaiga, o le a e tofotofoina i latou, ma aveese la latou ataleni, ioe, o mea lava ia ua latou maua, ma avatu ia te i latou o e o le a latou maua atili.

 36 Ma sa oo ina ou tatalo atu i le Alii ia ona avatu i Nuuese le aalofa tunoa, ina ia latou maua le alofa mama.

 37 Ma sa oo ina fetalai mai le Alii ia te au: Afai e le i ai ia i latou le alofa mama e le afaina i lea mea ia te oe, sa e faamaoni; o le mea lea, o le a afaamamaina ou ofu. Ma ona ua e vaai i lou evaivai o le a faamalosia oe, e oo lava i le nofo i lalo i le nofoaga ua ou saunia i maota o loʼu Tamā.

 38 Ma o lenei o au, o Moronae, ou te faatofa atu i Nuuese, ioe, ma i ou uso foi o e ua ou alofa i ai, seia oo ina tatou feiloai i luma o le anofoa-faamasino o Keriso, lea o le a iloa ai e tagata uma ua le pisia ou eʼofu i o outou toto.

 39 Ma ona outou iloa ai lea sa ou avaai ia Iesu, ma sa ia fetalai mai ia te au efaafesagai lava, ma sa ia tau mai ia te au i upu faamaulalo manino, e pei lava ona tau atu e se tagata i se tasi tagata i lau lava gagana, e uiga i nei mea;

 40 Ma ua nao nai mea itiiti ua ou tusia, ona o lou vaivai i le tusitusi.

 41 Ma o lenei, ou te apoapoai atu ia te outou ia outou asaili lenei Iesu o le ua tusi i ai le au perofeta ma aposetolo, ina ia i ai ma tumau ia te outou e faavavau le alofa tunoa o le Atua le Tamā, ma le Alii o Iesu Keriso, ma le Agaga Paia, o le ua emolimau ia te i laua. Amene.