គម្ពីរអេធើរ
បញ្ជីរបស់ពួកសាសន៍យ៉ារេឌ យកមកពីផ្ទាំង២៤សន្លឹក ដែលបានប្រទះឃើញដោយប្រជាជនលិមហៃនៅក្នុងជំនាន់ស្ដេចម៉ូសាយ។
ជំពូកទី ១
មរ៉ូណៃសង្ខេបការសរសេររបស់អេធើរ — ពង្សាវតាររបស់អេធើរត្រូវបានចែងប្រាប់ — ភាសារបស់ពួកសាសន៍យ៉ារេឌពុំត្រូវបានបំភាន់នៅឯប៉មបាបិលទេ — ព្រះអម្ចាស់ទ្រង់សន្យាថានឹងដឹកនាំពួកគេទៅកាន់ដែនដីជម្រើសមួយ ហើយធ្វើឲ្យពួកគេបានទៅជាប្រជាជាតិមួយដ៏មហិមា។
១ហើយឥឡូវនេះ ខ្ញុំកមរ៉ូណៃ ចាប់ផ្ដើមរៀបរាប់ដំណើររឿងអំពីបណ្ដាជនបុរាណទាំងនោះ ដែលត្រូវបំផ្លាញចោលដោយខព្រះហស្តនៃព្រះអម្ចាស់ នៅលើផ្ទៃដែនដីខាងជើងនេះ។
២ហើយខ្ញុំយកដំណើររឿងរបស់ខ្ញុំពីផ្ទាំងក២៤សន្លឹក ដែលត្រូវបានប្រទះឃើញដោយប្រជាជនលិមហៃ ដែលត្រូវបានហៅថា គម្ពីរអេធើរ។
៣ហើយដូចជាខ្ញុំសន្និដ្ឋានថា ភាគដើមនៃបញ្ជីនេះ ដែលនិយាយអំពីការបង្កើតពិភពលោក និងអំពីលោកអ័ដាម និងដំណើររឿងអំពីពេលនោះ មកទល់នឹងសម័យកប៉មដ៏មហិមា ហើយអ្វីក៏ដោយដែលបានកើតឡើងក្នុងចំណោមកូនចៅមនុស្សមកទល់ពេលនោះ គឺពួកសាសន៍យូដាមានហើយ។
៤ហេតុដូច្នេះហើយ ខ្ញុំពុំសរសេរនូវការណ៍ទាំងនោះ ដែលបានកើតឡើងចាប់ពីសម័យកលោកអ័ដាមមកទល់ពេលនោះទេ ប៉ុន្តែការណ៍ទាំងនោះមាននៅលើផ្ទាំងរួចហើយ ហើយអស់អ្នកណាដែលប្រទះឃើញផ្ទាំងទាំងនោះ អ្នកនោះហើយដែលនឹងមានអំណាច ដែលគេអាចដឹងនូវដំណើររឿងទាំងស្រុង។
៥ប៉ុន្តែមើលចុះ ខ្ញុំមិនរៀបរាប់ដំណើររឿងទាំងស្រុងទេ ប៉ុន្តែខ្ញុំរាប់រៀបដំណើររឿងមួយភាគ ចាប់ពីសម័យប៉មមកទល់នឹងពេលដែលពួកគេត្រូវបំផ្លាញចោល។
៦ហើយដោយរបៀបនេះ ខ្ញុំប្រាប់នូវដំណើររឿង។ អ្នកដែលសរសេរបញ្ជីនេះ គឺកអេធើរ ហើយលោកគឺជាពូជពង្សកូរីអានតើរ។
៧កូរីអានតើរ គឺជាកូនប្រុសរបស់ម៉ូរ៉ុន។
៨ហើយម៉ូរ៉ុន គឺជាកូនប្រុសរបស់អេថិម។
៩ហើយអេថិម គឺជាកូនប្រុសរបស់អេហា។
១០ហើយអេហា គឺជាកូនប្រុសរបស់សេត។
១១ហើយសេត គឺជាកូនប្រុសរបស់ស៊ិបឡុន។
១២ហើយស៊ិបឡុន គឺជាកូនប្រុសរបស់កុម។
១៣ហើយកុម គឺជាកូនប្រុសរបស់កូរីអានទុម។
១៤ហើយកូរីអានទុម គឺជាកូនប្រុសរបស់អាំនីកាដា។
១៥ហើយអាំនីកាដា គឺជាកូនប្រុសរបស់អើរ៉ុន។
១៦ហើយអើរ៉ុន គឺជាកូនប្រុសរបស់ហេត ដែលជាកូនប្រុសរបស់ហេអើថុម។
១៧ហើយហេអើថុម គឺជាកូនប្រុសរបស់លិប។
១៨ហើយលិប គឺជាកូនប្រុសរបស់គីស។
១៩ហើយគីស គឺជាកូនប្រុសរបស់កូរ៉ុម។
២០ហើយកូរ៉ុម គឺជាកូនប្រុសរបស់លេវី។
២១ហើយលេវី គឺជាកូនប្រុសរបស់គិម។
២២ហើយគិម គឺជាកូនប្រុសរបស់ម៉ូរីអានតុន។
២៣ហើយម៉ូរីអានតុន គឺជាកូនប្រុសរបស់រីពឡាគិស។
២៤ហើយរីពឡាគិស គឺជាកូនប្រុសរបស់សែស។
២៥ហើយសែស គឺជាកូនប្រុសរបស់ហេត។
២៦ហើយហេត គឺជាកូនប្រុសរបស់កុម។
២៧ហើយកុម គឺជាកូនប្រុសរបស់កូរីអានទុម។
២៨ហើយកូរីអានទុម គឺជាកូនប្រុសរបស់អេមើរ។
២៩ហើយអេមើរ គឺជាកូនប្រុសរបស់អូមើរ។
៣០ហើយអូមើរ គឺជាកូនប្រុសរបស់ស៊ូល។
៣១ហើយស៊ូល គឺជាកូនប្រុសរបស់គិប។
៣២ហើយគិប គឺជាកូនប្រុសរបស់អូរៃហា ដែលជាកូនប្រុសរបស់យ៉ារេឌ។
៣៣គឺកយ៉ារេឌនេះឯង ដែលបានចេញមកជាមួយនឹងបងប្រុសរបស់លោក និងគ្រួសាររបស់ពួកគេជាមួយនឹងអ្នកខ្លះទៀត និងគ្រួសាររបស់ពួកគេមកពីប៉មដ៏មហិមានៅក្នុងពេលព្រះអម្ចាស់ទ្រង់ បានខបំភាន់ភាសារបស់មនុស្ស ហើយបានស្បថនៅក្នុងសេចក្ដីខ្ញាល់ថា ពួកគេត្រូវបំបែកខ្ញែកនៅលើអស់ទាំងគផ្ទៃផែនដី ហើយស្របតាមព្រះបន្ទូលនៃព្រះអម្ចាស់ នោះមនុស្សត្រូវបែកខ្ញែកមែន។
៣៤ហើយកបងរបស់យ៉ារេឌដែលជាបុរសម្នាក់មាឌធំ ហើយខ្លាំងពូកែ ហើយជាបុរសម្នាក់ដ៏សំណប់ជាខ្លាំងនៃព្រះអម្ចាស់ ទើបយ៉ារេឌជាប្អូននិយាយទៅលោកថា ៖ ចូរអំពាវនាវដល់ព្រះអម្ចាស់ សូមកុំឲ្យទ្រង់បំភាន់យើងធ្វើឲ្យយើងមិនយល់ពាក្យរបស់យើងឡើយ។
៣៥ហើយហេតុការណ៍បានកើតឡើងថា បងរបស់យ៉ារេឌ បានអំពាវនាវដល់ព្រះអម្ចាស់ ហើយព្រះអម្ចាស់ទ្រង់មានព្រះហឫទ័យអាណិតអាសូរដល់យ៉ារេឌ ហេតុដូច្នោះហើយ ទ្រង់ពុំបានបំភាន់ភាសារបស់យ៉ារេឌទេ ហើយយ៉ារេឌ និងបងប្រុសរបស់លោកពុំត្រូវបានបំភាន់ឡើយ។
៣៦បន្ទាប់មក យ៉ារេឌបាននិយាយទៅកាន់បងរបស់លោកថា ៖ ចូរអំពាវនាវដល់ព្រះអម្ចាស់ទៀត ក្រែងទ្រង់នឹងបំបែរសេចក្ដីពិរោធរបស់ទ្រង់ចេញពីពួកគេ ដែលជាមិត្តរបស់ពួកយើង ដើម្បីកុំឲ្យទ្រង់បំភាន់ភាសារបស់ពួកគេផង។
៣៧ហើយហេតុការណ៍បានកើតឡើងថា បងរបស់យ៉ារេឌបានអំពាវនាវដល់ព្រះអម្ចាស់ ហើយព្រះអម្ចាស់ទ្រង់មានព្រះហឫទ័យអាណិតអាសូរដល់ពួកមិត្តរបស់គេ និងគ្រួសារគេផង ទើបពួកគេពុំត្រូវបានបំភាន់ឡើយ។
៣៨ហើយហេតុការណ៍បានកើតឡើងថា យ៉ារេឌបាននិយាយទៅកាន់បងរបស់លោកទៀតថា ៖ ចូរទៅទូលសួរព្រះអម្ចាស់មើល ថាតើទ្រង់នឹងដេញពួកយើងចេញពីដែនដីនេះទេ ហើយបើសិនជាទ្រង់នឹងដេញពួកយើងចេញពីដែនដី ចូរអំពាវនាវដល់ទ្រង់ថា តើពួកយើងនឹងទៅទីណា។ ហើយក្រែងលោព្រះអម្ចាស់ទ្រង់នឹងនាំយើងទៅក្នុងដែនដីមួយ ដែលជាកជម្រើសលើដែនដីឯទៀតនៅលើផែនដី? ហើយប្រសិនបើដូច្នោះមែន ចូរយើងមានចិត្តស្មោះត្រង់ចំពោះព្រះអម្ចាស់ ដើម្បីពួកយើងអាចទទួលដែនដីនោះទុកជាកេរ្តិ៍អាកររបស់យើង។
៣៩ហើយហេតុការណ៍បានកើតឡើងថា បងរបស់យ៉ារេឌ បានអំពាវនាវដល់ព្រះអម្ចាស់ ស្របតាមអ្វីៗដែលបាននិយាយដោយមាត់របស់យ៉ារេឌ។
៤០ហើយហេតុការណ៍បានកើតឡើងថា ព្រះអម្ចាស់ទ្រង់បានឮបងរបស់យ៉ារេឌ ហើយមានព្រះហឫទ័យអាណិតអាសូរដល់លោក ហើយមានព្រះបន្ទូលទៅកាន់លោកថា ៖
៤១ចូរទៅប្រមូលហ្វូងសត្វរបស់អ្នកមក ទាំងឈ្មោលទាំងញីគ្រប់ប្រភេទ និងគ្រាប់ពូជគ្រប់យ៉ាងនៃផែនដីផង និងគ្រួសារទាំងឡាយរបស់អ្នក និងយ៉ារេឌជាប្អូនរបស់អ្នក និងកគ្រួសាររបស់គាត់ផង និងពួកមិត្តភក្តិរបស់អ្នក និងគ្រួសាររបស់គេ និងខមិត្តភក្តិរបស់យ៉ារេឌ និងគ្រួសាររបស់គេផង។
៤២ហើយកាលណាអ្នកបានធ្វើយ៉ាងនេះហើយ នោះអ្នកត្រូវកដើរនាំមុខពួកគេចុះទៅក្នុងច្រកភ្នំដែលនៅខាងជើង។ ហើយនៅទីនោះ យើងនឹងខជួបនឹងអ្នក ហើយយើងនឹងនាំអ្នកទៅឯដែនដីមួយ ដែលជាគជម្រើសលើដែនដីទាំងអស់នៃផែនដី។
៤៣ហើយនៅទីនោះ យើងនឹងប្រទានពរដល់អ្នក និងពូជអ្នក ហើយនឹងបង្កើតដល់យើងពីពូជអ្នក និងពីពូជនៃប្អូនអ្នក និងពីពួកអ្នកដែលទៅជាមួយនឹងអ្នកនូវប្រជាជាតិដ៏មហិមាមួយ។ ហើយគ្មានប្រជាជាតិណាមហិមាជាងប្រជាជាតិ ដែលយើងនឹងបង្កើតពីពូជអ្នកឡើយ គឺនៅលើអស់ទាំងផ្ទៃផែនដី។ ម្ល៉ោះហើយ យើងនឹងធ្វើសម្រាប់អ្នក ដោយព្រោះអ្នកបានអំពាវនាវដល់យើងអស់ពេលដ៏យូរយ៉ាងនេះ៕