Ngaahi Folofolá
ʻEta 5


Vahe 5

ʻE tuʻu ha kau fakamoʻoni ʻe toko tolu mo e ngāué ni ko ha fakamoʻoni ki hono moʻoni ʻo e Tohi ʻa Molomoná.

1 Pea ko ʻeni ko au, Molonai, kuó u hiki ʻa e ngaahi lea naʻe fekau kiate aú, ʻo fakatatau ki heʻeku manatú; pea kuó u fakahā kiate koe ʻa e ngaahi meʻa ʻa ia kuó u afakamaʻú; ko ia ʻoua naʻá ke ala ki ai, koeʻuhi ke ke liliu ia; he kuo tapui ʻa e meʻa ko ia kiate koe, tuku kehe pē ʻo kapau ʻe toki ʻafioʻi ʻe he finangalo poto ʻo e ʻOtuá ʻoku lelei.

2 Pea vakai, mahalo naʻá ke faingamālie ke fakahā ʻa e ngaahi peletí kiate akinautolu te nau tokoni ke fakahoko ʻa e ngāué ni.

3 Pea ʻe fakahā ia ki ha toko atolu ʻi he māfimafi ʻo e ʻOtuá; ko ia te nau bʻilo pau ʻoku cmoʻoni ʻa e ngaahi meʻá ni.

4 Pea ʻi he ngutu ʻo e kau afakamoʻoni ʻe toko tolu ʻe fakamoʻoniʻi ʻa e ngaahi meʻá ni kotoa pē; pea ko e fakamoʻoni ʻa e toko tolú, mo e tohi ní, ʻa ia ʻe fakahā ai ʻa e māfimafi ʻo e ʻOtuá pea mo ʻene folofolá foki, ʻa ia ʻoku fakamoʻoni ki ai ʻa e Tamaí, mo e ʻAló, pea mo e Laumālie Māʻoniʻoní—pea ko e ngaahi meʻá ni kotoa pē ʻe tuʻu ia ko ha fakamoʻoni ke talatalaakiʻi ʻaki ʻa e māmaní ʻi he ʻaho fakaʻosí.

5 Pea kapau leva te nau fakatomala pea ahaʻu ki he Tamaí ʻi he huafa ʻo Sīsuú, ʻe tali ʻa kinautolu ʻi he puleʻanga ʻo e ʻOtuá.

6 Pea ko ʻeni, kapau ʻoku ʻikai te u maʻu ha mafai ki he ngaahi meʻá ni, mou fakamaau; he te mou ʻiloʻi ʻoku ou maʻu ʻa e mafai ʻo ka mou ka mamata kiate au, pea te tau tuʻu ʻi he ʻao ʻo e ʻOtuá ʻi he ʻaho fakaʻosí. ʻĒmeni.