iVolanikalou
Ica 6


Wase 6

Era sa biligi yani ena cagi na nodra waqa na Jeretaiti ki na vanua yalataki—Era sa vakacaucautaka na Turaga ko ira na tamata ena vuku ni Nona vinaka—Sa lesi ko Oraia me nodra tui—Erau sa mate ko Jereti kei tuakana.

1 Ia oqo, ko i au ko Moronai, au na vola mada na kedrau itukutuku ko Jereti kei tuakana.

2 Ni sa qai yaco ni sa vakarautaka oti na Turaga na avatu ka a kauta cake na tuakai Jereti ki na ulunivanua, sa qai lako sobu mai na ulunivanua ko tuakai Jereti, ka biuti ira na vatu ki na waqa era sa vakarautaki oti tu, me yadua ena muana ruarua; ka raica a ra sa vakararamataka na loma ni waqa.

3 A sa qisia na vatu na Turaga me serau mai ena butobuto, me solia na rarama vei ira na tagane, yalewa, kei ira na gone, io me ra kakua kina ni kosova na wasawasa levu ena butobuto.

4 Ka sa yaco ni ra sa vakarautaka oti na veimataqali kakana, me rauti ira e loma ni wasawasa, ka vakakina na kedra kakana na nodra qele ni manumanu kecega, na manumanu yavai va kei na manumanu vuka, era na kauta vata kei ira—ka sa yaco ni ra sa cakava oti na veika oqo era sa qai vodo ki na nodra waqa se na boto ka soko yani ki wasawasa, era sa tataunaki ira vua na Turaga na nodra Kalou.

5 Ka sa yaco ni sa vakavuna na Turaga na Kalou me liwa e dua na acagi kaukauwa e dela ni wasawasa, vaka ki na vanua yalataki; o koya era sa biligi kina e dela ni ua ni waitui me muria na mata ni cagi.

6 Ka sa yaco ni sa vakavuqa sara me ra buluti e loma ni waitui, ena vuku ni ua lelevu sa vaka na ulunivanua ka robaki ira, kei na cagilaba levu rerevaki ka ra a vu mai na kaukauwa ni cagi.

7 Ka sa yaco ni sa sega na wai e vakacacani ira ena gauna era sa ubi kina e loma ni wasaliwa titobu, ni sa adregati matua sara na nodra waqa me vaka na dari, ka sa kaukauwa me vaka na bwaqa i Noa; ia ni ra ubi tu e loma ni wai era sa masu vua na Turaga, a sa vakavuderi ira cake tale e dela ni wai ko koya.

8 Ka sa yaco ni sa sega vakadua ni cegu na liwa tiko ni cagi vaka ki na vanua yalataki ena gauna kece era tiko kina e wasawasa; a ra sa biligi kina ka muria yani na mata ni cagi.

9 Era sa ia na asere ni vakacaucau vua na Turaga; io, sa ia na sere ni vakacaucau vua na Turaga na tuakai Jereti, ka sa bvakavinavinaka ka vakacaucautaka na Turaga ena siga taucoko; ia ni sa bogi mai na vanua, sa sega ni cegu na nodra vakacaucau tiko vua na Turaga.

10 A ra sa biligi yani vakaoqo; ka sa sega ni basuraki ira rawa na manumanu rerevaki ni waitui; se me vakacacani ira na tavuto; ka sa waqa tiko ga na nodra cina, se ra tiko e dela ni wai se ena loma ni wai.

11 Era sa biligi yani vakaoqo me tolu na drau-vasagavulu kava na siga ena dela ni wasawasa.

12 Era sa kele yani ki na matasawa ni vanua yalataki. Ia ni ra sa butuka na matasawa ni vanua yalataki, era sa cuva sobu ki na dela ni vanua, ka vakayalomalumalumutaki ira vua na Turaga, ka sa drodro na wai ni mata ni marau vua na Turaga ena vuku ni nona yalo loloma levu.

13 Ka sa yaco ni ra sa lako yani ena dela ni vanua, ka tekivu vakarautaka na qele me teivaki.

14 Eratou sa lewe va na luve i Jereti; ka yacadratou ko Jekomi, Kilika, Maya kei Oraia.

15 Ka sa vakaluveni tale ga ko tuakai Jereti, na luvena tagane kei na yalewa.

16 Era sa lewe ruasagavulu karua na nodrau aitokani ko Jereti kei tuakana; era sa vakaluveni tale ga ni bera ni ra yaco ki na vanua yalataki, na luvedra tagane kei na yalewa; a ra sa tekivu me ra lewevuqa sara.

17 Era sa vakavulici me ra alako ena yalo malumalumu ena mata ni Turaga; ka ra sa bvakavulici tale ga mai lomalagi.

18 Ka sa yaco ni ra sa tekivu tawana yani na dela ni vanua ka tubu me lewe vuqa ka vakarautaka na qele me teivaki; era sa kaukauwa cake sara ena vanua.

19 A sa qase sara mai na tuakai Jereti ka kila ni sa voleka me lako sobu ki na ibulubulu; o koya sa vosa kina vei Jereti ka vaka: Me daru soqoni ira vata mada na nodaru tamata ka wiliki ira, ia me daru taroga tale ga se cava era vinakata vei kedaru ni bera ni daru lako sobu ki na nodaru ibulubulu.

20 Era sa mani vakasoqoni vata kina na tamata. A ra sa lewe ruasagavulu karua na luvena tagane kei na yalewa na tuakai Jereti; ia era sa lewe tinikarua na luve i Jereti, e lewe va na luvena tagane.

21 Ka sa yaco ni rau sa wiliki ira na nodrau tamata; ia ni rau sa wiliki ira oti, erau sa qai taroga na ka era vinakata me rau kitaka vei ira ni bera ni rau lako sobu ki na nodrau ibulubulu.

22 Ka sa yaco ni ra sa vinakata na tamata me rau alumuta e dua na luvedrau tagane me nodra tui.

23 Ka raica, erau sa rarawa ena ka oqo. Ka sa kaya vei ira ko tuakai Jereti: Ko ni na avakabobulataki vakaidina ena ka oqo.

24 Ia a sa kaya ko Jereti vei tuakana: Laiva ga me dua na nodra tui. Sa qai kaya vei ira ko koya: Mo ni digitaka e dua vei ira na luvei keirau me nomuni tui.

25 Ka sa yaco ni ra sa digitaka na ulumatua i tuakai Jereti; ka yacana ko Pakeki. Ka sa yaco ni sa sega ni vinakata ko koya me nodra tui. Era sa vinakata na tamata me vakasaurarataki koya ko tamana me tui ia e a sega ni vakayacora ko tamana; a sa vakaroti ira ko koya me ra kakua ni vakasaurarataka e dua na tamata me tui.

26 Ka sa yaco ni ra sa digitaki iratou yadua na taci Pakeki, ka ratou sa bese kecega.

27 Ka sa yaco ni ratou sa sega tale ga ni vinakata ko iratou na luvei Jereti, ka vakavo ga e dua; na yacana ko Oraia, a sa lumuti ko koya me nodra tui na tamata.

28 A sa tekivu na nona gauna ni lewa, ka sa tekivu me ra tiko sautu na tamata; ka vutuniyau vakalevu sara.

29 Ka sa yaco ni sa mate ko Jereti kei tuakana tale ga.

30 Ka sa yaco ni sa lako ena yalo malumalumu ko Oraia ena mata ni Turaga, ia sa dau nanuma na veika lelevu sa vakayacora na Turaga vei tamana, a sa vakatavulica tale ga vei ira na nona tamata na veika lelevu sa kitaka na Turaga vei ira na nodra qase.