Ica 

Na kedra itukutuku na Jeretaiti ka tauri mai na peleti e ruasagavulu kava era a kunea na tamata i Limiai ena gauna i Mosaia na Tui.

Wase 1

Sa vakalekalekataka ko Moronai na volavola i Ica—Sa soli na itukutuku ni kawa i Ica—Sa sega ni vakasesei na nodra vosa na Jeretaiti ena vale cecere mai Pepeli—Sa yalataka na Turaga ni na liutaki ira ki na dua na vanua digitaki ka qisi ira me dua na matanitu qaqa.

Wase 2

Era sa vakarautaka na Jeretaiti na nodra ilakolako ki na dua na vanua yalataki—E vanua digitaki ka me ra na qaravi Karisito na lewena se era na vakarusai—Sa vosa na Turaga vua na tuakai Jereti me tolu na auwa—Era sa ta waqa na Jeretaiti—Sa tarogi tuakai Jereti na Turaga me vakatura na sala me ra vakararamataki kina na waqa.

Wase 3

Sa raica ko tuakai Jereti na iqaqalo ni liga ni Turaga ni sa tara e tinikaono na vatu—Sa vakaraitaka na Karisito na Yagona vakayalo ki vua na tuakai Jereti—Era na sega ni rawa ni tarovi mai na ilati o ira e sa taucoko na nodra kila ka—Era sa vakarautaki tu na iyaragi ni vakavakadewa me na kilai kina na kedra itukutuku na Jeretaiti.

Wase 4

Sa vakaroti ko Moronai me dregata ka maroroya na volavola i tuakai Jereti—Era na sega ni vakatakilai me yacova ni sa tu vei ira na tamata na mataqali vakabauta vata ga ka a tu vua na tuakai Jereti—Sa vakaroti ira na tamata na Karisito me ra vakabauta na Nona vosa kei na nodra vosa na Nona tisaipeli—Era sa vakaroti na tamata me ra veivutuni, vakabauta na kosipeli, ka me ra na vakabulai.

Wase 5

Eratou na tu na ivakadinadina e tolu kei na cakacaka sara ga vakaikoya me vakadinadinataka na dina ni iVola i Momani.

Wase 6

Era sa biligi yani ena cagi na nodra waqa na Jeretaiti ki na vanua yalataki—Era sa vakacaucautaka na Turaga ko ira na tamata ena vuku ni Nona vinaka—Sa lesi ko Oraia me nodra tui—Erau sa mate ko Jereti kei tuakana.

Wase 7

Sa lewa vakadodonu ko Oraia—Sa vakaduri na nodrau matanitu dau veiqati ko Sule kei Ko-ori ena dela ni kove itutu kei na veicacati—Era sa vunauca na parofita na nodra caka ca kei na nodra qaravi kalou matakau na tamata, ka ra sa veivutuni kina.

Wase 8

Sa tiko na veicacati kei na veiqati me baleta na matanitu—Sa bulia ko Akisi e dua na isoqosoqo vuni ka vauci ena bubului me vakamatei na tui—Sa mai vua na tevoro na veisoqosoqo vuni ka dau vakavuna na nodra vakarusai na veimatanitu—Era sa vakasalataki na Veimatanitu Tani ena gauna oqo me baleta na isoqosoqo vuni ka ra na segata me ra vakawabokotaka na nodra galala na veivanua kei na veimatanitu.

Wase 9

Sa soli na matanitu mai vua e dua ki vua e dua tale ena veitaravi ni kawa, na vere vuni, kei na laba—Sa raica ko Ima na Luve ni Valavala Dodonu—Era sa vunautaka na veivutuni e lewe levu na parofita—Sa vakacacani ira na tamata e dua na dausiga kei ira na gata batigaga.

Wase 10

Era sa veisosomitaki na tui—Era sa ivalavala dodonu e so na tui; ka ra caka ca e so tale—Era sa vakalougatataki ka vakasaututaki na tamata mai vua na Turaga ena gauna era bula dodonu kina.

Wase 11

Sa ivakarau ni nodra bula na Jeretaiti na ivalu, na veisei, kei na caka ca—Era sa tukuna na parofita na nodra vakarusai vakadua na Jeretaiti ka vakavo ga kevaka era veivutuni—Era sa sega ni ciqoma na nodra vosa na parofita ko ira na tamata.

Wase 12

Sa vakauqeti ira na tamata ko Ica na parofita me ra vakabauta na Kalou—Sa tukuna tale ko Moronai na veika veivakurabuitaki ka talei ka caka ena vakabauta—Ena vakabauta e a raica rawa kina na Karisito ko tuakai Jereti—Sa solia na Turaga vei ira na tamata na malumalumu me ra yalomalumalumu kina—Sa tosoya na Ulunivanua ko Serini na tuakai Jereti ena vakabauta—Sa dodonu me tiko na vakabauta, na inuinui, kei na loloma uasivi me qai rawa kina na veivakabulai—Erau sa veisotari mata ko Moronai kei Jisu.

Wase 13

Sa vosa ko Ica ena vuku ni dua na Jerusalemi Vou ka ra na tara e Amerika na kawa i Josefa—Sa parofisai, ka vakasavi, sa vola na kedra itukutuku na Jeretaiti, ka tukuna rawa na nodra vakarusai na Jeretaiti—Sa robota na vanua taucoko na ivalu.

Wase 14

Sa kauta mai e dua na cudru ki na vanua na nodra caka cala na tamata—Sa valuti Kiliati ko Korianatuma, ka qai ko Lipi, sa qai ko Sisi—Sa robota na vanua na dra kei na veivakamatematei.

Wase 15

Era sa mate ena ivalu e milioni na Jeretaiti—Erau sa vakarautaki ira na tamata ko Sisi kei Korianatuma ki na vala me yacova na mate—Sa mudu na nona dau vakauqeti ira na Yalo ni Turaga—Sa vakarusai vakadua na nodra matanitu na Jeretaiti—Sa qai vo duadua ga ko Korianatuma.