Dagiti Kapitulo 

Ti kasuratan dagiti Jaredite, a naala kadagiti duapulo-ket-uppat a pinanid a nasarakan dagiti tao ni Limhi kadagidi aldaw ni ari Mosiah.
Kapitulo 1
Yababa ni Moroni dagiti kasuratan ni Ether—Maisagana ti kapupuon ni Ether—Saan a nakiro ti pagsasao dagiti Jaredite iti Torre ni Babel—Ikari ti Apo nga idauluanna nga agpili iti daga ket pagbalinenna ida a nabileg a pagilian.
Kapitulo 2
Isagana dagiti Jaredite ti panagdaliasatda nga agturong iti naikari a daga—Daytoy ti napili a daga a nasken a pagserbian dagiti tao ken ni Cristo wenno masagadda—Kasarita ti Apo ti kabsat ni Jared iti tallo nga oras—Agaramid dagiti Jaredite iti bilog—Ibaga ti Apo iti kabsat ni Jared a mangisingasing iti pamay-an no kasano a maikkan iti silaw dagiti bilog.
Kapitulo 3
Makita ti kabsat ni Jared ti ramay ti Apo iti panangsagidna kadagiti sangapulo-ket-innem—Ipakita ni Cristo ti bagina nga espiritu iti kabsat ni Jared—Saan a mayadayo iti belo dagiti addaan iti naan-anay a pannakaammo—Mapaadda dagiti agipatpatarus a mangipakaammo iti kasuratan a Jaredite.
Kapitulo 4
Mabilin ni Moroni a mangitalimeng kadagiti sinurat ti kabsat ni Jared—Saandanto a maipalgak agingga a di maaddaan dagiti tao iti pammati a kas iti kabsat ni Jared—Bilinen ni Cristo dagiti tao a mamati kadagiti balikasna ken kadagiti disipulona—Mabilin dagiti tao nga agbabawi, mamati iti ebanghelio, ket maisalakanda.
Kapitulo 5
Agtakderto a mamaneknek iti kinapudno ti Libro ni Mormon dagiti tallo a saksi ken ti aramid a mismo.
Kapitulo 6
Iturong ti angin dagiti bilog a Jaredite iti naikari a daga—Dayawen dagiti tao ti Apo gapu iti kinaimbagna—Madutokan ni Orihah nga arida—Pumusay da Jared ken ti kabsatna.
Kapitulo 7
Agturay ni Orihah iti kinalinteg—Iti baet ti panagiinnagaw ken panagririri mabangon dagiti agbalubal a pagarian da Shule ken Cohor—Babalawen dagiti propeta ti kinadangkes ken ti panagrukbab dagiti tao iti didiosen, a nagbabawi met laeng.
Kapitulo 8
Adda riribuk ken panagsusupanget iti pagarian—Mangbukel ni Akish iti tulag a nalimed a kinnunsabo a mangpapatay iti ari—Kukua ti sairo ti nalimed a kinnunsabo ket agbanag iti pannakadadael dagiti pagilian—Maballaagan dagiti kabaruanan a Gentil a maibusor iti nalimed a kinnunsabo nga agpanggepto a mangagaw iti wayawaya iti amin a daga, il-ili, ken pagilian.
Kapitulo 9
Aglasat ti pagarian iti tunggal maysa babaen ti kapupuon, sinnair, ken nadawel a panagpapatay—Nakita ni Emer ti Anak ti Kinalinteg—Adu a propeta ti mangyar-araraw iti panagbabawi—Riribuken ti bisin ken nagita nga ul-uleg dagiti tao.
Kapitulo 10
Masukansukat ti ari—Sumagmamano kadagiti ari ti nalinteg; nadangkes dagiti dadduma—No agturay ti kinalinteg, mabendisionan dagiti tao ket parang-ayen ida ti Apo.
Kapitulo 11
Rimbawan dagiti gubgubat, sinnuppiat, ken kinadangkes iti panagbiag dagiti Jaredite—Ipadto dagiti propeta ti di maliklikan a pannakadadael dagiti Jaredite malaksid no agbabawida—Supringen dagiti tao dagiti balikas dagiti propeta.
Kapitulo 12
Gutugoten ni propeta Ether dagiti tao a mamati iti Dios—Lagipen ni Moroni dagiti nakaskasdaaw ken datdatlag a naaramid ti pammati—Inikkan ti pammati ti kabsat ni Jared iti gundaway a makakita ken ni Cristo—Ikkan ti Apo dagiti tao iti pagkapsutan tapno agbalinda a napakumbaba—Pinagaraw ti kabsat ni Jared ti Bantay Zerin babaen ti pammati—Napateg iti pannakaisalakan ti pammati, namnama, ken panangngaasi—Nakita ni Moroni ni Jesus iti rupanrupa.
Kapitulo 13
Ibaga ni Ether ti Baro a Jerusalem a mabangon iti America babaen ti bukel ni Jose—Agipadto, mapapanaw, isuratna ti pakasaritaan dagiti Jaredite, ken ipadlesna ti pannakadadael dagiti Jaredite—Bumtak ti gubat iti amin a daga.
Kapitulo 14
Mangyeg iti lunod iti daga ti basbasol dagiti tao—Makigubat ni Coriantumr ken ni Gilead, sa ken ni Lib, sa ken ni Shiz—Aplagan ti dara ken nadawel a pammapatay ti daga.
Kapitulo 15
Linaklaksa a Jaredite ti mapapatay iti pagbabakalan—Ummongen da Shiz ken Coriantumr dagiti amin a tao a makirapukrapok—Isardeng ti Espiritu ti Apo ti mangtarabay kadakuada—Madadael a kasta unay ti pagilian a Jaredite—Ni la Coriantumr ti mabati.