Mataupu 

O le talafaamaumau o sa Iaretō, na sii mai papatusi e luasefulu ma le fa ia na maua e tagata o Limae i aso o le tupu o Mosaea.
Mataupu 1
Ua otooto e Moronae tusitusiga a Eteru—Ua faamatala mai le gafa o Eteru—Sa lei faaeseeseina le gagana a sa Iaretō i le Olo o Papelu—Ua folafola mai e le Alii o le a ia taitaia i latou i se laueleele filifilia ma faia i latou ia avea ma se malo tele.
Mataupu 2
Ua sauni sa Iaretō mo la latou malaga atu i se laueleele na folafolaina—O lea laueleele o se laueleele filifilia e ao ina auauna atu ai ia Keriso e o nonofo ai a leai o le a tafiesea i latou—Ua fetalai mai le Alii i le uso o Iareto mo le tolu itula—Ua fausia e sa Iareto ni vaa—Ua fetalai le Alii i le uso o Iareto e fautua atu se ala e faamalamalama ai vaa.
Mataupu 3
Ua vaai le uso o Iareto i le tamatamaiaao o le Alii ao pai ane o ia i maa e sefuluono—Ua faaali mai e Keriso lona tino agaga i le uso o Iareto—O i latou o e ua mauaina se malamalama atoatoa e le mafai ona taofia mai totonu o le veli—Ua saunia maa-faamatala gagana e aumai ai le talafaamaumau a sa Iaretō i le malamalama.
Mataupu 4
Ua poloaiina Moronae e faamaufaailoga tusitusiga a le uso o Iareto—O le a le faaalia ia mea seia maua e tagata le faatuatua e pei lava o le uso o Iareto—Ua poloaiina tagata e Keriso ia talitonu i ana upu ma upu a ona soo—Ua poloaiina tagata ia salamo, talitonu i le talalelei, ma faaolaina.
Mataupu 5
O molimau e toatolu ma le galuega lava ia o le a tutu o se molimau i le moni o le Tusi a Mamona.
Mataupu 6
Ua uunai atu vaa o sa Iaretō e le matagi agai i le laueleele na folafolaina—Ua vivii atu le nuu i le Alii mo lona agalelei—Ua tofia Oraea e avea ma tupu i luga o i latou—Ua maliliu Iareto ma lona uso.
Mataupu 7
Ua nofotupu Oraea i le amiotonu—Ua faatutuina malo vatau o Sule ma Koʼoro i le lotolotoi o fouvalega ma fetauaiga—Ua tausalaina e perofeta le amioleaga ma le ifo i tupua o tagata, o e na salamo ai.
Mataupu 8
Ua i ai feteenaiga ma finauga i le malo—Ua faatu e Akiso se faapotopotoga faalilolilo ua fusia i se tautoga e fasioti le tupu—O faapotopotoga faalilolilo e mai le tiapolo ma e iu i le faaumatiaina o malo—Ua lapatai Nuuese o ona po nei e faasaga i le faapotopotoga faalilolilo lea o le a saili e faatoilalo le saolotoga o laueleele uma, malo, ma atunuu.
Mataupu 9
E faasolo atu le malo mai le tasi i le isi e ala i le gafa, togafiti, ma le fasioti tagata—Sa vaai Emera i le Atalii o le Amiotonu—E toatele perofeta ua latou alaga atu le salamo—Ua malaia tagata i se oge ma gata uogo.
Mataupu 10
Ua sui le tasi tupu i le isi tupu—O ni isi o tupu ua amiotonu; o ni isi ua amioleaga—A manumalo le amiotonu, e faamanuia ma faatamaoaiga e le Alii tagata.
Mataupu 11
O pulea e taua, fevaevaeaiga, ma le amioleaga olaga o tagata sa Iaretō—Ua valoia e perofeta le faaumatiaina atoa o sa Iaretō vagana ai ua latou salamo—Ua teena e tagata upu a perofeta.
Mataupu 12
Ua apoapoai atu le perofeta o Eteru i tagata ia talitonu i le Atua—Ua toe faamatala mai e Moronae mea ofoofogia ma maoae na faia i le faatuatua—O le faatuatua na mafai ai e le uso o Iareto ona vaai ia Keriso—E tuuina mai e le Alii i tagata vaivaiga ina ia faalotomaualalalo ai i latou—Sa aveese e le uso o Iareto le Mauga o Serima i le faatuatua—Ua taua mo le olataga le faatuatua, faamoemoe, ma le alofa mama—Sa vaai Moronae ia Iesu faafesagai lava.
Mataupu 13
Ua tautala Eteru e uiga i se Ierusalema Fou o le a faatu i Amerika e fanau a Iosefa—Ua vavalo atu o ia, ua tuli ese o ia i fafo, ua ia tusia le talafaasolopito o sa Iaretō, ma ua ia valoia le faaumatiaga o sa Iaretō—Ua sasao malosi taua i luga o le laueleele atoa.
Mataupu 14
O le amioleaga o tagata ua aumai ai se fetuu i luga o le laueleele—Ua tau e Korianetuma se taua e faasaga ia Kiliata, sosoo ai ma Lipi, ona sosoo ai lea ma Sesa—Ua lofia le laueleele i le toto ma tagata oti.
Mataupu 15
E miliona ma miliona sa Iaretō ua fasiotia i taua—Ua faapotopoto e Sesa ma Korianetuma tagata uma e tau seia oo i le oti—Ua le toe taumafai le Agaga o le Alii ia te i latou—Ua faaumatia atoa le malo o sa Iaretō—Nao Korianetuma ua totoe.