Jeje Ko Rekwojarjar
Hilamōn 5


Jebta 5

Nipai im Liai rej ajeļo̧k erro n̄an kwaļo̧k naan—Etaer ej karuwaineneik tok er n̄an jon̄e mour ko aer ilo̧kan ro jim̧m̧aer—Kraist ej lo̧mo̧o̧ren ro rej ukeļo̧k—Nipai im Liai rej kōm̧m̧an elōn̄ rioktak ro im kar kalbuuji erro, im kijeek ej kapooļe erro—Juon kōdo̧ in maroklep ej kaliboboik jilubukwi armej—Laļ ej m̧akūtkūt, im juon ainikien ej jiron̄ armej n̄an ukeļo̧k—Nipai im Liai rej kōmmao ippān enjeļ ro, im jar ko kar kapooļ er kōn kijeek. Iturinļo̧k 30 M.K.

1 Im ālikin men kein ilo ejja iiō in wōt, lo, aNipai eaar leļo̧k jea in ekajet eo n̄an juon em̧m̧aan etan eaar Sizoram.

2 Bwe āinwōt kakien ko aer im kien ko aer raar jutak jān aainikien armej ro, im er ro raar bkāālet nana raar lōn̄ļo̧k jān er ro raar kāālet em̧m̧an, kōn menin raar kaloļo̧k n̄an ko̧kkure, bwe kakien ko raar ankekeļo̧k.

3 Aaet, im eaar jab aolepān in; raar aolep juon armej rekijn̄en̄e kōnwaer, jon̄an raar jab maron̄ oņaake er kōn kien ak jim̧we, ijello̧kun wōt n̄e eaar n̄an ko̧kkure eo aer.

4 Im ālikin men kein Nipai eaar ekkōlļo̧k kōnke nana eo aer; im eaar akōtļo̧k jea in ekajet eo, im bōk ioon e n̄an kwaļo̧k naan eo an Anij aolepān bwe in raan ko an, im ļeo jein im jatin Liai barāinwōt, aolep bwe in raan ko an.

5 Bwe raar keememej naan ko jemāer Hilamōn eaar kōnono n̄an er. Im erkein rej naan ko eaar kōnono:

6 Lo, ro nejū m̧aan, ikōņaan bwe kom̧in keememej n̄an kōjparok kien ko an Anij; im ikōņaan bwe kom̧in kwaļo̧k n̄an armej rein naan kein. Lo, iaar lewōj n̄an kom̧ āt ko etan ro ajemād im jined m̧oktata ro raar diwōjtok jān āneen Jerusalem; im men in iaar kōm̧m̧an bwe n̄e kom̧ij keememej āt ko etami kom̧ maron̄ keememej er; im n̄e kom̧ij keememej er kom̧ maron̄ keememej jerbal ko aer; im n̄e kom̧ij keememej jerbal ko aer kom̧ maron̄ jeļā ekōjkan ba ennaan in, im barāinwōt kar jeje, bwe raar bem̧m̧an.

7 Kōn menin, ro nejū m̧aan, ikōņaan bwe kom̧in kōm̧m̧an men eo em̧m̧an, bwe ren maron̄ ba kōn kom̧, im barāinwōt jeje, em̧ool āinwōt kar ba im jeje kōn er.

8 Im kiiō ro nejū m̧aan, lo eļapļo̧k ijo ikōņaan jān kom̧, kōņaan eo me, bwe kom̧in maron̄ jab kōm̧m̧ani men kein bwe kom̧in maron̄ kōmmejāje, a bwe kom̧in kōm̧m̧ani men kein n̄an likūt mennin aaorōk ko ami ilo lan̄, aaet, eo ej n̄an indeeo, im eo ej jamin jako; aaet, bwe en wōr ami mennin bletok in mour indeeo, eo ewōr unin bwe jān kōtmāne bwe em̧ōj kar leļo̧k n̄an ro jemād.

9 O keememej, keememej, em̧m̧aan ro nejū, anaan ko kiin̄ Benjamin eaar kōnono n̄an armej ro an; aaet, keememej bwe ejjeļo̧k bar iaļ ak wāween eo im ie armej remaron̄ mour, kōn wōt bōtōktōkin bpinmuur an Jisōs Kraist, eo Enaaj itok; aaet, keememej bwe E ej itok n̄an clo̧mo̧o̧ren dlaļ.

10 Im keememej barāinwōt anaan ko Amulek eaar kōnono n̄an Ziezrom, ilo jikin kwelo̧k in Ammōnaia; bwe eaar ba n̄an e bwe em̧ool Irooj Enaaj itok im pinmuuri armej ro An, a bwe E jamin itok n̄an lo̧mo̧o̧ren er ilo jero̧wiwi ko aer, a n̄an lo̧mo̧o̧ren er jān jero̧wiwi ko aer.

11 Im E ewōr an kajoor leļo̧k n̄an e jān Jemān n̄an lo̧mo̧o̧ren er jān jero̧wiwi ko aer kōnke ukeļo̧k; kōn menin Eaar ajilkintok enjeļ ro An n̄an kwaļo̧k naan ko rem̧m̧an kōn jekjek ko an ukeļo̧k, eo ej bōktok kajoor in Ripinmuur eo, n̄an lo̧mo̧o̧r eo an armej ro.

12 Im kiiō, ro nejū m̧aan, keememej, keememej bwe ej ioon aejm̧aan in ad Ripinmuur, eo ej Kraist, eo Nejin Anij, bwe kom̧ij aikuj kalōk bpedped ko ami; bwe n̄e devil enaaj jilkintok kōto ko an rekajoor, aaet, m̧ade ko an ilo aire, aaet, n̄e aolep wōt dekā im clan̄ rekajoor an renaaj bun̄it eok, enaaj ejjeļo̧k an kajoor ioom̧ n̄an kinōōrļo̧k laļļo̧k eok n̄an ron̄ in būrom̧ōj im wo ejjeļo̧k jem̧ļo̧kin, kōnke ejm̧aan eo kom̧ ar ekkal ioon, eo ej pedped em̧ool, pedped eo eļan̄n̄e armej rej ekkal ioon rej jamin bun̄.

13 Im ālikin men kein erkein naan ko Hilamōn eaar akatakin ļōm̧aro nejin; aaet, eaar katakin er elōn̄ men ko kar jab jei, im barāinwōt elōn̄ men ko kar jei.

14 Im raar keememej naan ko an; im kōn menin raar ilo̧k, im kōjparok kien ko an Anij, n̄an katakin naan in Anij ilubwiljin armej in Nipai, jino ilo jikin kwelo̧k Bun̄-pāļo̧k;

15 Im jān ijo m̧aanļo̧k n̄an jikin kwelo̧k in Gid, im jān jikin kwelo̧k in Gid n̄an jikin kwelo̧k in Mulek;

16 Im em̧ool jān juon jikin kwelo̧k n̄an bar juon, m̧ae aer kar ilo̧k ilubwiljin aolep armej in Nipai ro raar pād ilo āneo irōk; im jān ijoļo̧k ilo āneen Zaraemla, ilubwiljin riLeman ro.

17 Im ālikin men kein raar kwaļo̧k naan kōn eļap kajoor, jon̄an raar kabwilōn̄ elōn̄ iaan arikiojaļjaļ ro raar ilo̧k jān riNipai ro, jon̄an raar ilo̧k im kwaļo̧k jero̧wiwi ko aer im raar peptaij n̄an ukeļo̧k, im m̧ōkaj aer ro̧o̧l n̄an riNipai ro n̄an kijejeto n̄an kajim̧wi n̄an er bōd ko raar kōm̧m̧ani.

18 Im ālikin men kein Nipai im Liai raar kwaļo̧k naan n̄an riLeman ro kōn eļap kajoor im maron̄, bwe kar leļo̧k n̄an er kajoor im maron̄ bwe ren maron̄ aekkōnono, im eaar wōr ta rej aikuj kōnono leļo̧k n̄an ir—

19 Kōn menin raar kōnono n̄an bwilōn̄ eļap an riLeman ro, n̄an akarreel er, jon̄an eaar wōr ruwalitōk to̧ujin in riLeman ro raar pād ilo āneen Zaraemla im ipeļaakin ijo raar peptaij n̄an ukeļo̧k, im kar po burueer kōn nana eo an imminene ko an ro jemāer.

20 Im ālikin men kein Nipai im Liai raar ilo̧k jān ijo n̄an āneen Nipai.

21 Im ālikin men kein juon jarin tariņae eaar bōk er im joļo̧k er ilo akalbuuj; aaet, em̧ool ilo ejja kalbuuj eo wōt Ammōn im ļōm̧aro jein im jatin kar joļo̧k er ie jān ro karejeran Limai.

22 Im ālikin kar joļo̧k er ilo kalbuuj elōn̄ raan ko kōn ejjeļo̧k m̧ōn̄ā, lo, raar ilo̧k im bōk er jān kalbuuj bwe ren maron̄ m̧an er.

23 Im ālikin men kein Nipai im Liai kar jepooļ er kōn akijeek, jon̄an an ļap raar lōļn̄o̧n̄ in likūt peier ioer kōn mijak n̄e raab naaj kar bwil. Mekarta, Nipai im Liai raar jab bwil; im rekar āinwōt jutak ioļapļap in kijeek eo im raar jab bwil.

24 Im raar lo bwe raar pooļ kōn juon ajurōn kijeek, im bwe eaar jab tile er, burueer raar peranļo̧k.

25 Bwe raar lo bwe riLeman ro raar jab likūt peier ioer; im barāinwōt raar lōļn̄o̧n̄ in itok iturier, ak raar jutak āinwōt raar jaje kōnono kōn ļo̧kjānaer.

26 Im ālikin men kein Nipai im Liai raar wōnm̧aanļo̧k im jino kōnono n̄an er, im ba: Kom̧in jab lōļn̄o̧n̄, bwe lo, ej Anij in eaar kwaļo̧k n̄an kom̧ mennin kabwilōn̄lōn̄ in eo kōn e, ej kwaļo̧k n̄an kom̧ bwe kom̧ij jab maron̄ likūt peimi ioom̧ n̄an m̧an kōm.

27 Im lo, ke raar ba naan kein, laļ eaar m̧akūtkūt otem m̧akūtkūt, im kāān kalbuuj eo eaar wūdiddid āinwōt n̄e raar itōn wōtlo̧k n̄an laļ; ak lo, raar jab wōtlo̧k. Im lo, ro raar pād ilo kalbuuj raar riLeman im riNipai ro raar rikiojaļjaļ.

28 Im ālikin men kein rekar libobo kōn juon kōdo̧ in amarok, im juon lōļn̄o̧n̄ ekanooj m̧wilaļ eaar itok ioer.

29 Im ālikin men kein eaar itok juon aainikien āinwōt n̄e eaar ilōn̄ kōdo̧ in marok eo, im ba: Kom̧in ukeļo̧k, kom̧in ukeļo̧k, im jab bar kappukot n̄an ko̧kkure ro karejera im Iaar jilkinwaj n̄an kom̧ n̄an kwaļo̧k naan ko rem̧m̧an.

30 Im ālikin men kein ke raar ron̄ ainikien in, im kar lo bwe eaar jab juon ainikien jourur, im eaar jab juon ainikien eko̧uwaron̄ron̄, a lo, eaar juon aainikien emera in lur eweeppān, āinwōt n̄e eaar juon unoojdikdik, im eaar kabijļo̧k em̧ool n̄an lukkuun bōro—

31 Im mekarta mera in ainikien eo, lo laļ eaar m̧akūtkūt otem m̧akūtkūt, im kāān kalbuuj eo raar bar wūdiddid, āinwōt n̄e eaar nan̄in wōtlo̧k n̄an laļ; im lo kōdo̧ in marok eo, eo eaar kaliboboik er, eaar jab ajeededļo̧k—

32 Im lo ainikien eo eaar bar itok, im ba: Kom̧in ukeļo̧k, kom̧in ukeļo̧k, bwe aelōn̄ in lan̄ ej epaak; im jab bar kappukot n̄an ko̧kkure ro rikarejera. Im ālikin men kein laļ eaar bar m̧akūtkūt, im kāān m̧ōko raar wūdiddid.

33 Im barāinwōt bar alen kein kajilu ainikien eo eaar itok, im kar kōnono n̄an er naan ko rekabwilōn̄lōn̄ ko rej jamin kōnono jān lo̧n̄iin armej; im kāān m̧ōko raar bar m̧akūtkūt, im laļ eaar wūdiddid āinwōt n̄e eaar itōn ajej ijeņ im ijeņ.

34 Im ālikin men kein riLeman ro raar jab ko kōnke kōdo̧ in marok eo eaar kaliboboik er; aaet, im barāinwōt raar tōt kōnke mijak eo eaar itok ioer.

35 Kiiō eaar wōr juon ilubwiljier eo eaar riNipai jān ļotak, eo juon iien eaar an kabun̄ eo an Anij ak eaar jepelļo̧k jān er.

36 Im ālikin men kein eaar oktakļo̧k, im lo, eaar lo deblo̧ke kōdo̧ in marok eo turin mejān Nipai im Liai; im lo, raar aromaak otem romaak, em̧ool āinwōt turin mejān enjeļ raņ. Im eaar lo bwe raar kotak mejaer n̄an lan̄; im raar pād ilo paotok eo āinwōt n̄e rej kōnono ak kotak ainikien n̄an juon armej eo rej loe.

37 Im ālikin men kein, ļein eaar lam̧ōj n̄an jarlepju eo, bwe ren oktakļo̧k im lale. Im lo, eaar wōr kajoor leļo̧k n̄an er bwe ren oktakļo̧k im lale; im raar lo turin mejān Nipai im Liai.

38 Im raar ba n̄an ļeo: Lo, ta meļeļein aolep men kein, im ippān wōn ļōm̧arein rej kōnono?

39 Kiiō ļeo etan eaar Aminatab. Im Aminatab eaar ba n̄an er: Er rej kōnono ippān enjeļ raņ an Anij.

40 Im ālikin men kein riLeman ro rej ba n̄an e: aTa kōm naaj kōm̧m̧ane, bwe kōdo̧ in maron̄ in en maron̄ em̧m̧akūt jān kaliboboik kōm?

41 Im Aminatab eba n̄an er: Kom̧ij aikuj aukeļo̧k, im kūr n̄an ainikien eo, em̧ool m̧ae kom̧ naaj wōr ami btōmak ilo Kraist, eo kar katakin kom̧ kake jān Alma, im Amulek, im Ziezrom; im n̄e kom̧ naaj kōm̧m̧ane men in, kōdo̧ in marok eo eaar ajeededļo̧k.

42 Im ālikin men kein raar aolep jino kūr n̄an ainikien E eo ar kōm̧akūtkūt laļ; aaet, raar kūr em̧ool m̧ae iien eo kōdo̧ in marok eo ar ajeededļo̧k.

43 Im ālikin men kein ke raar reito-reitak, im lo bwe kōdo̧ im marok eo eaar ajeededļo̧k jān kaliboboik er, lo, raar lo bwe rekar apooļ ijeņ im ijeņ, aaet aolep armej, jān juon jurōn kijeek.

44 Im Nipai im Liai raar pād ioļapļapier; aaet, raar pooļ ijeņ im ijeņ; aaet, raar pād āinwōt n̄e ioļapļap in juon kijeek eurur, ak eaar jab ko̧kkure er, im jab tile kāān kalbuuj eo; im raar obrak kōn am̧ōņōņō eo epen kōnono kake im eobrak kōn wōj.

45 Im lo, aJetōb Kwōjarjar an Anij eaar wanlaļtak jān lan̄, im eaar deļo̧n̄ ilo burueer, im raar obrak āinwōt kōn kijeek, im raar maron̄ bkōnono naan ko rekabwilōn̄lōn̄.

46 Im ālikin men kein eaar itok juon ainikien n̄an er, aaet, juon ainikien em̧m̧an, āinwōt n̄e eaar juon unoojdikdik, im ba:

47 aAenōm̧m̧an, aenōm̧m̧an n̄an kom̧, kōnke tōmak eo ami ilo Aō Jitōnbōro Em̧m̧an, eo ej jān pedped ko an laļ.

48 Im kiiō, ke raar ron̄ men in raar reilōn̄ļo̧k mejaer āinwōt n̄an lo jān ia ainikien eo eaar itok; im lo, raar lo alan̄ ko repeļļo̧k; im enjeļ raņ raar wanlaļļo̧k jān lan̄ im kar leļo̧k jipan̄ n̄an er.

49 Im eaar wōr enan̄in jilubukwi armej raar lo im ron̄ men kein; im kar jiron̄ er n̄an ilo̧k im jab bwilōn̄, im ren jab pere.

50 Im ālikin men kein raar ilo̧k, im raar jipan̄ armej ro, im kabun̄bun̄ļo̧k iaolepān bukwōn ko ipeļaakin ijo aolep men ko raar ron̄ im loi, jon̄an eļapļo̧k m̧ōttan riLeman ro raar reel jān er, kōnke ļap in kein kam̧ool ko raar būki.

51 Im jon̄an lōn̄in wōt ro raar areel raar likūt kein tariņae ko aer, im barāinwōt dike eo aer im m̧anit ko an ro jemāer.

52 Im ālikin men kein raar kōtļo̧k n̄an riNipai ro bwidej ko aer.