Dagiti Nasantuan a Kasuratan
Helaman 6


Kapitulo 6

Mangasaba dagiti nalinteg a Lamanite kadagiti nadangkes a Nephite—Agpada dagitoy a tattao a rumang-ay bayat ti panawen ti kappia ken kinalabon—Riribuken ni Lucifer, ti namataud iti basol, ti puso dagiti nadangkes ken iturongna dagiti mannanakaw ni Gadianton iti nadawel a pammapatay ken kinadangkesda—Sublaten dagiti mannanakaw ti gobierno a Nephite. Agarup 29–23 S.C.

1 Ket napasamak nga iti panaggibus ti maikanem-a-pulo-ket-dua a tawen a panagturay dagiti ukom, napasamak amin dagitoy a banag ket nagbalin dagiti Lamanite, ti ad-adu kadakuada, a nalinteg a tattao, nga uray la a rinimbawan pay ti akinalintegda dagiti Nephite, gapu iti kinatibkerda ken ti kinaganetgetda iti pammati.

2 Ta adtoy, adu kadagiti Nephite ti anapatangken ken saan a nakaibtur ken nagbalin a nadangkes, isu a dida inawat ti balikas ti Dios ken amin a panangaskasaba ken pammadto a dimteng kadakuada.

3 Nupay kasta, nalaus ti rag-o dagiti tao ti simbaan gapu iti pannakapagkameng dagiti Lamanite, wen, gapu iti simbaan ti Dios, a naipatakder kadakuada. Ket akinasinningedda ti tunggal maysa, ket nagraragsakda, ket naaddaanda iti nalaus a rag-o.

4 Ket napasamak nga adu kadagiti Lamanite ti napan iti daga a Zarahemla, ket inrakurakda kadagiti tao dagiti Nephite ti wagas ti apannakapasurotda, ket inggunamgunamda kadakuada ti pammati ken panagbabawi.

5 Wen, ket adu ti nangasaba iti aglaplapusanan a bileg ken turay, iti panangiturongda kadakuada iti tukot ti kinapakumbaba, nga agbalin a napakumbaba a pasurot ti Dios ken ti Kordero.

6 Ket napasamak nga adu kadagiti Lamanite ti napan iti daga iti amianan; ken kasta met a napan da Nephi ken Lehi iti adaga iti amianan, a mangasaba kadagiti tao. Ket kasta ti panaggibus ti maikanem-a-pulo-ket-tallo a tawen.

7 Ket adtoy, adda kappia iti amin a daga, isu a napan dagiti Nephite iti sadino man a paset ti daga a kayatda, iti man yan dagiti Nephite wenno dagiti Lamanite.

8 Ket napasamak a napan met dagiti Lamanite iti sadino man a kayatda, iti man yan dagiti Lamanite wenno dagiti Nephite; ket kasta ti pannakaaramid ti nawaya a pannakipulapolda iti tunggal maysa, a gumatang ken aglako, ken rumang-ay, a mayalubog iti tarigagayda.

9 Ket napasamak a nagbalinda a nakabakbaknang, agpada dagiti Lamanite ken dagiti Nephite; ket naaddaanda iti nakaad-adu a balitok, ken pirak, ken amin a kita ti napapateg a gameng, agpadpada iti daga iti abagatan ken iti daga iti amianan.

10 Ita naawagan ti daga iti abagatan iti Lehi, ket aMulek iti daga iti amianan, a naipanagan iti anak ni Sedekias; ta intugot ti Apo ni Mulek iti daga iti amianan, ket ni Lehi iti daga ti abagatan.

11 Ket adtoy, adda amin a kita ti balitok kadagitoy agpadpada a daga, ken pirak, ken napateg a minas a nadumaduma a kita; ken adda met dagiti managamiris nga agtartrabaho, a nagaramid iti amin a kita ti minas ket pinapinoda daytoy; ket kasta ti panagbalinda a nabaknang.

12 Nakapaaduda iti bukbukel, agpadpada iti amianan ken iti abagatan; ket rimmang-ayda a di naglaplapusanan, agpadpada iti amianan ken iti abagatan. Ket immaduda ken pimmigsada iti daga. Ket nagpatanurda iti adu a dinguen ken arban, wen, adu nga urbon.

13 Adtoy nagbannog ken nagabel dagiti babbaida, ket nagaramidda iti amin a kita ti abel, iti napino a seda ken nadumaduma a kita ti abel, a pangabbong iti kinalamulamoda. Ket kasta ti natalna nga ilalabas ti maikanem-a-pulo-ket-uppat a tawen.

14 Ket iti maikanem-a-pulo-ket-lima a tawen naaddaanda met iti nalaus a rag-o ken talna, wen, adu a panangaskasaba ken adu a pammaltiing maipanggep iti dayta nga umay. Ket kasta ti ilalabas ti maikanem-a-pulo-ket-lima a tawen.

15 Ket napasamak nga iti maikanem-a-pulo-ket-innem a tawen a panagturay dagiti ukom, adtoy, pinapatay ti di am-ammo nga ima ni aCezoram bayat ti panagtugawna iti pangukoman. Ket napasamak nga iti daydi met la a tawen, a ti anakna a lalaki, a pinusgan dagiti tao a sukatna, napapatay met iti nadawel. Ket kasta ti panaggibus ti maikanem-a-pulo-ket-innem a tawen.

16 Ket iti panangrugi ti maikanem-a-pulo-ket-pito a tawen nangrugi manen a rimmangpaya ti nalaus a kinadangkes dagiti tao.

17 Ta adtoy, napaut unay ti panangparabur ti Apo kadakuada iti kinabaknang ti lubong tapno saanda a masugsogan nga agpungtot, a makigubat, wenno agpaayus iti dara; ngarud rinugianda nga insaad ti puspusoda iti kinabaknangda; wen, rinugianda ti agsapul iti rumang-ayanda tapno marimbawanda ti tunggal maysa; ngarud rinugianda ti nagaramid iti analimed a nadawel a panagpapatay, ken agtakaw ken agsamsam, tapno adda maganabda.

18 Ket ita adtoy, bunggoy dagidiay nadawel a mammapatay ken managsamsam a binukel da Kishkumen ken aGadianton. Ket ita nasken a napasamak nga adu, uray kadagiti Nephite, iti bunggoy ni Gadianton. Ngem adtoy, ad-aduda nga amang kadagiti ad-adda a nadangkes a paset dagiti Lamanite. Ket naawaganda iti managsamsam ken nadawel a mammapatay ni Gadianton.

19 Ket isuda dagiti nadawel a nangpapatay iti pangulo nga ukom a ni Cezoram, ken ti anakna a lalaki, bayat ti kaaddana iti pangukoman; ket adtoy, saanda a nasarakan.

20 Ket ita napasamak nga idi naduktalan dagiti Lamanite nga adda nailaok kadakuada a mannanakaw nalaus ti sakit ti nakemda; ket inaramatda ti amin a kabaelanda a mangpukaw kadakuada iti rabaw ti daga.

21 Ngem adtoy, sinugsogan ni Satanas ti puspuso ti ad-adu a bilang dagiti Nephite, isu a nakikaduada kadagidiay bunggoy dagiti mannanakaw, ket inkappengda iti katulaganda dagiti sapatada, a salakniban ken taginayonenda ti tunggal maysa iti ania man a pakarikutan a pakaipasungalngalanda, tapno saanda a maparigat iti nadawel a panagpapatayda, ken iti panagsamsamda, ken iti panagtakawda.

22 Ket napasamak nga adda dagiti tandada, wen, dagiti analimed a tandada, ken dagiti nalimed a balikasda; ket daytoy tapno mailasinda ti kabsatda a simrek iti katulagan, a saan a madangran ti kabsatna uray no ania a kita ti kinadangkes ti aramiden ti kabsatna, wenno dagidiay saan a kameng ti bunggoyna, a nangawat itoy a katulagan.

23 Ket iti kasta makapapatayda a nadawel, ken makasamsam, ken makatakaw, ken makaaramid iti innabig ken amin a kita ti kinadangkes, a maibusor kadagiti paglintegan ti pagilianda ken kasta met kadagiti paglintegan ti Diosda.

24 Ket asino man kadagiti kameng ti bunggoyda ti mangibutaktak iti lubong iti akinadangkesda ken kadagiti makarimon nga aramidda, maisaklang, saan a maibatay kadagiti paglintegan ti pagilianda, ngem maibatay kadagiti paglintegan ti kinadangkesda, nga inted da Gadianton ken Kishkumen.

25 Ita adtoy, dagitoy ti nalimed a asapata ken katulagan nga imbilin ni Alma iti anakna a saan a mapan iti lubong, amangan la ketdi ta dagitoy ti mangiturong kadagiti tao iti pakadadaelanda.

26 Ita adtoy, saan a nakadanon ken ni Gadianton dagidiay analimed a sapata ken katulagan manipud kadagiti kasuratan a naited ken ni Helaman; ngem adtoy, naikabilda iti puso ni Gadianton babaen bmet la dayta parsua a nangsulisog kadagiti immuna a nagannak kadatayo a mangan iti maiparit a bunga—

27 Wen, dayta met la a parsua a nangbalabala ken ni aCain, a no papatayenna a sidadawel ti kabsatna a ni Abel saanto a maammuan ti lubong. Ket binalabalana ni Cain ken dagiti pasurotna manipud iti daydi a kanito.

28 Ken kasta met a dayta met laeng a parsua ti nangimula iti puspuso dagiti tao a amangbangon iti torre a naan-anay ti kangatona a dumanon iti langit. Ken isu met la dayta a parsua ti nangidaulo kadagiti tao manipud iti dayta a torre nga agturong itoy a daga; a nangisaknap kadagiti aramid ti sipnget ken makarimon nga aramid iti intero a rabaw ti daga, agingga nga induronna dagiti tao iti bnaan-anay a pannakadadael, ken iti agnanayon nga impierno.

29 Wen, dayta met laeng a parsua ti nangimula iti puso ni aGadianton a mangituloy iti aramid ti sipnget, ken ti nalimed a nadawel a pammapatay; ken inkuyogna manipud iti punganay ti tao agingga kadagitoy a panawen.

30 Ket adtoy, isu ti ananipudan ti basol. Ken adtoy, intultuloyna dagiti aramidna iti sipnget ken nalimed a nadawel a pammapatay, ken impaimana dagiti balabalada, ken dagiti sapatada, ken dagiti katulaganda, ken dagiti planoda a nakaam-amak a kinadangkes, iti tunggal kaputotan a maibatay iti pannakatengngelna kadagiti puso dagiti annak ti tattao.

31 Ket ita adtoy, nairut ti panangtengngelna kadagiti puso dagiti Nephite; wen, isu a nagbalinda a nadangkes unay; wen, ad-adu kadakuada ti nangtallikud iti kinalinteg, ket ainludekludekda dagiti bilin ti Dios, ken nangbangonda kadagiti imahen babaen dagiti balitok ken pirakda.

32 Ket napasamak a dimteng kadakuada amin dagitoy a basbasol iti uneg ti asaan unay nga adu a tawen, iti kasta nga ad-adu a pasetna ti dimteng kadakuada iti maikanem-a-pulo-ket-pito, a tawen a panangituray dagiti ukom kadagiti tao ni Nephi.

33 Ket immaduda iti basbasolda iti maikanem-a-pulo-ket-walo met, iti nalaus a ladingit ken leddaang dagiti nalinteg.

34 Ket kasta a makitatayo a nangrugi dagiti Nephite a napukawan iti pammati, ket kimmaro iti kinadangkes ken makarimon nga aramid, idinto a nangrugi dagiti Lamanite nga immadu iti kasta unay iti pannakaammo iti Diosda; wen, nangrugi a sinurotda dagiti pagannurotan ken bilinna, ken magna iti kinapudno ken kinalinteg iti sangona.

35 Ket kasta a makitatayo ti Espiritu ti Apo a nangrugi a asimmina kadagiti Nephite, gapu iti kinadangkes ken kinatangken ti panagpuspusoda.

36 Ket kasta a makitatayo a nangrugi nga imbukbok ti Apo ti Espirituna kadagiti Lamanite, gapu iti kinalukayda ken kinatallugodda a mamati kadagiti balikasna.

37 Ket napasamak nga inanup dagiti Lamanite ti bunggoy dagiti mannanakaw ni Gadianton; ket inkasabada ti balikas ti Dios kadagiti ad-adda a nadangkes a kaduada, iti kasta awan duadua a nadadael kadagiti Lamanite daytoy a bunggoy dagiti mannanakaw.

38 Ket napasamak iti sabali a bangir, a binangon ken tinulongan ida dagiti Nephite, nga inrugida kadagiti ad-adda a nadangkes kadakuada, agingga, a naisaknapda iti intero a daga dagiti Nephite, ken nasulisogda ti dakdakkel a bilang dagiti nalinteg agingga a bimmabada a namati kadagiti aramidda ken nangan kadagiti tinakawda, ken makikappon kadakuada kadagiti nalimed a nadawel a pammapatay ken kinnunsaboda.

39 Ket kasta ti pannakagun-odda iti panagwaywayasda a mangiturong iti gobierno, iti kasta inludekludek ken dinangran ken pinigis ken tinallikudanda dagiti anakurapay ken naemma, ken napakumbaba a pasurot ti Dios.

40 Ket kasta a makitatayo nga addada iti nakaam-amak a kasasaad, ken amaluomen iti agnanayon a pannakadadael.

41 Ket napasamak a kasta ti panaggibus ti maikanem-a-pulo-ket-walo a tawen a panangituray dagiti ukom kadagiti tao ni Nephi.