O le valoaga a Nifae, le atalii o Helamana—Ua faamatauina e le Atua le nuu o Nifae o le a ia asiasi mai ia te i latou i lona toasa, i le faaumatiaina atoa o i latou, vagana ai ua latou salamo ia latou amioleaga. Ua taia e le Atua le nuu o Nifae i le faamai; ua latou salamo ma liliu mai ia te ia. O Samuelu, o se sa Lamanā, ua vavalo atu i tagata sa Nifaē.

Mataupu 7

Ua teena Nifae i matu ma ua toe foi mai i Saraʼemila—Ua tatalo o ia i luga o le olo i lana faatoaga ma ona ia valaau atu lea i tagata ia salamo pe fano. E tusa o le 23–21 T.L.M.

 Faauta, o lenei sa oo ina o le tausaga e onosefulu ma le iva o le nofoaiga a faamasino i sa Nifaē, na atoe foi mai ai Nifae, le atalii o Helamana, i le laueleele o Saraʼemila mai le laueleele i matu.

 Ona sa alu atu o ia i fafo i totonu o tagata o e sa i le laueleele i matu, ma ia talai atu le afioga a le Atua ia te i latou, ma sa ia vavalo atu mea e tele ia te i latou;

 Ma sa latou teena ana upu uma, sa oo ina le mafai ona nofo o ia i totonu ia te i latou, ae sa toe foi mai o ia i le laueleele na ia fanau mai ai.

 Ma ina ua vaai atu ua i ai tagata i se tulaga o le amioleaga matautia faapea, ma ua nofoia e ia au faomea a Katianetona nofoa-faamasin—ona sa latou fao faamalosi le mana ma le pule o le laueleele; ma tuu ese poloaiga a le Atua, ma e leai sina mea itiiti na sao ai lea mea i ona luma; ua latou le faia se mea tonu i le fanauga a tagata;

 Ua latou tausalaina e amiotonu ona o lo latou amiotonu; ua latou tuu e ua sala ma e ua amioleaga e le faasalaina ona o a latou tupe; o lenei foi ina ia latou umia tofiga i le ao o le malo, latou te pule ma fai ai e tusa ma o latou loto, ina ia latou maua le oa ma le mamalu o le alalolagi, ma, o lenei foi, ina ia sili ona faigofie ai ia te i latou ona faia le mulilua, ma gaoi, ma fasioti, ma faia e tusa ma o latou lava loto—

 O lenei, o lenei amioletonu tele sa oo mai i luga o sa Nifaē, i le va o ni tausaga sa lei tele; ma ina ua vaai atu i ai Nifae, sa malena ae lona loto ma le faanoanoa i totonu o lona fatafata; ma sa alaga o ia i le tiga o lona agaga:

 E, maumau pe a na mafai ona oo mai ou aso i aso muamua na sau ai lou tamā o Nifae i fafo mai le laueleele o Ierusalema, po ua mafai ona ou olioli faatasi ma ia i le laueleele na folafolaina; o aso na sa faigofie ai ona tauanauina ona tagata, ia tutumau e tausi poloaiga a le Atua, ma gese ona taitaiina e fai le amioletonu; ma sa vavave ona latou faalogo atu i afioga a le Alii—

 Ioe, a na mafai ona oo mai ou aso i na aso, po ua olioli loʼu agaga i le amiotonu o oʼu uso.

 Ae faauta, ua tofia aʼu o oʼu aso nei aso, ma ia faatumuina lou agaga i le faanoanoa ona o lenei amioleaga a oʼu uso.

 10 Ma faauta, o lenei sa oo i luga o se olo lea sa i le faatoaga a Nifae, sa i tafatafa o le alatele lea sa tau atu i le maketi tele sa i le aai o Saraʼemila; o lea, sa punou ifo Nifae i luga o le olo lea sa i lana faatoaga, o se olo lea sa tu latalata foi i le faitotoa o le faatoaga lea sa alu ane ai le alatele.

 11 Ma sa oo ina sa i ai ni tagata faapitoa sa ui ane ma vaai atu ia Nifae ao ia sasaa atu lona agaga i le Atua i luga o le olo; ma sa latou taufetuli ma tau atu i tagata le mea na latou vaaia, ma sa o mai faatasi tagata i motu ina ia latou iloa le pogai o lea faanoanoa tele mo le amioleaga o le nuu.

 12 Ma o lenei, ina ua tulai Nifae sa ia vaai atu i motu o tagata o e ua faapotopoto mai faatasi.

 13 Ma sa oo ina tatala e ia lona fofoga ma fai atu ia te i latou: Faauta, aaisea ua outou faapotopoto faatasi ai outou lava? Ina ia ou tau atu ea ia te outou a outou amioletonu?

 14 Ioe, ona ua ou alu ae i luga o lou olo ina ia mafai ona ou sasaa atu o lou agaga i lou Atua, ona o le faanoanoa tele o lou loto, lea ona o a outou amioletonu!

 15 Ma ona o lou faanoanoa ma lau auega ua outou faapotopoto faatasi ai outou lava, ma outou ofo ai; ioe, ma ua i ai ia te outou se mea ua tatau tele ai ona outou ofo; ioe, e tatau ona outou ofo ona ua tuu ese atu outou ua maua ai e le tiapolo se uu malosi i o outou loto.

 16 Ioe, pe ua mafai faapefea ea ona outou tuu i faatosinaga a ia o le ua saili e lafo ese o outou agaga i lalo i le pagatia tumau-faavavau ma le malaia e le gata?

 17 E, ia outou salamo, ia outou salamo! aAisea ea ua outou fia feoti ai? Ia outou liliu mai ia, ia outou liliu mai ia i le Alii lo outou Atua. Aisea ea ua ia tuulafoaiina ai outou?

 18 Ona ua outou faamaaa o outou loto; ioe, ua outou le fia faalogo i le siufofoga o le aleoleo mamoe lelei; ioe, ua outou efaaonoono ia te ia ia toatamai e faasaga mai ia te outou.

 19 Ma faauta, i lo le afaapotopotoina o outou, vagana ai o le a outou salamo, faauta, o le a ia faasalalauina outou o le a avea ai outou ma meaai mo uli ma manu aivao.

 20 E, pe ua mafai faapefea ona outou faagaloina lo outou Atua i lea lava aso ua ia laveaiina ai outou?

 21 Ae faauta, ua outou faia lenei mea e maua ai oa, ina ia viia ai outou e tagata, ioe, ma ina ia mafai ona outou maua ai o le auro ma le ario. Ma ua outou tuu o outou loto i luga o oa ma mea le aoga a lenei alalolagi, ia ua outou fasioti tagata ai, ma vete, ma gaoi, ma molimau epepelo ai e faasaga i o outou tuaoi, ma fai amioletonu uiga eseese uma.

 22 Ma o le pogai lenei o le a oo mai ai le malaia ia te outou vagana ai ua outou salamo. Aua afai tou te le salamo, faauta, o le aai tele lenei, ma aai tetele uma foi faataamilo ai, ia o loo i ai i le laueleele ua tatou umia, o le a aveesea o le a outou le maua ai se nofoaga i totonu o i latou; ona faauta, o le a le tuuina mai e le Alii ia te outou le amalosi, e pei ona ia faia e oo mai i le taimi nei, tou te tetee faasaga atu ai i o outou fili.

 23 Aua faauta, ua faapea ona fetalai mai o le Alii: O le a ou le faaali atu lou malosi i e amioleaga, i le tasi ia sili atu le tasi, vagana ai ia te i latou o e salamo ia latou agasala, ma faalogo mai i au upu. O lenei o lea, ou uso e, ou te manao ia outou iloa, o le a sili atu ona alelei mo sa Lamanā nai lo outou vagana ai ua outou salamo.

 24 Aua faauta, ua sili atu ona latou amiotonu nai lo outou, ona ua latou le agasala e faasaga i le malamalama tele lea ua outou maua; o lea o le a alofa mutimutivale tele ai le Alii ia te i latou; ioe, o le a ia afaalevalevaina o latou aso ma faatoateleina a latou fanau, e oo lava pe a efaaumatiaina atoa oe vagana ai ua e salamo.

 25 Ioe, oi talofa ia te outou ona o lena mea inosia tele ua oo mai i o outou luga; ma ua outou faaaufaatasi atu i ai outou lava, ioe, i lena avaega faalilolilo lea na faatuina e Katianetona!

 26 Ioe, o le a oo mai le amalaia ia te outou ona o lena faamaualuga ua outou tuu e ulu mai i o outou loto, lea ua faafefeteina ai outou i luga ia sili atu i lo le mea ua lelei ona o a outou eoa ua silisili ona tele!

 27 Ioe, oi talofa ia te outou ona o lo outou amioleaga ma a outou mea inosia!

 28 Ma e vagana ai ua outou salamo o le a outou fano; ioe, e oo lava i o outou laueleele o le a aveesea mai ia te outou, ma o le a faaumatia ese outou mai luga o le lalolagi.

 29 Faauta o lenei, ou te le fai atu au lava ia, o le a oo mai nei mea, ona e le o au na ou ailoa ai nei mea; ae faauta, ua ou iloa ua moni nei mea, ona o le Alii le Atua na ia faaalia mai nei mea ia te au, o lea ou te molimau atu ai o le a faataunuuina lava.