Ang Panagna ni Nephi ang anak ni Helaman—Ang Dios mihulga sa mga katawhan ni Nephi nga siya moduaw kanila diha sa iyang kasuko, ngadto sa ilang hingpit nga kalaglagan gawas kon sila maghinulsol sa ilang mga pagkadautan. Ang Dios mihampak sa mga katawhan ni Nephi uban sa kamatay; sila naghinulsol ug mibalik ngadto kaniya. Si Samuel, usa ka Lamanita, nanagna ngadto sa mga Nephita.
Naglangkob sa mga kapitulo 7 ngadto sa 16.
Kapitulo 7
Si Nephi gisalikway didto sa amihanan ug mipauli sa Zarahemla—Siya nag-ampo diha sa iyang tanaman nga tore ug unya mitawag ngadto sa mga katawhan aron maghinulsol o mamatay. Mga 23–21 B.C.
1 Tan-awa, karon nahinabo sa ikakan-uman ug siyam nga tuig sa pagmando sa mga maghuhukom ibabaw sa mga katawhan sa mga Nephita, nga si Nephi, ang anak ni Helaman, amipauli ngadto sa yuta sa Zarahemla gikan sa yuta sa amihanan nga bahin.
2 Kay siya gikan sa mga katawhan kinsa tua sa yuta sa amihanan nga bahin, ug misangyaw sa pulong sa Dios ngadto kanila, ug nanagna og daghan nga mga butang ngadto kanila;
3 Ug sila misalikway sa tanan niya nga mga pulong, hangtud nga siya dili na makapabilin uban kanila, apan siya mibalik pag-usab ngadto sa yuta sa iyang natawhan.
4 Ug nakakita nga ang mga katawhan anaa diha sa usa ka kahimtang sa ingon nga makalilisang nga pagkadautan, ug kadto nga mga tulisan ni Gadianton mipuli sa hukmanan—kay nakaangkon sa gahum ug katungod sa yuta; misalikway sa mga sugo sa Dios, ug bisan gamay dili matarung sa iyang atubangan; wala magbuhat og kaangayan ngadto sa mga katawhan;
5 Nanghimaraut sa mga matarung tungod sa ilang pagkamatarung; mitugot sa mga nakalapas ug sa mga dautan nga dili masilutan tungod sa ilang salapi; ug dugang pa aron mabuligan diha sa katungdanan sa ulohan sa panggamhanan, sa pagdumala ug sa pagbuhat sumala sa ilang mga kabubut-on, aron sila makaangkon og bahandi ug himaya sa akalibutan, ug, dugang pa, nga sila unta sa labaw nga kasayon makabuhat og panapaw, ug pangawat, ug pagpatay, ug sa pagbuhat sumala sa ilang kaugalingon nga mga kabubut-on—
6 Karon kining dako nga kadautan miabut diha sa mga Nephita, diha sa sulod sa dili daghan nga mga katuigan; ug sa diha nga si Nephi nakakita niini, ang iyang kasingkasing napuno uban sa kasubo sulod sa iyang dughan; ug siya misinggit diha sa hilabihan nga kasakit sa iyang kalag;
7 O, nga ako unta nakaangkon sa akong mga adlaw diha sa mga adlaw nga ang akong amahan nga si Nephi sa sinugdanan mibiya gikan sa yuta sa Jerusalem, nga ako unta nakaangkon og hingpit nga kalipay uban kaniya didto sa gisaad nga yuta; niana nga panahon ang iyang mga katawhan sayon nga hangyoon, ug lig-on nga naghupot sa mga sugo sa Dios, ug dili dali nga dad-on sa pagbuhat sa dautan; ug sila dali sa pagpamati ngadto sa mga pulong sa Ginoo—
8 Oo, kon ang akong mga adlaw nakaabut pa unta niadto nga mga adlaw, niana nga panahon ang akong kalag unta nakaangkon og hingpit nga kalipay diha sa pagkamatarung sa akong mga kaigsoonan.
9 Apan tan-awa, ako gitudlo nga kini ang akong mga adlaw, ug nga ang akong kalag napuno uban sa kasubo tungod niining pagkadautan sa akong mga kaigsoonan.
10 Ug tan-awa, karon nahinabo nga kini diha sa usa ka tore, diin diha sa tanaman ni Nephi, diin daplin sa dako nga dalan nga nagpaingon ngadto sa kinadak-an nga taboan, diin anaa sa dakbayan sa Zarahemla; busa si Nephi nagyukbo sa iyang kaugalingon diha sa tore nga diha sa iyang tanaman, diin nga tore duol usab sa ganghaan sa tanaman nga nagpaingon ngadto sa dako nga dalan.
11 Ug nahinabo nga dihay mga tawo nga nanglabay ug nakakita kang Nephi samtang siya mibu-bu sa iyang kalag ngadto sa Dios diha sa tore; ug sila midagan ug misulti ngadto sa mga tawo unsa ang ilang nakita, ug ang mga tawo miabut uban sa pundok sa mga katawhan nga aron unta sila masayud sa hinungdan sa hilabihan nga pagbangutan tungod sa pagkadautan sa mga tawo.
12 Ug karon, sa diha nga si Nephi mibarug siya nakakita sa pundok sa mga katawhan nga nagkahiusa sa pagpundok.
13 Ug nahinabo nga siya mibuka sa iyang ba-ba ug miingon ngadto kanila: Tan-awa, angano nga nagpundok kamo sa inyong mga kaugalingon? Nga ako mosulti kaninyo sa inyong mga pagkadautan?
14 Oo, tungod kay ako ania sa akong tore aron ako unta mobu-bu sa akong kalag ngadto sa akong Dios, tungod sa hilabihan nga kasubo sa akong kasingkasing, tungod sa inyong mga kadautan!
15 Ug tungod sa akong pagbangutan ug hilabihan nga kasubo kamo nagkahiusa pagpundok sa inyong mga kaugalingon, ug nahibulong; oo, ug kamo adunay dako nga panginahanglan nga mahibulong; oo, kamo unta kinahanglan nga mahibulong tungod kay kamo mitugyan aron ang yawa adunay gahum diha sa inyong mga kasingkasing.
16 Oo, sa unsa nga paagi nga kamo mitugyan ngadto sa iyang pagkamadanihon kinsa nagtinguha sa paglabay sa inyong mga kalag ngadto sa walay katapusan nga pagkauyamot ug walay katapusan nga kaalaot?
17 O paghinulsol kamo, paghinulsol kamo! aNgano nga kamo mamatay? Balik kamo, balik kamo, ngadto sa Ginoo nga inyong Dios. Ngano nga siya mibiya kaninyo?
18 Kini tungod kay kamo nagpatig-a sa inyong mga kasingkasing; oo, kamo wala magpatalinghug ngadto sa tingog sa amaayo nga magbalantay; oo, kamo bmihagit kaniya nga masuko batok kaninyo.
19 Ug tan-awa, kay sa amopundok kaninyo, gawas kon kamo maghinulsol, tan-awa, siya mopatibulaag kaninyo nga kamo mahimo nga pagkaon alang sa mga iro ug ihalas nga mga mananap.
20 O, sa unsa nga paagi nga kamo nahikalimot sa inyong Dios niana nga adlaw nga siya miluwas kaninyo?
21 Apan tan-awa, kini tungod sa pag-angkon og bahandi, aron daygon sa mga tawo, oo, ug nga kamo unta makakuha og bulawan ug pilak. Ug kamo mipahiluna sa inyong mga kasingkasing sa mga katigayunan ug diha sa mga kawang nga butang dinhi sa akalibutan, kay tungod niini kamo nagbuno, ug nanglungkab, ug nangawat, ug nagsaksi sa bbakak batok sa inyong silingan, ug nagbuhat sa tanan nga matang sa kadautan.
22 Ug tungod niini nga hinungdan kaalaot ang modangat nganha kaninyo gawas kon kamo maghinulsol; kay kon kamo dili maghinulsol, tan-awa, kining dako nga dakbayan, ug usab ang tanan niadtong dagko nga mga dakbayan nga naglibut, diin ania sa yuta nga atong gipanag-iya, pagabawion nga kamo walay dapit diha kanila; kay tan-awa, ang Ginoo dili motugyan nganha kaninyo sa inyong akusog ingon sa iyang gibuhat kaniadto, sa pagbarug batok sa inyong mga kaaway.
23 Kay tan-awa, sa ingon miingon ang Ginoo: Ako dili mopakita ngadto sa mga dautan sa akong kusog, ngadto sa usa nga labaw sa lain, gawas kini ngadto niadto kinsa maghinulsol sa ilang mga sala, ug magpatalinghug sa akong mga pulong. Busa karon, ako manghinaut nga kamo maminaw, akong mga kaigsoonan, nga kini amaayo pa alang sa mga Lamanita kay kaninyo gawas kon kamo maghinulsol.
24 Kay tan-awa, sila labaw pa nga matarung kay kaninyo kay sila wala makasala batok nianang dako nga kasayuran nga inyong nadawat; busa ang Ginoo magmanggiloy-on ngadto kanila; oo, siya amolugway sa ilang mga adlaw ug modugang sa ilang mga binhi, bisan kon kamo bpagalaglagon sa hingpit gawas kon kamo maghinulsol.
25 Oo, alaot nganha kaninyo tungod nianang dako nga salawayon nga miabut diha kaninyo; ug kamo nagkahiusa sa inyong mga kaugalingon ngadto niini, oo, niana nga atinago nga pundok nga gitukod ni Gadianton!
26 Oo, ang akaalaot modangat nganha kaninyo tungod niana nga garbo diin kamo mitugot nga mosulod sa inyong mga kasingkasing, diin mao ang nagbayaw kaninyo labaw niana diin mao ang maayo tungod sa inyong hilabihan ka badunahan!
27 Oo, alaot nganha kaninyo tungod sa inyong mga pagkadautan ug mga pagkasalawayon!
28 Ug gawas kon kamo maghinulsol kamo mamatay; oo, bisan ang inyong mga yuta pagakuhaon gikan kaninyo, ug kamo pagalaglagon gikan sa ibabaw sa yuta.
29 Tan-awa karon, ako dili moingon nga kini nga mga butang mahimo, sa akong kaugalingon, tungod kay kini dili sa akong kaugalingon nga ako nasayud niini nga mga butang; apan tan-awa, ako anasayud nga kini nga mga butang mga tinuod tungod kay ang Ginoong Dios mipahibalo niini ngari kanako, busa ako magpamatuod nga sila mao gayud.