Ai Vola i Ilamani

Ilamani 

Na kedra itukutuku na Nifaiti. Na nodra ivalu kei na veileti, kei na nodra tatawasewase. Ka vakakina na nodra parofisai e vuqa na parofita tabu, ni bera na nona lako mai na Karisito, me vaka na ivolatukutuku nei Ilamani, ko koya na luvei Ilamani, ka vakakina na nodra ivolatukutuku na luvena tagane, me yacova sara na nona lako mai na Karisito. Ka vakatalega kina na nodra saumaki mai e vuqa na Leimanaiti. E dua na itukutuku ni nodra saumaki. E dua na itukutuku ni nodra ivalavala dodonu na Leimanaiti, kei na nodra caka ca kei na nodra ivalavala vakasisila na Nifaiti, me vaka na ivolatukutuku nei Ilamani, kei iratou na luvena tagane, me yacova sara na nona lako mai na Karisito, sa vakatokai na ivola i Ilamani, kei na veika tale e so.
Wase 1

Sa turaganilewa levu ko Paorani na ikarua ka sa labati koya ko Kisikumeni—Sa vakatawa na idabedabe ni veilewai ko Pakumenai—Sa liutaka na nodra mataivalu na Leimanaiti ko Korianatuma, sa tauri Saraemala, ka vakamatei Pakumenai—Sa vakadrukai ira na Leimanaiti ko Moronaia ka tauri Saraemala tale, ka sa vakamatei ko Korianatuma. Rauta na 52–50 B.K.

Wase 2

Sa turaganilewa levu ko Ilamani na luvei Ilamani—Sa liutaka na ilawalawa nei Kisikumeni ko Ketianitoni—Sa yaviti Kisikumeni na dauveiqaravi i Ilamani, ka ra sa dro ki na lekutu na ilawalawa nei Ketianitoni. Rauta na 50–49 B.K.

Wase 3

Sa lewevuqa na Nifaiti era sa toki yani ki na vanua ena vualiku—Era sa tara na veivale simede ka maroroya e vuqa na itukutuku—Era sa saumaki ka papitaiso e udolu vakatini—Sa tuberi ira na tamata ki na veivakabulai na vosa ni Kalou—Sa vakatawana na idabedabe ni veilewai ko Nifai na luvei Ilamani. Rauta 49–39 B.K.

Wase 4

Era sa tovata na ise ni Nifaiti kei ira na Leimanaiti ka taura na vanua ko Saraemala—Sa vu ni nodra druka na Nifaiti na nodra caka ca—Sa malumalumu mai na Lotu, ka ra sa gogo mai na tamata me vakataki ira na Leimanaiti. Rauta na 38–30 B.K.

Wase 5

Erau sa tamusuki rau ko Nifai kei Liai ki na cakacaka vaka dauvunau—Sa vakauqeti rau na yacadrau me rau vakamuri rau na nodrau yaca mai liu—Sa sereki ira era veivutuni na Karisito—Erau sa saumaka e lewevuqa ko Nifai kei Liai ka rau tauri vakavesu, ka sa vakavolivoliti rau na bukawaqa—Sa vakarugui ira e lewe tolunadrau na tamata e dua na o butobuto—Sa sakure na qele, ka sa vakaroti ira na tamata e dua na domo, me ra veivutuni—Erau sa veivosaki kei ira na agilosi ko Nifai kei Liai, sa vakavolivoliti ira na lewevuqa na bukawaqa. Rauta na 30 B.K.

Wase 6

Era sa vunau vei ira na Nifaiti dau caka ca ko ira na Leimanaiti ivalavala dodonu—Era sa bula torocake na matatamata ruarua ena dua na gauna ni veisaututaki kei na bula sautu—Sa vakayavalata ko Lusefa na vu ni ivalavala ca, na yalodra na dau caka ca kei ira na ilawalawa daubutako i Ketianitoni ena laba kei na caka ca—Era sa taura na matanitu ni Nifaiti ko ira na daubutako. Rauta na 29–23 B.K.

Na Parofisai i Nifai na Luvei Ilamani—Sa vunauci ira na tamata i Nifai na Kalou ni na talevi ira ena nona cudru ka na vakarusai ira sara kevaka era sega ni veivutunitaka na nodra caka ca. Sa yaviti ira na tamata i Nifai na Kalou ena mate dauveitauvi; era sa veivutuni ka saumaki vua. Sa parofisai vei ira na Nifaiti ko Samuela, e dua na Leimanaiti.

Okati ena wase e 7 ki na wase e 16.

Wase 7

Sa sega ni ciqomi ko Nifai mai na vualiku ka sa lesu tale ki Saraemala—Sa masu mai na dela ni nona vale cecere ena nona were, a sa kacivi ira na tamata me ra veivutuni de ra na mate. Rauta na 23–21 B.K.

Wase 8

Era sa segata na turaganilewa ca me ra uqeti ira na tamata me ra saqati Nifai—Eratou a vakadinadinataki Karisito kece ko Eparaama, Mosese, Sinosi, Sinoki, Isaia, Aisea, Jeremaia, Liai, kei Nifai—Sa vakauqeti ko Nifai me vakarogoya na nona labati na turaganilewa levu. Rauta na 23–21 B.K.

Wase 9

Era sa kunei turaganilewa levu ko ira na a talai, ni sa mate toka ena idabedabe ni veilewai—Era sa vesu ka qai sereki tale e muri—Sa vakauqeti ko Nifai ka sa vakatakilai Sianitumu ni sai koya na daulaba—Era sa ciqomi Nifai e so ni sa parofita. Rauta na 23–21 B.K.

Wase 10

Sa solia vei Nifai na Turaga na kaukauwa ni veivauci—Sa soli vua na kaukauwa me vauca ka sereka e vuravura kei lomalagi—Sa vakaroti ira na tamata me ra veivutuni de ra na mate—Sa kauti koya na Yalo mai na lewevuqa ki na lewevuqa. Rauta na 21–20 B.K.

Wase 11

Sa cikeva na Turaga ko Nifai me sosomitaka na nodra veivaluvaluti ena dausiga—Era sa mate e vuqa na tamata—Era veivutuni ka vakamasuta na Turaga ko Nifai me solia na uca—E rau sa ciqoma ko Nifai kei Liai e levu na i vakatakila—Era sa vakadeitaki ira vakai ira na daubutako i Ketianitoni ena vanua. Rauta na 20–6 B.K.

Wase 12

Sa yamekemeke na tamata ka lialia ka totolo me vakayacora na ca—Sa totogitaki ira na Nona tamata na Turaga—Sa vakatautauvatani na ka wale ga ni tamata kei na kaukauwa ni Kalou—Ena siga ni lewa, ena rawata na tamata na bula tawavakaiyalayala se na cudruvi tawavakaiyalayala. Rauta na 6 B.K.

Na parofisai i Samuela na Leimanaiti kivei ira na Nifaiti.

Okati ena wase 13 ki na wase 15.

Wase 13

Sa parofisaitaka ko Samuela na Leimanaiti na nodra vakarusai na Nifaiti kevaka era sega ni veivutuni—Era sa cudruvi ko ira kei na nodra iyau—Era sa sega ni ciqomi ira ka vakaviriki ira na parofita, era sa vakavolivoliti mai vei ira na tevoro, ka ra vakasaqara na marau ena nodra caka cala. Rauta na 6 B.K.

Wase 14

Sa tukuna ko Samuela ni na rarama na bogi ka na dua na kalokalo vou ni sucu na Karisito—Sa sereki ira na tamata na Karisito mai na mate vakayago kei na mate vakayalo—Sa okati ena veivakatakilakila ni Nona mate ni na tolu na siga butobuto, na kakavorovoro ni vatu, kei na yavavala levu ni veika e vuravura. Rauta na 6 B.K.

Wase 15

E a vosataki totogitaki ira na Nifaiti na Turaga baleta ni lomani ira—Era sa tudei ka yalodina ena vakabauta ko ira na Leimanaiti era sa saumaki mai—Ena yalololoma na Turaga vei ira na Leimanaiti ena veisiga mai muri. Rauta na 6 B.K.

Wase 16

Era sa papitaisotaki mai vei Nifai ko ira na Nifaiti era sa vakabauti Samuela—Sa sega ni yaviti Samuela rawa na nodra gasau ni dakaititi kei na nodra vatu na Nifaiti tawaveivutuni—Eso era sa vakaukauwataka na lomadra, ka so tale era raici ira na agilosi—E ra kaya na tawavakabauta ni sega ni vakaibalebale na vakabauti Karisito kei na Nona lako mai e Jerusalemi. Rauta na 6–1 B.K.