Dagiti Kapitulo 

Ti pakaammo dagiti Nephite. Dagiti gubat ken sinnupangetda, ken dagiti sinnuppiatda. Ken kasta met dagiti padto ti adu a nasantuan a propeta, sakbay ti yaay ni Cristo, a maibatay kadagiti sinurat ni Helaman, nga anak a lalaki ni Helaman, ken kasta met a maibatay kadagiti sinurat dagiti annakna a lallaki, uray pay iti yaay ni Cristo. Ken kasta met nga adu dagiti Lamanite a napasurot. Ti pakaammuan ti pannakapasurotda. Ti pakaammuan iti kinalinteg dagiti Lamanite, ken ti kinadangkes ken makarimon nga aramid dagiti Nephite, a maibatay iti sinurat ni Helaman, ken dagiti annakna a lallaki, uray pay iti yaay ni Cristo, a maawagan iti libro ni Helaman, ken dadduma pay.
Kapitulo 1
Agbalin a pangulo ti ukom ni Pahoran a maikadua ket patayen ni Kishkumen—Sukatan ni Pacumeni iti pangukoman—Idauluan ni Coriantumr dagiti buyot dagiti Lamanite, sakupenna ti Zarahemla, ket patayenna ni Pacumeni—Abaken ni Moronihah dagiti Lamanite ket mapasublida ti Zarahemla ken mapapatay ni Coriantumr. Agarup 52–50 s.c.
Kapitulo 2
Agbalin a pangulo nga ukom ni Helaman, ti anak ni Helaman—Idauluan ni Gadianton ti bunggoy ni Kishkumen—Papatayen ti katulongan ni Helaman ni Kishkumen, ket agkamang iti langalang ti bunggoy ni Gadianton. Agarup 50–49 s.c.
Kapitulo 3
Adu a Nephite ti agdappat iti daga nga agpa-amianan—Agbangonda iti sementado a balbalay ken adu a kasuratan ti indulinda—Pinullo a ribu ti mapasurot ken mabuniagan—Iturong ti balikas ti Dios dagiti tao iti pakaisalakananda—Agtugaw ni Nephi a lalaki nga anak ni Helaman iti pangukoman. Agarup 49–39 s.c.
Kapitulo 4
Agtipon dagiti bileg dagiti sumupsuppiat a Nephite ken dagiti Lamanite ket alaenda ti daga a Zarahemla—Dumteng ti pannakaabak dagiti Nephite gapu iti kinadangkesda—Bumassit ti Simbaan, ken kumapsut dagiti tao a kas kadagiti Lamanite Agarup 38–30 s.c.
Kapitulo 5
Igaed da Nephi ken Lehi ti mangasaba—Awisen ida ti naganda a mangipada iti biagda kadagiti nagtaudanda—Subboten ni Cristo dagiti agbabawi—Adu ti mapasurot da Nephi ken Lehi ket mabaludda, ket malikmutda iti apuy—Lingdan ti ulep ti sipnget dagiti tallogasut a tattao—Madayyeg ti daga, ket bilinen ti timek dagiti tao nga agbabawi—Makisao da Nephi ken Lehi kadagiti anghel, ket likmuten ti apuy ti ummong. Agarup 30 s.c.
Kapitulo 6
Mangasaba dagiti nalinteg a Lamanite kadagiti nadangkes a Nephite—Agpada dagitoy a tattao a rumang-ay bayat ti panawen ti kappia ken kinalabon—Riribuken ni Lucifer, ti namataud iti basol, ti puso dagiti nadangkes ken iturongna dagiti mannanakaw ni Gadianton iti nadawel a pammapatay ken kinadangkesda—Sublaten dagiti mannanakaw ti gobierno a Nephite. Agarup 29–23 s.c.
Ti Pammadto ni Nephi, a Lalaki nga Anak ni Helaman—Ballaagan ti Dios dagiti tao ni Nephi nga isarungkarnanto kadakuada ti pungtotna, iti awan duadua a pannakadadaelda malaksid no agbabawida iti kinadangkesda. Dusaen ti Dios dagiti tao ni Nephi babaen iti angol; agbabawida ket agtungpalda kenkuana. Mamadto ni Samuel, ti Lamanite, kadagiti Nephite.
Sakupenna ti kapitulo 7 agingga iti 16.
Kapitulo 7
Saan a maawat ni Nephi iti amianan ket agsubli iti Zarahemla—Agkararag iti minuyonganna a torre sa kalpasanna ayabanna dagiti tao nga agbabawi wenno mapukawda. Agarup 23–21 s.c.
Kapitulo 8
Ikagumaan dagiti narugit nga ukom nga arunanna dagiti tao a mangbusor ken ni Nephi—Paneknekan da Abraham, Moises, Zenos, Zenock, Ezias, Isaias, Jeremias, Lehi, ken Nephi ni Cristo—Babaen ti pammaregta iwaragawag ni Nephi ti nadawel a pannakapapatay ti pangulo nga ukom. Agarup 23–21 s.c.
Kapitulo 9
Masarakan dagiti mensahero ti pangulo nga ukom a natay iti pangukoman—Mabaludda sada mawayawayaan iti saan a mabayag— Babaen ti pammaregta itudo ni Nephi ni Seantum nga isu ti nadawel a mammapatay—Awaten ti sumagmamano ni Nephi a kas propeta. Agarup 23–21 s.c.
Kapitulo 10
Ited ti Apo ken ni Nephi ti bileg a mangsaluad—Maikkan iti bileg a mamagkappeng ken mamagsina iti daga ken iti langit—Bilinenna dagiti tao nga agbabawi wenno mapukaw—Impan ti Espiritu manipud iti ummong agingga iti sabali nga ummong. Agarup 21–20 s.c.
Kapitulo 11
Allukoyen ni Nephi ti Apo a mangsukat iti gubat iti bisin—Adu a tao ti mapukaw—Agbabawida, ket umararaw ni Nephi iti Apo iti tudo—Adu a paltiing ti awaten da Nephi ken Lehi—Aglemmeng dagiti mannanakaw ni Gadianton iti daga. Agarup 20–6 s.c.
Kapitulo 12
Saan a natalged dagiti lallaki ken maag ken nalakada nga agaramid iti dakes—Dusaen ti Apo dagiti taona—Maidasig ti kinaubbaw dagiti tao iti bileg ti Dios—Iti aldaw a panangukom, magun-odto dagiti tao ti agnanayon a biag wenno agnanayon a pannakailunod. Agarup 6 s.c.
Ti padto ni Samuel, a Lamanite, kadagiti Nephite.
Sakupenna ti kapitulo 13 agingga iti 15.
Kapitulo 13
Ipadto ni Samuel a Lamanite a madadael dagiti Nephite malaksid no agbabawida—Mailunodda agraman ti kinabaknangda—Saanda a pinati ket binatoda dagiti propeta, nalawlawda kadagiti demonio, ket sinapulda ti ragsak babaen ti panagaramidda iti kinadakes. Agarup 6 s.c.
Kapitulo 14
Ipadto ni Samuel ti silaw iti rabii ken ti baro a bituen iti pannakayanak ni Cristo—Subboten ni Cristo ti tao manipud iti nainlasagan ken naespirituan nga ipapatay—Mairaman ti pagilasinan ti ipapatayna ti tallo nga aldaw ti kinasipnget, panaggudua dagiti bato, ken dakkel a riribuk iti nakaparsuaan. Agarup 6 s.c.
Kapitulo 15
Dinusa ti Apo dagiti Nephite gapu ta ay-ayatenna ida—Natibker ken napigsa ti pammati dagiti Lamanite nga immawat iti ebanghelio—Kaasianto ti Apo dagiti Lamanite iti ud-udina nga aldaw. Agarup 6 s.c.
Kapitulo 16
Binuniagan ni Nephi dagiti Nephite a mamati ken ni Samuel—Saan a mapatay dagiti pana ken bato dagiti di agbabawi a Nephite ni Samuel—Sumagmamano ti nangpatangken iti pusoda, ken nakakita dagiti dadduma kadagiti anghel—Kuna dagiti saan a mamati a saan a nainkalintegan ti pammati ken ni Cristo ken ti yaayna iti Jerusalem. Agarup 6–1 s.c.