O Le Tusi a Iakopo
o le Uso o Nifae

1 Aua faauta, sa oo ina mavae atu le lima sefulu ma le lima o tausaga talu ona tuua e Liae Ierusalema; o le mea lea, sa tuu mai ai e Nifae ia te a’u, o ^aIakopo, se ^epoloaiga e uiga i ⁱpapatusi laiti, ua togitogia ai i luga nei mea.

2 Ma sa tuuina mai e ia ia te a’u, o Iakopo, se poloaiga e tatau ona ou tusia i nei papatusi ni mea itiiti ua ou manatu ua sili ona pele; ma ia lē tatau ona ou pa’i ma ia lē tatau ona ou pa’i i ai, vaganā o ni nai mea itiiti, e uiga i le talafaasolopito o lenei nuu ua ta’ua o le nuu o Nifae.

3 Aua sa fai mai o ia o le talafaasolopito o lona nuu e tatau ona tusia i isi ana papatusi, ma e tatau ona ou faasaoina papatusi nei ma tuulima faasolo ifo i a’u fanau, mai lea tupulaga i lea tupulaga.

4 Ma afai e i ai ni talaiga ua paia, po o se faaaliga sa taua tele, po o se valoaga, e tatau ona ou togitogia o latou ^aautu i luga o papatusi nei, ma tusi faatatau i ai i le tele e mafai ai, e uiga ia Keriso, ma mo le manuia o o matou tagata.

5 Aua ona o le faatuatua ma le popole tele, o lea na faaali moni mai ai ia te i matou, e uiga i o matou tagata, mea o le a ^atutupu ia te i latou.

6 Ma sa matou maua foi faaaliga e tele, ma le agaga o valoaga e tele; o le mea lea, na matou iloa ai e uiga ia ^aKeriso ma lona malo, o le a oo mai.

7 O le mea lea na matou galulue ai ma le filigā i o matou tagata, ina ia mafai ona matou faatauanauina i latou ia ^ao mai ia Keriso, ma ia taumamafa i le agalelei o le Atua, ina ia mafai ona latou ulu atu i lona ^emalologa, ne’i i ai se pogai e tatau ai ona tauto o ia i lona toasa e le tatau ona latou ⁱulu atu i ai, e pei o le faaonoono i aso o le ^ofaaosoosoga a’o i ai le fanauga a Isaraelu i le ^uvao.

8 O le mea lea, ma te talosaga ai i le Atua ia mafai ona ma faatauanauina tagata uma ia lē ^afouvale faasaga i le Atua, e ^efaatupu ai lona toasā, ae ia talitonu tagata uma ia Keriso, ma manatunatu i lona maliu, ma mafatia i lona ⁱsatauro ma tauave tauemuga a le lalolagi; o le mea lea, o a’u o Iakopo, ou te ave ai i o’u luga e faataunuu le poloaiga a lo’u uso o Nifae.

9 O lenei sa amata ona toeaina o Nifae, ma sa iloa e ia ua lata ona ^aoti o ia; o le mea lea na ^efaauu ai e ia se tagata e avea ma tupu ma pule i luga o lona nuu, e tusa ma nofoaiga a ⁱtupu.

10 Ona o le alolofa tele o le nuu ia Nifae, ona sa fai o ia ma puipuiga tele mo i latou, i lona faaaoga o le ^apelu a Lapana mo lo latou puipuiga, ma i lona galue ai i ona aso uma mo lo latou manuia—

11 O le mea lea, na mananao ai le nuu ia faaauau ona manatuaina pea o lona igoa. Ma o ai lava se e nofotupu e sui i lona tulaga sa ta’ua e le nuu, o Nifae lua, ma Nifae tolu, ma faapena lava, e tusa ma nofoaiga a tupu; ma sa faapea ona ta’ua i latou e le nuu, e tusa po o ai lava igoa sa valaau ai i latou.

12 Ma sa oo ina maliu Nifae.

13 O lenei o tagata sa lē o ni ^asa Lamanā, o ^esa Nifaē ia; ae ui i lea, sa ta’ua i latou o sa Nifaē, o sa Iakopō, o sa Iosefā, o ⁱsa Soramā, o sa Lamanā, o sa Lemuelū, ma sa Isamaelī.

14 Ae o a’u, o Iakopo, ou te lē toe ta’ueseeseina i latou i nei igoa, ae o le a ou ^ata’ua o sa Lamanā i latou o e ua saili e faaumatia le nuu o Nifae; ma o i latou o e e alolofa ia Nifae o le a ou ta’ua o ^esa Nifaē, po o le ⁱnuu o Nifae, e tusa ma nofoaiga a tupu.

15 Ma o lenei o le nuu o Nifae, i lalo o le nofoaiga a le tupu lona lua, sa amata ona ola maaa i o latou loto, ma tuu atu i latou lava e faia o amioga leaga, e pei o Tavita anamua na manao i ^aavā ma palake e toatele, faapea foi ma Solomona, lona atalii.

16 Ioe, ma sa amata foi ona latou saili i auro ma ario e tele, ma amata ona faafefeteina i latou lava i le faamaualuga.

17 O le mea lea, o a’u o Iakopo, na ou tuuina atu ai ia te i latou nei upu a’o ou aoaoina i latou i le ^amalumalu, ina ua mavae ona ou maua muamua mai o la’u ^efeau mai le Alii.

18 Ona o a’u, o Iakopo, ma lo’u uso o Iosefa sa ^afaapaiaina o ni faitaulaga ma a’oa’o i lenei nuu, i le lima o Nifae.

19 Ma sa ma faalauteleina o ma’ua ^atofiga i le Alii, ma ave i o ma’ua luga le ^etiutetauave, e tali i luga o o ma’ua lava ulu agasala a le nuu, pe afai ma te lē a’oa’o atu ia te i latou le afioga a le Atua ma le filigā atoa; o le mea lea, o le galulue ma lo ma’ua malosi atoa, o le a lē oo mai ai o latou ⁱtoto i luga o o ma’ua ofu; a lē o lea o le a oo mai o latou toto i luga o o ma’ua ofu, ma o le a lē maua i ma’ua i le lē pona i le aso gataaga.