Mga Kasulatan
Jacob 3


Kapitulo 3

Ang mga putli og kasingkasing modawat sa makapahimuot nga pulong sa Dios—Ang pagkamatarong sa Lamanita milabaw kay sa mga Nephita—Mipasidaan si Jacob batok sa gidili nga pakighilawas, pagkamaulagon, ug sa tanang sala. Mga 544–421 B.C.

1 Apan tan-awa, ako, si Jacob, nagtinguha sa pagpamulong kaninyong mga putli og kasingkasing. Tan-aw ngadto sa Dios uban ang kalig-on sa hunahuna, ug pag-ampo ngadto kaniya uban sa dakong pagtuo, ug siya mohupay kaninyo sa inyong mga kasakit, ug iyang ihangyo ang inyong kaayohan, ug mopadala og tukmang silot niadtong nagtinguha sa inyong kalaglagan.

2 O tanan kamo nga putli og kasingkasing, ipataas ang inyong mga ulo ug dawata ang makapahimuot nga pulong sa Dios, ug pagbusog sa iyang gugma; kay mahimo ninyo kini, kon ang inyong mga hunahuna alig-on, hangtod sa hangtod.

3 Apan, alaot, alaot, kamong dili mga putli og kasingkasing, nga karon ahugaw sa atubangan sa Dios; kay gawas lang kon kamo maghinulsol ang yuta tunglohon tungod kaninyo; ug ang mga Lamanita, nga dili hugaw sama kaninyo, bisan pa bgitunglo sila og mapintas nga tunglo, mokastigo kaninyo gani ngadto sa kalaglagan.

4 Ug dali rang moabot ang panahon, nga gawas kon maghinulsol kamo mapanag-iya nila ang yuta nga inyong kabilin, ug ang Ginoong Dios amogiya sa mga matarong palayo kaninyo.

5 Tan-awa, ang kaigsoonan ninyong mga Lamanita, nga gikasilagan ninyo tungod sa ilang pagkahugaw ug sa tunglo nga midangat sa ilang mga panit, mas matarong pa kay kaninyo; kay wala sila amahikalimot sa sugo sa Ginoo, nga gihatag ngadto sa atong amahan—nga kinahanglang magbaton sila og usa lamang ka asawa, ug walay mga puyo-puyo, ug kinahanglan walay mga malaw-ay nga buhat tali kanila.

6 Ug karon, kini nga sugo ilang gituman sa pagsunod; busa, tungod niini nga pagtuman, sa pagsunod niini nga sugo, ang Ginoong Dios dili molaglag kanila, apan amagmanggiloy-on ngadto kanila; ug ugma damlag mamahimo silang bulahan nga katawhan.

7 Tan-awa, ang ilang mga bana anahigugma sa ilang mga asawa, ug ang ilang mga asawa nahigugma sa ilang mga bana; ug ang ilang mga bana ug ang ilang mga asawa nahigugma sa ilang mga anak; ug ang ilang pagkawalay pagtuo ug ang ilang pagdumot kaninyo nahitabo tungod sa pagkadaotan sa ilang mga amahan; busa, unsa man kamo kamaayo kay kanila, sa panan-aw sa inyong talagsaong Tiglalang?

8 O akong kaigsoonan, nahadlok ako nga gawas kon hinulsolan ninyo ang inyong mga sala ang ilang mga panit mas moputi pa kay sa inyoha, kon kamo dad-on na kauban nila sa atubangan sa trono sa Dios.

9 Busa, usa ka sugo ang akong ihatag kaninyo, nga mao ang pulong sa Dios, nga dili na ninyo sila biaybiayon tungod sa kaitom sa ilang mga panit; ug dili na kamo mobiabiay kanila tungod sa ilang pagkahugaw; apan hinumdoman ninyo ang kaugalingon ninyong pagkahugaw, ug hinumdoman nga ang ilang pagkahugaw nahitabo tungod sa ilang mga amahan.

10 Busa, mahinumdoman ninyo ang inyong amga anak, nga kamo nakapaguol sa ilang mga kasingkasing tungod sa gipakita ninyong ehemplo kanila; ug, mahinumdoman usab ninyo, nga tingali tungod sa inyong pagkahugaw, inyong madala ang inyong mga anak ngadto sa kalaglagan, ug ang ilang mga sala ipatong sa inyong mga ulo sa kataposang adlaw.

11 O akong kaigsoonan, patalinghogi ang akong mga pulong; pukawa ang mga galamhan sa inyong mga kalag; uyoga ang inyong kaugalingon nga kamo amahigmata gikan sa inyong pagkahinanok; ug badbari ang inyong kaugalingon gikan sa kasakit sa bimpiyerno aron dili kamo mahimong mga canghel sa yawa, nga itambog ngadto sa linaw sa kalayo ug asupre nga mao ang ikaduhang dkamatayon.

12 Ug karon ako, si Jacob, namulong og daghan pang butang ngadto sa katawhan ni Nephi, mipasidaan kanila batok sa apakighilawas sa wala pa ang kaminyoon ug bpagkamaulagon, ug sa tanang matang sa sala, gisultihan sila sa makalilisang nga mga sangpotanan niini.

13 Ug ang gatosan ka bahin sa nanghitabo niini nga katawhan, nga karon nagsugod og kadaghan, dili ikasulat dinhi aniini nga mga palid; apan daghan sa nahitabo kanila gisulat sa mas dagkong mga palid, ug ang ilang mga gubat, ug ang ilang mga panagbingkil, ug ang mga paghari sa ilang mga hari.

14 Kini nga mga palid gitawag og mga palid ni Jacob, ug gihimo kini pinaagi sa kamot ni Nephi. Ug ako mitapos sa pagsulti niini nga mga pulong.