Mga Kasulatan
Jacob 4


Kapitulo 4

Ang tanang propeta nagsimba sa Amahan sa ngalan ni Kristo—Ang paghalad ni Abraham kang Isaac usa ka simbolikanhong paghulagway sa Dios ug sa Iyang Bugtong Anak—Ang mga tawo kinahanglang makig-uli sa Dios pinaagi sa Pag-ula—Ang mga Judeo mosalikway sa tukoranang bato. Mga 544–421 B.C.

1 Karon tan-awa, nahitabo nga ako, si Jacob, human makapangalagad og maayo sa akong katawhan pinaagi sa pulong, (ug dili ako makasulat apan sa diyotay ra sa akong mga pulong, tungod sa kalisod sa pagkulit sa among mga pulong diha sa mga palid) ug nahibalo kami nga ang mga butang nga among gisulat sa mga palid kinahanglang magpabilin;

2 Apan ang bisan unsa pa nga butang ang among isulat bisan asa gawas lang diha sa mga palid siguradong mangahanaw ra ug mangawala; apan makasulat kami og pipila ka pulong diha sa mga palid, nga maghatag sa among mga anak, ug usab sa minahal namong kaigsoonan, og gamay nga kahibalo mahitungod kanamo, o mahitungod sa ilang mga amahan—

3 Karon nalipay kami niining butanga; ug makugihon kaming naghago aron makulit kini nga mga pulong diha sa mga palid, nanghinaot nga ang minahal namong kaigsoonan ug ang among mga anak modawat niini uban sa mapasalamatong mga kasingkasing, ug mainampingong mobasa niini aron sila makakat-on uban sa kamaya ug dili sa kasubo, dili usab sa pagtamay, sa una nilang mga ginikanan.

4 Tungod kay, alang niini nga katuyoan gisulat namo kining mga butanga, aron sila masayod nga kami anakaila kang Kristo, ug aduna kami paglaom kami sa iyang himaya daghang gatosan ka tuig sa wala pa siya moanhi; ug dili kay kami lamang ang adunay paglaom sa iyang himaya, apan usab ang tanang balaan nga bmga propeta nga nanag-una kanamo.

5 Tan-awa, nagtuo sila kang Kristo ug anagsimba sa Amahan pinaagi sa iyang ngalan, ug usab nagsimba kami sa Amahan pinaagi sa iyang ngalan. Ug tungod niini nga katuyoan gisunod namo ang bbalaod ni Moises, kay cnagpunting kini sa among mga kalag ngadto kaniya; ug tungod niini nga hinungdan gibalaan kini sa Dios ngari kanamo isip usa ka matarong nga butang, kay giisip kini nga pagkamasulondon ni Abraham sa mga sugo sa Dios didto sa kamingawan ang paghalad sa iyang anak nga si Isaac, nga mao ang usa ka simbolikanhong paghulagway sa Dios ug sa iyang dBugtong Anak.

6 Busa, nangita kami sa mga propeta, ug aduna kami daghang pagpadayag ug espiritu sa apagpanagna; ug kay aduna kami sa tanan niini nga bmga pagpamatuod naangkon namo ang usa ka paglaom, ug ang among pagtuo dili na matarog, hangtod nga kami sa pagkatinuod makahimo na sa cpagsugo pinaagi sa dngalan ni Jesus ug ang mga kahoy, o ang mga bukid, o ang mga balod sa dagat motuman kanamo.

7 Bisan pa niana, gipakita sa Ginoong Dios kanamo ang among akahuyang aron among mahibaloan nga pinaagi sa iyang grasya, ug sa iyang walay kataposang mga pagpakigbagay ngadto sa anak sa mga tawo, nga kami adunay gahom sa pagbuhat niini nga mga butang.

8 Tan-awa, mahinungdanon ug kahibulongan ang mga buhat sa Ginoo. Pagka atulukibon sa giladmon sa iyang bmga misteryo; ug imposibleng mahibaloan sa tawo ang tanan niyang mga paagi. Ug walay tawo nga cmasayod sa iyang dmga paagi gawas kon ipadayag kini kaniya; busa, kaigsoonan, ayaw biaybiaya ang mga pagpadayag sa Dios.

9 Kay tan-awa, pinaagi sa gahom sa iyang apulong bang tawo miabot sa ibabaw sa yuta, diin nga yuta gilalang pinaagi sa gahom sa iyang pulong. Busa, kon ang Dios makahimo sa pagpamulong ug nalalang ang kalibotan, ug sa pagpamulong ang tawo nalalang, O unya, nganong dili man kaha makasugo sa cyuta, o sa mga hinimo sa iyang mga kamot sa ibabaw niini, sumala sa iyang kabubut-on ug kahimuot?

10 Busa, kaigsoonan, ayaw tinguhaa ang apagtambag sa Ginoo, apan sa pagdawat og tambag gikan sa iyang kamot. Kay tan-awa, kamo mismo nahibalo nga motambag siya pinaagi sa bkaalam, ug sa kaangayan, ug sa dakong kalooy, sa tanan niyang mga buhat.

11 Busa, hinigugmang kaigsoonan, pakig-uli kaniya pinaagi sa apag-ula ni Kristo, ang iyang bBugtong anak, ug makaangkon kamo og cpagkabanhaw, sumala sa gahom sa pagkabanhaw nga anaa kang Kristo, ug ihalad ngadto sa Dios isip ang dunang mga bunga ni Kristo, nga adunay pagtuo, ug nakaangkon og maayong paglaom sa himaya diha kaniya sa dili pa niya ipakita dinhi sa unod ang iyang kaugalingon.

12 Ug karon, mga hinigugma, ayaw kamo og kahibulong nga gisultihan ko kamo niining mga butanga; kay nganong dili man ahisgotan ang mahitungod sa pag-ula ni Kristo, ug pagkab-ot og hingpit nga kahibalo kaniya, sama sa pagkab-ot sa kahibalo mahitungod sa pagkabanhaw ug sa kalibotan nga moabot?

13 Tan-awa, akong kaigsoonan, siya nga managna, patagnaa siya aron makasabot ang mga tawo; kay ang aEspiritu mamulong sa kamatuoran ug dili mamakak. Busa, naghisgot kini sa mga butang kon unsa gayod ang ilang tinuod nga kinaiyahan bkaron, ug sa mga butang kon unsa gayod ang ilang tinuod nga kinaiyahan sa umaabot; busa, kining mga butanga gipakita ngari kanamo sa cyano nga paagi, alang sa kaluwasan sa atong mga kalag. Apan tan-awa, dili lamang kita ang mga saksi niining mga butanga; kay gipamulong usab kini sa Dios ngadto sa karaang mga propeta.

14 Apan tan-awa, ang mga Judeo mga atikig og liog nga katawhan; ug bgibiaybiay nila ang yano nga mga pulong, ug gipatay ang mga propeta, ug nangita sa mga butang nga dili nila masabtan. Busa, tungod sa ilang cpagkabuta, ang pagkabuta nga midangat tungod kay mitan-aw sila lapas sa tumong, mapukan gayod sila; kay gibawi man sa Dios ang iyang pagkayano gikan kanila, ug gihatagan sila og daghang butang nga ddili nila masabtan, tungod kay mao man kini ang ilang gitinguha. Ug tungod kay nagtinguha man sila niini gibuhat kini sa Dios, aron sila mapandol.

15 Ug karon ako, si Jacob, gidasig sa Espiritu ngadto sa pagpanagna; kay akong gibati pinaagi sa impluwensya sa Espiritu nga ania kanako, nga pinaagi sa apagkapandol sa mga Judeo ilang bisalikway ang cbato diin mahimo unta silang magtukod ug makaangkon og lig-ong tukoranan.

16 Apan tan-awa, sumala sa mga kasulatan, kini nga abato mahimong mao ang bantogan, ug ang kataposan, ug mao lamang ang lig-on nga btukoranan, nga katukoran sa mga Judeo.

17 Ug karon, akong mga hinigugma, sa unsa man nga paagi sila, human mosalikway sa lig-ong tukoranan, aaduna pay higayon nga makatukod diha niini, aron kini mahimong ilang ulohang bato sa pamag-ang?

18 Tan-awa, akong hinigugma nga kaigsoonan, akong ibutyag kaninyo kini nga misteryo; kana kon dili ko, sa bisan unsang paagi, matay-og gikan sa akong pagkalig-on sa Espiritu, ug mapandol tungod sa akong labihan nga kahingawa alang kaninyo.