Tusitusiga Paia
Iakopo (TM) 4


Mataupu 4

Sa tapuai atu perofeta uma i le Tamā i le suafa o Keriso—O le tuuina atu o Isaako e Aperaamo o le faatusa lea o le Atua ma Lona Alo e Toatasi na Fanaua—E tatau ona faaleleia e tagata i latou lava ma le Atua e ala i le Togiola—O le a teena e tagata Iutaia le maa faavae. E tusa o le 544–421 T.L.M.

1 O lenei faauta, sa oo ina o a’u, o Iakopo, ina ua uma ona ’ou a’oa’o atu mea e tele i lo’u nuu i le upu, (ma e lē mafai ona ou tusia ae na’o se vaega itiiti o a’u upu, ona o le faigata o le togitogiga o a matou upu i luga o papatusi) ma ua matou iloa o mea ua matou tusia i luga o papatusi e ao ina faasaoina;

2 Ae o soo se mea matou te tusia i luga o soo se isi mea vaganā ai luga o papatusi, o le a fano ma mavae atu; ae e mafai ona matou tusia ni nai upu itiiti i luga o papatusi, e tuu atu ai ia matou fanau, faapea foi ma o matou uso pele, se vaega itiiti o le malamalama e uiga ia te i matou, pe e uiga i o latou tamā—

3 O lenei ua matou olioli i lenei mea; ma ua matou galulue ma le filigā e togitogi nei upu i luga o papatusi, i le faamoemoe o le a maua e o matou uso pele ma a matou fanau ia upu ma le loto faafetai, ma vaai i ai ina ia mafai ona latou a’oa’o ma le olioli ae lē o le faanoanoa, po o le ile migao, e uiga i o latou ulua’i matua.

4 Auā, o le faamoemoe lenei ua matou tusia ai nei mea, ina ia mafai ona latou iloa sa matou ailoa e uiga ia Keriso, ma sa i ai ia te i matou se faamoemoe i lona mamalu i le tele o selau o tausaga a o le i afio mai o ia; ma sa lē na’o i matou lava sa i ai se faamoemoe i lona mamalu, ae sa faapea foi eperofeta paia uma o e na muamua atu ia i matou.

5 Faauta, sa latou talitonu ia Keriso ma atapua’i i le Tamā i lona suafa, ma ua matou tapua’i foi i le Tamā i lona suafa. Ma o le faamoemoe lenei sa matou tausia ai le etulafono a Mose, na itaitaiina o matou agaga ia te ia; ma o le pogai lenei ua faapaiaina ai ia te i matou o se mea amiotonu, e pei lava ona tuuina atu ia Aperaamo i le vao ia usiusitai i poloaiga a le Atua i le ofoina atu o lona atalii o Isaako, o se faatusa o le Atua ma lona oAtalii Pele e Toatasi.

6 O le mea lea, ua matou su’esu’e ai i perofeta, ma sa matou maua faaaliga e tele ma le agaga o avaloaga; ma o le i ai o nei emolimau uma ua matou maua ai se faamoemoe, ma lē maluelue ai lo matou faatuatua, ua oo ina mafai lava ona matou ipoloai atu i le osuafa o Iesu ma usiusitai ai laau ia te i matou, po o mauga, po o galu o le sami.

7 Ae ui i lea, ua faailoa mai ia te i matou e le Alii le Atua lo matou avaivai, ina ia mafai ai ona matou iloa, o lona alofa tunoa, ma lona faamaualalo tele i le fanauga a tagata, ua matou maua ai le mana e fai ai ia mea.

8 Faauta, ua silisili ma ofoofogia galuega a le Alii. Ua lē amasu’esu’eina lava le loloto o ana emealilo; ma e le mafai e le tagata ona iiloa ona oala uma. Ma e leai se tasi na te iloa ona ala vaganā ai ua faaalia ia te ia; o le mea lea, uso e, aua le inoino i faaaliga a le Atua.

9 Auā faauta, o le mana o lana aafioga na auala mai ai le etagata i luga o le fogaeleele, le lalolagi lea na foafoaina i le mana o lana fetalaiga. O le mea lea, afai na mafai e le Atua ona fetalai atu ma faapea ona i ai o le lalolagi, ma fetalai atu ma faapea ona foafoaina ai o le tagata, O lea la, aisea e lē mafai ai ona poloai atu i le ilalolagi, po o galuega a ona aao i le lalolagi, e tusa ma lona loto ma lona finagalo?

10 O le mea lea, uso e, aua tou te saili e afautuaina le Alii, a ia outou talia fautuaga mai lona aao. Auā faauta, ua outou iloa lava ua fautua mai o ia i le epoto, ma le faamasinotonu, ma le alofa mutimutivale tele, i ana galuega uma.

11 O le mea lea, uso pele e, ia outou faalelei ma ia e ala i le atogiola a Keriso, lona eAtalii Pele e Toatasi, ma ona mafai ai lea ona outou maua o se itoetu, e tusa ma le mana o le toetu ua ia Keriso, ma tuu atu ai outou i le Atua o ni ofaapolopolo a Keriso, ua faatuatua, ma ua maua se faamoemoe lelei o le mamalu ia te ia ae lei faaali mai e ia o ia lava i le tino.

12 Ma o lenei, le au pele e, aua tou te ofo i lo’u ta’u atu o nei mea ia te outou; auā aisea tatou te lē atautatala ai e uiga i le togiola a Keriso, ma saili ia maua se malamalama atoatoa e uiga ia te ia, e pei ona tatau ona tatou saili ia maua se malamalama e uiga i le toetutu ma le lalolagi a sau?

13 Faauta, o’u uso e, o ia o lē ua vavalo, ia tuu atu ia te ia e vavalo mo le malamalama o tagata; auā e folafola mai e le aAgaga le upumoni ma e le pepelo lava. O le mea lea, e fetalai mai o ia e uiga i mea e pei ona ei ai moni lava, ma e uiga i mea e pei o le a i ai moni lava; o le mea lea, ua faaali imanino mai nei mea ia te i tatou, mo le olataga o o tatou agaga. Ae faauta, ua lē na’o i tatou e molimau i nei mea; ona sa fetalai atu foi e le Atua ia mea i perofeta anamua.

14 Ae faauta, sa aua maaa tagata Iutaia; ma sa latou einoino i upu manino, ma latou fasioti perofeta, ma saili mo mea sa lē mafai ona latou malamalama i ai. O le mea lea, ona o lo latou itauaso, o se tauaso na oo mai i le latou vaai i tala atu o le faailoga taua, o lea o le a latou pa’u’ū ai; ona ua aveese e le Atua lana manino mai ia te i latou, ma tuu atu ia te i latou le tele o mea e olē mafai ona latou malamalama i ai, ona sa latou mananao i ai. Ma talu ai ona sa latou mananao i ai, o lea na faia ai e le Atua ia latou tautevateva.

15 Ma o lenei, o a’u, o Iakopo, ua taitaiina a’u e le Agaga ia ou vavalo atu; ona ua ou iloa e ala i galuega a le Agaga ua ia te a’u, o le atautevateva o tagata Iutaia o le a latou eteena ai le ipapa e mafai ona latou atia’e ai i luga ma maua ai se faavae saogalemu.

16 Ae faauta, e tusa ma tusitusiga paia, o lenei apapa o le a avea ma efaavae tele, ma mulimuli, ma mautinoa moni e tasi, e mafai ona atia’e ai i luga tagata Iutaia.

17 Ma o lenei, a’u pele e, e mafai faapefea e i latou nei, ina ua tuanai ona latou teena o le faavae mautu, ona mafai ona aatia’e ai i ona luga, ina ia mafai ona avea ma o latou tulimanu aupitoaluga?

18 Faauta, o’u uso pele e, o le a ou fofola atu lenei mealilo ia te outou; pe afai e lē lūlūina ai a’u, i se ala, mai lo’u mausalī i le Agaga, ma ou tautevateva ai ona o lo’u soona popole mo outou.