1 Ary ankehitriny, indro, ry rahalahiko, satria efa nilaza taminareo aho fa haminany, dia indro, izao no faminaniako—fa ny zavatra izay nolazain’ity ^aZenosa mpaminany ity ny amin’ny mpianakavin’i Isiraely, tamin’ny nampitahany azy tamin’ny hazo oliva voakolokolo, dia tsy maintsy hitranga marina tokoa.

2 Ary ny andro izay haninjirany ny tanany fanindroany indray mba ^ahampody ny olony, no andro, eny, no fotoana farany handehanan’ny ^bmpanompon’ny Tompo amin’ny ^dheriny mba ^ehikolokolo sy handrantsana ny ^ftanimboliny; ary aorian’izany dia ho avy tsy ho ela ny ^gfarany.

3 Ary endrey, hotahiana tokoa ireo izay efa niasa tamim-pahazotoana tao amin’ny tanimboliny; ary endrey ho voaozona tokoa ireo izay horoahina hankeo amin’ny toerany ihany! Ary ^ahodorana amin’ny afo izao tontolo izao.

4 Ary, endrey, feno famindram-po amintsika tokoa ny Andriamanitsika fa mahatsiaro ny mpianakavin’i ^aIsiraely Izy, na fakany na sampany; ary maninjitra ny ^btanany aminy Izy mandritra ny manontolo andro; ary vahoaka ^dmafy hatoka sy mpamalivaly izy; nefa izay rehetra tsy manamafy ny fony no hovonjena ao amin’ny fanjakan’ Andriamanitra.

5 Noho izany, ry rahalahy malalako, dia miangavy anareo amin’ny teny hentitra aho mba hibebahanareo ary hanatonanareo amin’ny fo feno finiavana sy ^ahifikiranareo amin’ Andriamanitra, toy ny ifikirany aminareo. Ary raha mbola mitolotra aminareo ny ^bsandrin’ny famindram-pony amin’ny fahazavan’ny andro, dia aza manamafy ny fonareo.

6 Eny, anio, raha te hihaino ny feony ianareo, dia aza manamafy ny fonareo; fa nahoana no te ho ^afaty ianareo?

7 Fa indro, rehefa avy nofahanana tamin’ny teny soan’ Andriamanitra ianareo nandritra ny manontolo andro, moa va hitondra voa ratsy ianareo ka tsy maintsy ^ahokapaina ary hatsipy any anaty afo?

8 Indro, hotsipahinareo va ireo teny ireo? Hotsipahinareo va ny tenin’ny mpaminany; ary hotsipahinareo va ny teny rehetra izay efa nolazaina momba an’i Kristy, kanefa maro tokoa no efa niteny momba Azy; ary holavinareo va ny teny soan’i Kristy sy ny herin’ Andriamanitra ary ny ^afanomezana ny Fanahy Masina, ary hovonoinareo va ny Fanahy Masina, ary hoesoinareo va ny drafitra lehiben’ny fanavotana izay efa nomanina ho anareo?

9 Tsy fantatrareo va fa raha manao ireo zavatra ireo ianareo, dia ny herin’ny fanavotana sy ny fitsanganana amin’ny maty, izay ao amin’i Kristy, no hitondra anareo hijoro amin-kenatra sy ^afanamelohana mahatsiravina eo anoloan’ny ^btoeram-pitsaran’ Andriamanitra?

10 Ary araka ny herin’ny rariny, fa tsy azo lavina ny ^arariny, dia tsy maintsy mandeha mankamin’ny ^bfarihy afo sy solifara ianareo, izay tsy mety maty ny lelafony ary miakatra mandrakizay mandrakizay ny setrony, dia farihy afo sy solifara izay ^dfijaliana ^etsisy fiafarany.

11 Ô amin’izany, ry rahalahiko malala, mibebaha ianareo ary midira amin’ny ^avavahady ety ary mitozoa amin’ny lalana izay tery mandra-pahazoanareo ny fiainana mandrakizay.

12 Ô, mba ^ahendry; inona no azoko lazaina ankoatra izany?

13 Farany, dia manao veloma anareo aho mandra-pihaonako aminareo eo anoloan’ny toeram-pitsarana mahafinaritra izay an’ Andriamanitra, dia toeram-pitsarana izay mamely ny olon-dratsy amin’ny horohoro sy ny tahotra ^amahatsiravina. Amena.