Lolomi
Faasoa Atu

O Le Tusi a Iakopo O Le Uso o Nifae

Mataupu 6

O le a toe faapotopoto e le Alii ia Isaraelu i aso e gata ai—O le a susunuina le lalolagi i le afi—E ao i tagata ona mulimuli ia Keriso e aloese ai mai le lepa afi ma le teio. E tusa o le 544–421 T.L.M.

1 Ma o lenei, faauta, oʼu uso e, e pei ona ou fai atu ia te outou o le a ou vavalo atu, faauta, o laʼu valoaga lenei—o mea na fetalai mai ai lenei perofeta o aSenosa, e uiga i le aiga o Isaraelu, lea na ia faatusaina ai i latou i se laau olive fanua, o le a faataunuuina moni lava.

2 Ma o le aso o le a toe faatuina ai e ia lona aao i le taimi lona lua e atoe aumai ona tagata, o le aso lea, ioe, o le toe taimi lava lea, o le a o atu ai eauauna a le Alii i lona imana, e otausi ma teu lona utogaolive; ma a mavae lena ona lata lea ona oo mai o le fiuga.

3 Ma amuia lava i latou o e sa galulue ma le filiga i lona togaolive; ma e fetuuina lava i latou o e o le a tutuli ese i fafo i lo latou lava nofoaga! Ma o le a asusunu le lalolagi i le afi.

4 Ma ua alofa mutimutivale lava lo tatou Atua ia te i tatou, ona e manatua e ia le aiga o aIsaraelu, o aʼa atoa ma lala; ma ua faaloaloa mai ona eaao ia te i latou i le aso atoa; ma o i latou o ni tagata iua maaa ma faatautee; ae o le toatele o i latou o e e lē faamaaaina o latou loto o le a faaolaina i le malo o le Atua.

5 O le mea lea, oʼu uso pele e, ou te aioi atu ia te outou i upu mamalu ia outou salamo, ma o mai ma le faamoemoe atoa o le loto, ma pipii atu i le Atua e pei ona ia apipii mai ia te outou. Ma aʼo faaloaloa mai lona eaao o le alofa tunoa ia te outou i le malamalama o le ao, aua le faamaaaina o outou loto.

6 Ioe, i le asō, afai tou te lagona mai lona siufofoga, aua le faamaaaina o outou loto; ona aisea tou te fia aoti ai?

7 Aua faauta, ina ua uma ona fafagaina o outou i le aso atoa i le afioga lelei a le Atua, pe tou te fua mai ea i fua leaga, o le a tatau ai ona atatuu o outou i lalo ma lafo i le afi?

8 Faauta, tou te teena ea nei upu? Tou te teena ea upu a perofeta; ma tou te teena ea upu uma ua tautala mai e uiga ia Keriso, ina ua mavae lea ona tautatala mai o le toatele e uiga ia te ia; ma tetee le afioga lelei a Keriso, ma le mana o le Atua, ma le ameaalofa a le Agaga Paia, ma tinei le Agaga Paia, ma fai ma tauemuga le fuafuaga tele o le togiolaina, ua uma ona faataoto mo outou?

9 Tou te lē iloa ea afai tou te faia nei mea, o le a aumai outou e le mana o le togiola ma le toetu, o ia Keriso, ia outou tutu i le maasiasi ma le alagona o au sese matautia i luma o le epa faamasino o le Atua?

10 Ma e tusa ma le mana o le faamasinotonu, ona e lē mafai ona faafitia o le afaamasinotonu, o le a outou o ese atu ai i lena elepa afi ma le teiō, lea e lē matineia ona apeafi, ma o lona asu e alu aʼe pea i luga e faavavau faavavau lava, o le lepa afi ma le teiō lea o le imafatia e o gata.

11 E, o lea la, oʼu uso pele e, ia outou salamo, ma ia outou ulu atu i le afaitotoa vaapiapi, ma tutumau pea i le ala ua lauitiiti, seia oo ina outou maua le ola e faavavau.

12 E, ia outou aatamamai! O le a se isi mea e mafai ona ou fai atu?

13 Mulimuli lava, ou te faatofa atu ia te outou, seia ou toe feiloai ma outou i luma o le pa faamasino fimalie a le Atua, o le pa faamasino lea e taia ai lē ua amioleaga i le mataʼu ma le fefe amatautia. Amene.