Ai Vola i Jekope Na Taci Nifai

Jekope 

Na vosa ni nona vunau vei ira na wekana. Sa vakadrukai koya e dua na tamata ka a segata me vakacacana na ivakavuvuli i Karisito. E vica na malanivosa me baleta na kedra itukutuku na tamata i Nifai.
Wase 1

Erau sa segata ko Jekope kei Josefa me rau vakauqeti ira na tamata me ra vakabauti Karisito ka muria na Nona ivakaro—Sa mate ko Nifai—Sa levu na caka ca ena kedra maliwa na Nifaiti. Rauta na 544–421 B.K.

Wase 2

Sa tukuna o Jekope na ca ni lomana na iyau, na dokadoka kei na tawasavasava—Sa rawa ni vakasaqara na iyau na tamata me vukei ira kina na wekana—Sa vakarota na Turaga me kakua ni dua na tagane vei ira na Nifai me sivia na dua na watina—Sa rekitaka na Turaga na nodra bula savasava na marama. Rauta na 544–421 B.K.

Wase 3

Era sa ciqoma na vosa talei ni Kalou ko ira sa savasava na lomadra—Sa sivita na nodra ivalavala dodonu na Nifaiti na nodra na Leimanaiti—Sa veivakasalataki ko Jekope me baleta na veidauci, na yalo dau garogaro, kei na ivalavala ca kecega. Rauta na 544–421 B.K.

Wase 4

Ko ira kece na parofita era qarava na Tamada ena yaca i Karisito—Na nona a vakacabori Aisake ko Eparaama sa vakatautauvatataki kina na Kalou kei na Nona Le Duabau ga—Sa dodonu vua na tamata me vakaduavatataki koya vua na Kalou ena vuku ni Veisorovaki—Era na sega ni ciqoma na Jiu na yavu vatu. Rauta na 544–421 B.K.

Wase 5

Sa cavuta ko Jekope na vosa i Sinosi me baleta na ivakatautauvata ni vu ni olive vinaka kei na vu ni olive ni veikau—Erau sa ivakatautauvata kei Isireli kei ira na kai Matanitu Tani—Sa tukuni rawa tu mai na veiseyaki kei na vakasoqoni vata tale kei Isireli—Sa vakaibalebaletaki e so na ka ki vei ira na Nifaiti kei ira na Leimanaiti kei na mataqali kecega i Isireli—Era na sema ki Isireli ko ira na kai Matanitu Tani—Ena qai vakamai dina ga na were ni vaini. Rauta na 544–421 B.K.

Wase 6

Ena rawati ira lesu tale na Isireli na Turaga ena veisiga mai muri—Ena vakamai na vuravura ena bukawaqa—Me na muri Karisito na tamata me levea kina na drano bukawaqa kei na sulifure. Rauta na 544–421 B.K.

Wase 7

Sa cakitaki Karisito ko Seremi, ka veisaqasaqa kei Jekope, sa vakaukauwataka me dua na ivakatakilakila, ka qai yaviti koya na Kalou—Era tukuni Karisito kei na Nona Veisorovaki ko ira kece na parofita—Era sa dau veilakoyaki ena gauna ni nodra bula ko ira na Nifaiti, era sucu ena gauna dredre sara, ka ra cati mai vei ira na Leimanaiti. Rauta na 544–421 B.K.