Kapitulo 1

Tungpalen dagiti Nephite ti paglintegan ni Moises, isaganaanda ti yaay ni Cristo, ket rumang-ayda iti daga—Adu a propeta ti agtrabaho tapno makapagtalinaed dagiti tao iti dalan ti kinapudno. Agarup 399–361 S.C.

1 Ita adtoy, siak, ni Jarom, isuratko ti sumagmamano a balikas maipanggep iti bilin ti amak, a ni Enos, a nasken a maidulin ti akapupuontayo.

2 Ket gapu ta ababassit bdagitoy a pinanid, ken gapu ta cnaisurat dagitoy a banag a para iti pagimbagan dagiti kakabsattayo a dLamanite gapuna, nasken laeng a bassit ti isuratko; ngem diak isurat dagiti banag a maipanggep iti panagipadtok, wenno ti panagipaltiingko. Ta ania koma pay ti isuratko a naisurat metten ti amak? Ta dida kadi impalgak ti plano ti pannakaisalakan? Kunak kadakayo, Wen; ket umdasen kaniak daytoy.

3 Adtoy, mayalubog nga adu ti nasken a maaramid kadagitoy a tao, gapu iti kinatangken ti panagpuspusoda, ken ti kinatulengda, ken ti kinabulsek ti pampanunotda, ken ti akinasikkil ti panagtengtengngedda; nupay kasta, naasi unay ti Dios kadakuada, ket dina pay ida bsinagad iti rabaw ti daga.

4 Ket adu kadatayo ti addaan iti adu a apaltiing, ta saanda amin a nasukir. Ket kas iti kaadu ti saan a nasukir ken addaan iti pammati, adda bpannakikaykaysada iti Nasantuan nga Espiritu, a naipakita kadagiti annak ti tattao, a maibatay iti pammatida.

5 Ket ita, adtoy, dua gasut a tawen ti limmabas, ket pimmigsa dagiti tao ni Nephi iti daga. Pinilida ti aagtungpal iti paglintegan ni Moises ken inaramidda a nasantuan ti baldaw ti Apo. Ket saanda a cnagbassawang; wenno dnagtabbaaw. Ket aglaplapusanan ti kinaiget dagiti paglintegan iti daga.

6 Ket nasayyasayyada iti kasta unay iti rabaw ti daga, kasta met dagiti Lamanite. Ket ad-aduda nga amang ngem dagiti Nephite; ket pagaayatda ti amamapatay ken uminum iti dara dagiti ayup.

7 Ket napasamak a namin-adu a daras a rinautdakami, dagiti Nephite, a gubaten. Ngem maingel a lallaki dagiti aari ken pangulomi iti pammati iti Apo; ket insuroda dagiti tao iti wagas ti Apo; gapuna, nabaelanmi dagiti Lamanite ket napapanawmi ida iti bdagdagami, ket nangrugi a pinapigsami dagiti siudadmi, wenno ania man a lugar iti tawidmi.

8 Ket immadukami a di nangin-ines, ket nagwaraskami iti rabaw ti daga, ket bimmaknangkami iti kasta unay iti balitok, ken iti pirak, ken kadagiti napateg a banag, ken iti nalinis a panagaramid iti muebles a kayo, iti patakder, ken iti makmakina, kasta met iti landok ken kobre, ken bronse ken landok, nga agaramid iti ania man a kita ti alikamen iti ania man a kita a pagtrabaho iti daga, ken aig-igam iti gubat—wen, dagiti natirad a pana, ken kampilan, ken gayang, ken pika, ken ania man a panagsagsagana iti gubat.

9 Ket iti kasta a panagsagana a mangsabat kadagiti Lamanite, awan ti namaayda kadakami. Ngem napaneknekan ti balikas ti Apo, nga insaona kadagiti ammami, a kinunana a: Gapu ta tungtungpalenyo dagiti bilinko rumang-aykayo iti daga.

10 Ket napasamak a binallaagan dagiti propeta ti Apo dagiti tao ni Nephi, maipanggep iti balikas ti Dios, a no dida agtungpal kadagiti bilin, ngem matnagda ketdi iti panagbasol, amadadaeldanto iti rabaw ti daga.

11 Gapuna, dagiti propeta, ken dagiti saserdote, ken dagiti mannursuro, nagtrabahoda a sireregta, impaganetgetda iti adu a panagsagaba kadagiti tao ti kinaregta; insuroda ti apaglintegan ni Moises, ken ti gapu ti pannakaitedna; ginutugotna ida nga bagsagana para iti Mesias, ken mamatida kenkuana nga umay a ckasla dimtengen. Ket kastoy a wagas ti panangisuroda kadakuada.

12 Ket napasamak nga iti panangaramidda itoy nailiklikda ida iti apannakadadael iti rabaw ti daga; ta bsinugatda ti puspusoda iti balikas, ket nagtultuloy ti panangsugsogda kadakuada nga agbabawi.

13 Ket napasamak a limmabas ti dua gasut ken tallopulo-ket-walo a tawen—iti wagas ti gubgubat, ken panagsusupanget, ken sinnuppiat, iti uneg ti adu a panawen.

14 Ket siak, ni Jarom, saanakon nga agsurat pay, ta babassit dagiti pinanid. Ngem adtoy, kakabsatko, mabalinyo a basaen dagiti asabali pay a pinanid ni Nephi; ta adtoy, naikitikit kadakuada dagiti pakasaritaan ti gubgubatmi, a maibatay iti sursurat dagiti ari, wenno dagiti natudingan a mangisurat.

15 Ket yawatko dagitoy a pinanid ken ni anakko nga Omni, tapno maitalimengda a maibatay iti abilbilin dagiti ammak.