Kapitulo 3

Yararaw ni Mormon ti panagbabawi dagiti Nephite—Maragpatda ti naindaklan a balligi ken bileg iti bukodda a pigsa—Agkedked ni Mormon a mangidaulo kadakuada, ket awanan iti pammati dagiti kararagna kadakuada—Awisen ti Libro ni Mormon dagiti sangapulo-ket-dua a tribu ti Israel a mamati iti ebanghelio. Agarup K.P. 360–362.

1 Ket napasamak a saan nga immay manen dagiti Lamanite nakidangadang agingga a limmabas ti sangapulo a tawen. Ket adtoy, binatangak dagiti taok, dagiti Nephite a mangisagana kadagiti dagada ken dagiti armasda para iti kanito ti bakal.

2 Ket napasamak a kinuna ti Apo kaniak: Yararawmo kadagitoy a tao—Agbabawikayo, ket umaykayo kaniak, ken mabuniagan, ket bangonenyo manen ti simbaanko, ket maisalakankayo.

3 Ket immararawak kadagitoy a tao, ngem awan ti nagmamaayanna; ket dida naubog a ti Apo ti nangisalakan kadakuada, ken nangted kadakuada iti gundaway nga agbabawi. Ket adtoy pinatangkenda ti puspusoda a maibusor iti Apo a Diosda.

4 Ket napasamak a kalpasan daytoy maika-sangapulo a tawen a limmabas, a nangaramid, iti pakabuklanna, ti tallo-gasut-ken-innem-a-pulo a tawen manipud iti yaay ni Cristo, pinatulodannak iti surat ti ari dagiti Lamanite, a nangipakaammo kaniak nga agsagsaganada manen nga umay makibakal kadakami.

5 Ket napasamak a binilinko dagiti taok a mangummong iti bagbagida iti daga a Desolation, iti siudad nga adda iti nagbedngan, iti nailet a lusotan nga agturong iti daga iti abagatan.

6 Ket sadiay ti nangikabilanmi kadagiti buyotmi, tapno malapdanmi dagiti buyot dagiti Lamanite, tapno saanda a masakop ti ania man kadagiti dagami; ngarud trininseraanmi a maibusor kadakuada iti amin a kabaelanmi.

7 Ket napasamak nga iti maika-tallo-gasut-ken-innem-a-pulo-ket-maysa a tawen immay dagiti Lamanite iti siudad ti Desolation a makibakal kadakami; ket napasamak nga inabakmi ida iti dayta a tawen, iti kasta nagsublida manen kadagiti dagdagada.

8 Ket iti maika-tallo-gasut-ken-innem-a-pulo-ket-dua a tawen immayda manen nakibakal kadakami. Ket inabakmi manen ida, ket adu kadakuada ti pinapataymi, ket naipuruak iti baybay dagiti minatayda.

9 Ket ita, gapu iti daytoy naindaklan a banag nga inaramidda, dagiti taok, dagiti Lamanite, nangrugi nga aimpannakkelda ti pigsada, ket nangrugi nga insapatada iti langit nga ibalesda ti bagbagida ti dara dagiti kabsatda a pinapatay dagiti buyotda.

10 Ket insapatada iti langit, ken kasta met iti trono ti Dios, a amapanda makidangadang kadagiti kabusorda, ket ungawenda ida iti rabaw ti daga.

11 Ket napasamak a siak, ni Mormon, nagkedkedak a talaga manipud itoy a kanito nga agbalin nga agbilbilin ken dadaulo dagitoy a tao, gapu iti kinadangkes ken makarimon nga aramidda.

12 Adtoy, indauluak ida, iti laksid ti kinadangkesda indauluak ida iti pagbabakalan iti namin-adu a gundaway, ken inayatko ida, a maibatay iti aayat ti Dios nga adda kaniak, iti amin a pusok; ket naibukbok ti kararuak iti kararagko iti Diosko iti nagmalem a para kadakuada; nupay kasta, bawanan iti pammati, gapu iti kinatangken ti puspusoda.

13 Ket namitlo nga insalakanko ida kadagiti ima dagiti kabusorda, ket saanda nga imbabawi dagiti basolda.

14 Ket idi insapatada ti amin nga aimpawil kadakuada ti Apo ken Mannubbottayo a ni Jesucristo, a mapanda makibakal kadagiti kabusorda, ken ibalesda iti bagbagida ti dara dagiti kabsatda, adtoy immay kaniak ti timek ti Apo, a nagkuna:

15 Kukuak ti apanagibales, ket bbayadak; ket gapu ta saan a nagbabawi dagitoy a tao kalpasan ti panangisalakanko kadakuada, adtoy, maisinada iti rabaw ti daga.

16 Ket napasamak a sibabatad a nagkedkedak a mapan mangbusor kadagiti kabusorko; ket inaramidko a kas iti imbilin ti Apo kaniak; ket nagtakderak nga awan ar-aramidenna a saksi a mangipakita iti lubong kadagiti banag a nakita ken nangngegko, a maibatay kadagiti panangipakita ti Espiritu a nangipaneknek kadagiti banag nga umay.

17 Ngarud asuratankayo, Gentil, ken kasta met kadakayo, balay ti Israel, inton mangrugi ti trabaho, ta makasaganakayon nga agsubli iti daga a tawidyo;

18 Wen, adtoy, agsuratak kadakayo amin nga adda iti igid ti daga; wen, kadakayo, sangapulo a tribu ti Israel, a amakednganto a maibatay kadagiti aramidyo babaen dagiti sangapulo-ket-dua a pilien ni Jesus nga agbalin a disipulona iti daga a Jerusalem.

19 Ken agsuratak met kadagiti natda kadagitoy a tao, nga ukomento met dagiti asangapulo-ket-dua a pilien ni Jesus ditoy a daga; ket makedngandanto kadagiti sabali a sangapulo-ket-dua a pilien ni Jesus iti daga a Jerusalem.

20 Ket dagitoy a banag ti impakita ti Espiritu kaniak; ngarud agsuratak kadakayo amin. Ket gapu itoy agsuratak kadakayo, tapno maammuanyo a sumaklangkayonto amin iti apangukoman ni Cristo, wen, amin a kararua a maibilang iti sangabukel a bkaamaan ni Adan; ket agtakderkayonto a maukom kadagiti aramidyo, nasayaatda man wenno dakes;

21 Ken kasta met a tapno amamatikayo iti ebanghelio ni Jesucristo, nga addanto kadakayo; ken kasta met a tapno maaddaan dagiti bHudio, dagiti natulagan a tao ti Apo, iti sabali a csaksi malaksid kenkuana a nakita ken nangngeganda, a ni Jesus, a pinapatayda, isu ti dtalaga a Cristo ken talaga a Dios.

22 Ket kayatko a magutugotkayo aamin iti igid ti daga nga agbabawi ken agsagana a dumatag iti pangukoman ni Cristo.